当魔鬼遇上天使时
Dear my angel Azo:同样係深沉嘅秋天,同样係吹住和风嘅午后,一切都好似以前咁...惟独,身边少咗你.拿起笔写低哩封永远唔会寄出去嘅信,写低一D残存嘅感觉.然而落笔嘅时候,先发现成张白纸上全部都係你个名.安祖凝,安祖凝,安祖凝...如果好似你所讲咁,已经过咗去嘅唔应该再执着,但点解每次捻起你嘅时候,心里面都会有隐隐约约嘅痛.原来挂住一个人,係好辛苦噶.
放心啦,应承过你嘅嘢我会记住,会努力做到.我唔会再成日出去玩,唔会再打交,唔会再一唔开心就遭质自己.我会好似普通嘅女仔一样乖乖地.唔知你E+去咗边呢?係咪已经係实现理想嘅旅途中,係咪已经揾倒属于自己嘅幸福.只係知道无论你去到边,都会为身边嘅人带嚟美丽嘅世界,话畀距地知世界上有好多值得爱嘅嘢.
E+,和风就係耳边滑过,带住初秋微凉嘅气息,就好似...係你身边嗰种宁静嘅感觉一样.听日,我就要飞去另一个国度,开始新嘅生活.虽然唔可以再同你係一个城市里面行住一样嘅路,淋住一样嘅雨,不过,好似天使嘅翅膀一样纯真同洁白嘅爱,我会永远埋藏係心底.原来,天使係唔会嫌弃魔鬼噶...
Love from 诗甜
Part1当魔鬼遇上天使时...
从前,我是无人敢碰的魔鬼
而你,是纯洁得让人无法承受的天使
曾有一句话说
前世的四百次擦肩而过
才换来今生的一次回眸
我相信
也憧憬着这样的相遇
-衰婆!行快两步啦,迟咗成粒钟喇我地!!
-妖~唔迟都迟咗啦!寻晚通顶吖,你唔攰架?!
-吖~!秦诗甜妳都得噶窝!话晒今日係妳转过嚟我地学校嘅第一日啊!係咁二都做个乖样畀人睇吓啦!妳又想好似以前咁读唔够一年就退学吖!
-啊车~听讲寻晚有人饮到wing晒窝~唔知边个呢呵~~~?奈奈姐?
-顶...
-哦呵呵呵~喂係窝!话晒我都第一日转学,唔间啊细同Baby仔两只S嘢嚟接我嘅!
-哈哈~距地就西飞利咯~啊细今朝五点先畀信息我,话距直接翻学校觉觉G窝.baby仔寻晚妳都见距界女界到几HI噶啦~
- ... !
-啊sea妳又唔洗咁嘅样~你古个个都好似妳咁坐係度就有人界噶咩!喂喂~寻晚妳嗰件型到呕电窝~~~~
-哇~~~过奖喇!玩吓姐玩吓姐,你都唔知嗰距......
-咔咔咔咔....
睇我地讲嘢相信大家都知我地唔係咩乖女嚟噶啦.我係秦诗甜,D F多数都叫我诗甜或者啊Sea,今年17岁.从初二开始我就开始成日出嚟玩,多数人话哩D係"人未大就学坏",或者啦,不过我都冇人理噶啦,学好学坏咪一样.我啊爸啊妈係我小学嗰时就离咗婚,从初中开始我就一个人住,距地会定时过数去我张卡度比钱我洗,负一D所谓嘅责任.一个人住几好吖,冇枉管,叫班F上嚟开Party都仲得!岩先提到嘅奈奈,啊细,Baby仔都係我其中几个死党,我识得嘅人大部分都係成日出嚟蒲吖,打交吖咁嘅,不过我地又唔会嗒人兵,HI嘢衰得咁尽嘅.
