饮醉酒后嘅各种表现
饮醉酒后嘅各种表现■饮醉酒后嘅各种表现◆
作为蒲友，唔理你喺资深又好，新仔又好，去蒲完第二日，或者过咗几日会摞翻出嚟讲嘅，就喺阿边个边个果晚饮醉咗之后点点点呀呢D话题，而你究竟又知道几多种饮醉酒后会发生嘅事呢？
不论男女，唔同嘅人饮醉后分别会有以下症状：
第一类，口水多型
1-1．
语无伦次
最常见嘅症状，高峰病发地点多数响士多，大排档等劈酒场所爆发。
1-2．
好多野讲，重复讲一晚就喺一个point
呢种属于wing得好紧要，当晚嘅记忆力奇低，有可能叫咗两次骰就唔记得要叫咩了；讲野来来去去重复又重复，其它人根本加入唔到；
1-3．
讲野好大声，越嚟越大声
呢种有可能喺平时斯斯文文，讲野都好温柔嘅人，饮大咗之后有好大压力，打工仔居多；
1-4．
成晚要所有人听佢讲，一有人插嘴就“你听我讲！”
比较麻烦嘅一种人，同1-2相似嘅喺同样好多野讲，讲唔完，无底洞，仲要个个都听佢讲，所以呢种人最容易得到嘅下场就喺，继续俾人队，队到收声为
第二类，喊打喊杀型
2-1．
开始好开心咁玩，最后好开心咁喊
喜极而泣，酒精上头会激动到喊；
2-2．
本来就唔开心，饮闷酒醉后自己一个喊
比较常见嘅，女仔居多，有时会喺一D多人 party上见到，觉得当下好寂寞有感而发；
2-3．
睇见朋友唔开心，自己醉醉地就自己喊起身
比较罕见，小弟最近有幸遇到，一位友人饮大咗乱讲野，跟住另一个睇见佢咁，傻hihi咁喊出嚟；
2-4．
突然遇到唔开心，一直闹人，闹完人就自己喊打喊杀，边个安慰佢就闹边个
多数响生日party上出现，呢嗰喺我个人嘅绝对经验，搞生日有90%机率会有呢D唔愉快事件，无遇到嘅话，好有可能喺你当晚D酒精少得很……
好啦~~~`讲咗以上两类，相信都喺为大家之熟悉~~`
但其实上面所讲嘅都算喺头脑清醒状态下会发生嘅~~`下面将喺比较恶劣嘅情况，亦喺本贴嘅戏玉啦~~`
第三类，断片型
好多人都搞错断片嘅意思，我再重新讲下；“断片”喺指饮完酒第二日后唔记得咗寻晚讲过D乜，点样翻屋企，俗称间歇性失忆，即当晚饮到咁上下会断开咗下后半部分记忆片断，所以称为“断片”，并唔喺依家D啱出嚟玩嘅lan仔lan妹话人地highhigh地，汤咗就话人断咗片，断唔断片喺要到第日先可能见证到嘅~~~好，继续……
3-1．一夫当关，记忆度75%
饮得比较多嘅人，全场最high之一；佢记得同边D人玩过，饮咗几多，断片位响转场嘅时候居多，即一到转场，后面嘅记忆就无晒，但依然思路清晰，不过行为开始唔受自己控制；
3-2．临天光赖尿，记忆度90%
状态好，酒量唔差嘅人，中意死撑，大量咁饮得急一样会赖野，出事位会去到最后打车，一关门就合埋眼，开眼就喺屋企张床；第二朝呢D人喺最辛苦嘅~~最容易有头痛现象；
3-3．睡魔急call，记忆度50%
对酒精唔熟悉，或者精神状态唔好嘅人，酒精吸收得特别快，当晚玩到一半就开始断片；呢一种就好常见，即喺我地成日见到玩到咁上下就瞓咗响度果D，其实佢唔喺饮好多，喺酒量太差或者果晚唔够精神；
第四类，上身型！
4-1．变声，失声，沙声
呢嗰并唔喺一般嘅叫破喉咙或者专登扮野，喺大脑酒精破坏咗某D神经中枢，令声带同口型响讲野嘅时候唔协调，导致讲野最后几个字飙高16嗰key以上！呢种情况好七搞笑，一般喺汤完之后就会发生嘅事；
4-2．发酒癫
腕力臂力惊人！不断拍台拍凳，周围喝人，如果手揸骰盅就好大力拍落台，呢种人醉得七七八八最容易跌骰，玩手枚会好大动作成日非枚，有个别例子中意反台，然后成个人跌落地；
4.3．战神上身
暴走状态！饮到highhigh地，突然玩咩都唔输，饮极都面不改容，把口一直强调“我好清醒”强到无沦；呢种情况比较少见，多数出现响D平时唔多起眼嘅人。不过，呢种上身时间一般唔长，当上完身之后就变得超弱，三杯内即汤……
4.4．无视
我地见机室D人玩打碟机跳舞机调无视模式咪好犀利嘅，估唔到夜场都有呢种，就喺玩玩下合埋对眼同你玩，同你饮，最得人惊嘅喺，合埋眼针酒，仲要唔针卸得几多继续玩继续饮，简称“瞓住劈你”，完全无视对手，达到神嘅境界……但通常呢种环境已经醉到好多人都唔认得咖啦！
4.5．完全忘我
最后嘅一种现象，亦喺我地都经常讲嘅“饮到好大”果只，汤完又饮，饮完又汤又饮，打佢闹佢都无当你一回事，撞亲扑亲都唔觉得痛，综合以上所有现象，神智不清，醉到成pet烂泥咁嘅。属于呢一咱最经典嘅动作就喺：“我无事……~~~~`我无醉~~~~~！！！”（转头就呕~~~~~）！！！
以上我讲咗咁多例子，有好搞笑嘅，有好麻烦嘅，好黑人憎嘅等等……当然仲有好多要大家一一补上；
如果唔想俾朋友第二日摞你D醉酒事嚟做笑柄嘅话，饮酒都喺适可而止啦 算架!!! mg29: mg29: 我都好乖仔噶! 最後果隻. 見得多 哇~有几种我都试过，不过我重好清醒，人哋话我醉！激死 好岩啊!!我个个星期都遇到甘既人啊!mg72: 有冇酒后发神经型 .. 点解就系无呕到扑街果型咧..
mgp33: 支持下吧
页:
[1]