今日我第一日转学,唔洗问点解都知啦,係以前间学校旷课记过太多,咪干脆自动退学咯.我啊妈"几经辛苦"终于揾倒一间肯收我嘅学校（我捻都洗咗距唔少钱),哩间係一间美术学校,呵呵~不过我就一D都唔识画画,係啊妈话女仔学吓画画好,有气质,斯文D吖咁.如果唔係见有咁多F係哩间学校我打S都唔离吖!!!
我知自己唔係咩好女仔,醉生梦死咁,冇咩理想冇咩目标,唯一有D叻少少嘅就係跳舞咯.拖係拍过好多次,不过连咩係爱都唔知,次次唔够一个月就散.而且我同亲嗰D都係出离蒲嘅.
嗰D好男仔点会中意我E条魔鬼鱼吖~~~~~~~~~~
-（奈)大剂!!!S喇S喇!
-（Me)咩咁大件事吖!
-等我仲以为今日咁好死,迟到都冇保安係门口捉我地登名!原来今日有嗰D乜鬼领导离参观吖!妳睇吓前面成乍人行梗过离吖!
-哇吓~係好大棚人窝!唉是但啦~照行啦,最多咪畀人省一餐!
-~~~~~~~啊Sea吖~我今个月迟倒咗16日,旷课咗23节喇!咁样落去~恐怕妳岩转入离我就要畀人踢走喇...
-哈哈哈哈~~~~~~~~原来妳咁鬼威架!
-妳,妳仲笑!!T_T~~~~~~~~~喂~我地摄入去礼堂避避先!
讲完,奈奈就扯住我闪咗入一个好大好宽敞嘅礼堂度.礼堂周围都挂住好多画,虽然我唔多识欣赏画,不过望落去,好似好有气势咁嘅D画.有D就用对比好强烈嘅色彩相撞,有D係好柔和嘅粉色融合,有一幅...
哩一幅画,唔知点解我第一眼望落去就觉得内心好平静,画中画嘅係----天空,蔚蓝同天使蓝相融嘅天空,有一朵朵好似棉花糖一样白雪雪嘅云朵,D云望落去好有质感,好似好柔软好舒服咁,成幅画望落去好有空间感,我好似感受倒画画嗰个人嘅感受,似乎冇晒烦恼同杂念,好宁静好明朗...
-喂!!!
-哇~~~~嚇死人咩!
-少有窝~诗甜咁认真係度睇画!唔...话唔定你啊妈送妳离美术学院係一个正确嘅选择!
-我啋过妳吖~要我坐定定画画窝~即时闷到晕咗吖!之不过呢~哩度D画好似几靓咁...
-我都觉!以前礼堂D画一係就好普通,一係就唔知距画乜嘅!今次唔知边个开画展呢!
奈奈轧轧跳咁跑去画展介绍嗰度及嘢.我係哩个方向望过去,见倒几个好特别嘅艺术字写住今次个人画展嘅主题係<魔鬼与天使之相遇>.魔鬼同天使?係咪指嗰D色彩浓烈嘅画同粉淡和谐嘅画呢...主题下面仲有一行字:当象征魔鬼的黑与象征天使的白懈逅在初秋.
-哦呵呵呵~~~~~~~奈奈~妳睇我似唔似魔鬼~!?
我摆出一个懒诱惑嘅表情,发晒傻咁问
-好魔鬼啊呢~~~~~~?我仲着咗黑色衫添~（美术学校唔洗着校服)我一于係度帮个画家做生招牌啦!不过仲差个天使窝~
我继续係度讲笑
-吖~~~~~~~~~!!!
奈奈突然间尖尖叫起嚟
-係距吖~~~~~~~哇哇~~~~~竟然係靓仔师兄嘅个人画展吖~!!!哇哇~我要挞两幅画翻去留念吖!!!
-傻咗吖你!你个师兄乜水咁犀利吖!
-错!以后距都係妳个师兄吖!距叫Azo（读at 祖)吖,中文名好似係...安祖凝.大我地两年噶!
-哇~成个女仔名咁嘅,叫啊玲.仲要安祖安祖,咪姐係angel!
-人地个"凝"係凝聚个凝吖,而且距叫Azo唔係Angel吖~~~~
-得喇得喇~~妳讲到人地咁鬼正,唔去沟人~
-你古我唔想吖~!不过哩个有D难度~~呵呵~
-哇~我第一次听奈奈姐讲话D仔对距有难度噶乍窝~~~~~~呵呵呵呵~
-妳E+係哩度读,以后大把机会见倒Azo师兄噶! Part2
惨惨惨~~~~~~~~~~
第一日翻学就已经咁难挨,以后叫我点读落去...
成个上昼都係度听个教授讲埋晒D好鬼深奥嘅嘢,咩印象派,咩新古典主义咩浪漫主义,咩巴洛刻艺术咩罗可可美术.哩个咁嘅罗可可美术,改D咁怪嘅名!可可,可可,哇~E+係秋天,有D凉凉地,好想饮可可---热朱古力吖~~~好啦!一于咁话!放学去M记整翻杯先~~~~~~呵呵呵呵~~罗可可美术~~~
梦都未发完,教授又畀D奇怪嘅（至少我觉得奇怪嘅)画我地欣赏
哇~~~~乜D画家咁咸湿噶!咁中意画人光脱脱噶!咩<浴后的狄安娜>咩<大宫女>个个都唔着衫嘅~~~教授仲话係艺术,线条美窝~~~仲有一幅叫<理性一但入睡,梦幻中的想象就会产生妖魔鬼怪......>咁鬼长个名,理性唔入睡我都入睡啦!!
终于挨到最后一节课,係去油画室上课,教授畀咗一套新既画具畀我,因为奈奈同其他同学行咗先,咁我就鸡手鸭脚咁拿住一大乍画具行去係东校区既美术馆喇!
其实哩间学校D环境都唔错吖,可能係因为美术学校既原因,周围D花花草草特别多,仲有唔少雕塑之类既嘢.
E+係初秋,D树叶黄黄绿绿咁,仲有D已经变成橙黄色慢慢飘落离,个天特别高特别蓝,D云都零舍洁白,一团团咁好可爱.望吓望吓个天,我又情不自禁咁捻起今朝见过嗰幅画天空既画......
-诗甜姐!!!
身后突然有把好大既声叫我!
-哇~~~~~嚇到我!
乜得我睇嗰幅画或者捻嗰幅画都特别易畀人嚇亲噶!
-哈哈哈~~~~~诗甜妳撞鬼吖!咁唔"COME"嚇架!
-顶吖~S人BABY仔!成朝唔见你!失惊无神弹出离!
-鬼咩~~~~寻晚妳地走咗之后我又转场玩到四点几先走,今朝寻咗几节课,畀D主任拉咗我去办公室审咗我一大餐!
-呵呵呵~~~咁好彩!啊细呢?
-啊细上完上昼D课就翻咗屋K训喇!妳第一日翻学窝,不如放咗学去大佬Miu间Bar度同妳接风啦!
-傻啦,接乜吖!E+我转学乍!搞到好似好光荣咁!加上寻日做咗超级夜猫,今日要翻去训翻个好觉~!!
-哈哈哈哈哈哈~~~~~~~~~`
-笑咩吖你?
-冇咩~~~见倒平时着倒鬼咁型既诗甜E+拿住D画具懒咁唔斯文咁好搞之嘛~~~``呵呵呵~~~
-仲笑!你五行欠打吖!!!
-我先唔会企係度等打咁蠢吖!
讲完,Baby仔就一支箭咁标走咗,临跑前仲要整个鬼脸先!
-死仔吖!一支画笔掟S你吖拿!
好似平时打打闹闹咁,我好顺手咁係D画具度抽咗支画笔出离,一飞飞过去BABY仔度.
哩个时候,BABY仔一个转身跑咗上楼梯,同一时间,另一个人係楼梯行咗落离.
支画笔不偏不倚咁飞中距心口…….
哇~~~~~~~今晕S喇!唔小心上演咗一幕"爱神穿心箭"先,飞正人地心口.虽然话平时係出面就得罪得人多,不过我都唔想第一日翻学就得罪人家嘛!我Dup低头做咗个好唔好意思既表情.
然后抬头好唔自然咁对住嗰个人笑咗笑,"嘻….."惟有咁啦!
眼前係一个高高瘦瘦既男仔,着住白色既恤衫同啡色既裤,双手插住袋,不过自己唔够训,成日对眼都蒙查查咁,净係觉得距白白净,同埋D头发几长吓,长得离有D凌乱,係夕阳光下好金吓.
距将其中一只手係裤袋抽咗出嚟,弯低腰,执起地吓嗰支画笔,然后又望一望我.
距行咗过离,单手递咗支画笔畀我,冷冷咁讲咗句
-画笔唔係咁用噶.
语气里面虽然冇责备既意思,但係我就觉得好唔好意思,甚至觉得自己个心突然间跳得好快.点解会咁既~~~我冇理由会咁噶窝,平时对住D男仔都懒高斗咁既,E+竟然有D怕丑...
距真係好高吓,我都有一米六七左右啦,都係嚟到距膊头,我捻距至少都有米八挂.EEE~~~~~~距身上仲有一阵好香好好闻既味,好似係BOSS既古龙水窝,距係咪大专D师兄嚟噶呢.......
我定咗係度捻,等我"清醒"翻既时候,先发觉距都定咗係度等我拿翻支画笔.
我接过距手中既画笔,准备讲声"唔该"既时候,距就插住个袋懒COOL咁行走咗.
係距经过我身边嗰一刻,嗰阵香味又係距耳边飘起咗既嗰缉发端度飘过离.
我呆咗咁望住手中既画笔,发现哩个人竟然令我觉得,画笔係一样好神圣既嘢.
Part3
但觉得从前情人
在世上并没存在
多年来人未真正去被爱
来来回回 我只站在门外
一时糊涂 你只当做意外
（某间D中...)
-（啊细)诗甜~嗰边有靓仔吖!
-睇过~~~~~~~?哦!几好吖,过去界咯妳!
-不如妳帮我吖...?
-点解吖?
-距隔离好多女吖!
-车,洗鬼惊咩,照界啦!
-唔得吖~~~~我今日着得太Q喇,睇落去咁细个,实畀嗰几件嘢虾啦!耶~~~~~~~妳帮我啦~~~
-顶你唔顺!最怕畀人爹.
我拨咗拨D头发,拉翻正件衫,从个位度行咗过去啊细话嗰个男隔离.
未行到过去,距隔离嗰乍女好似FEEL倒有"杀气"咁一齐啤住我.哎~~~~~~~~冇以为人多就得先噶,成乍金鱼眼瞪到好似想甩出离咁款!呵呵~~~~~扮串我就最得噶喇!我对住距地冷笑咗一下,顺手电埋啊细想沟嗰个男.係E+地方眉来眼去已经好平常,唔洗自己走过去问,嗰个男就係堆女度行出离,笑住咁对住我话
-靓女请妳饮杯嘢吖.
哇~~~~D眼光唔好咁暧昧好窝.仲要讲埋晒D咁行既嘢.
-咁你D女呢?
我望吓嗰边嗰乍非常之唔妥我既lady.
-哦,嗰D我D朋友离噶乍,我係西宫嗰边仲有张台,过去坐吖不如.
-好吖,唔介意我叫埋D F离吖嘛?
-梗係唔Mind啦!
嗰边既啊细好醒目咁知道我搞掂咗,唔洗我叫距已经行梗过离.
唉~~~~~~蒲得多觉得有D闷同烦先!都唔知自己点解要出离玩.但係又唔想留係嗰间得我一个人既冷冷清清既屋里面,所以一无聊就同D F落Bar落D蒲已经好似家常便饭咁...郁闷ING...
啊细同嗰个男倾倾吓就出咗舞池,而我又唔想应酬其他人,于是就自己行开咗.
行到去一个静少少（其实都唔净得去边,不过係少D人经过)既角落度,捻住打个电话畀大佬Miu问吓距岩先响我机咩事.（大佬Miu其实都係契既,哎~~~~哩个年纪好兴契E个契嗰个家嘛)
岩岩拨通咗个电话,见倒岩先嗰四个女恶S能瞪咁行过离.见倒距地咁既款就知咩事啦.
-0靓妹!妳好嚣窝!
真係佩服距地,矮我成个头都好意思叫我0靓妹!
-点吖?auntie?
其实距地都讲得冇错既,某D时候我的确几嚣,特别係想起"钢"（打人)嗰时.
-妳唔好咁串吖!係**度玩,妳识得边个吖,踩我地场咁大胆!!
真係顶距地唔顺,讲嘢劏猪咁声.
-我唔惯同人闹交噶窝,一係打啦,妳地咁臃肿,挨几拳好过去mic脂吖!
-死...
-------+---+--啪---+------
距未讲完,就畀我一巴Come咗落去,係红咗少少,我都係带咗三支戒指姐,唔似得啊细夹D刀片係手指嚹度come人咁激.
嗰个女即刻Umm住块面,另外嗰三个就成个呆咗.可能古唔到我真係郁手.
见过我打交D人都话好恐怖,如果距地试过差D就畀人打死,可能就唔会咁觉得.
-妳同我企係度唔好走!Irean过去叫啊sir过嚟!
哩几条都算衰咯,自己走过嚟撩交嗌!come距两巴又话叫灰佬.
-好吖~一齐上去饮咖啡咯!
-睇妳一阵仲有冇咁大口气!
嗰个叫Irean既女行咗冇几步就停咗係度.
我一望~~~~~~~~`原来係大佬Miu离咗~仲有啊细,Baby仔仲有十几个F都过晒E边!
-（大佬Miu)妹,岩先边个虾妳吖?
虾我?岩先好似係我咩咩人窝...
-我...
我正想讲係我郁手先,啊细就话
-（细)哇~~~~~~~啊sea,妳块面做咩咁红既?係咪有人打妳吖?
距同我做咗个眼色
-（ME)55555~~~~~~~~~~係吖~~~`岩先哩几个auntie come我吖~
-（aunties)喂!妳唔好乱UP窝!明明係妳...
-（miu)妳地几条**係咪想搞事吖!叫啊SIR咯,我最熟噶喇,到时惊妳地告距唔入乍!
-（细)呵呵~~~~惊妳地一把年纪行得出差馆行唔出哩个区窝.
-（aunties)....你地好嘢吖!我地走!
-（细)咩走得咁易吖!好似漏咗嘢未讲窝!
-（aunties)对唔住咯!得未吖!
2:45PM沿江路同大佬miu吹梗风
-Sorry吖!大佬Miu,又麻烦倒你.
-妳只衰妹咁大个仲一日聊事斗非!
-我都唔想噶!係距地...
-得喇得喇,妳有事我几时唔撑妳噶,不过我E+少咗出离行噶喇,唔係次次都帮倒妳噶!
-我知噶喇!我E+有翻学噶,乖咗噶喇~嘻~~~~~~
-係至好讲吖!点吖?奈奈话妳去咗距果间美校窝!识翻个正经D既男仔好过啦!好过我E D啦起码...
-吖~大佬吖!你间Bar E+搞成点吖?
听倒距讲到哩度,我就即刻转移话题
-都算可以啦,有时有人係度搞事都要搵班兄弟去撑场.妳得闲咪多D同奈奈距地离坐吓咯......
直到今晚我先知,原来大佬Miu仲中意我既.已经两年喇,每次距想认真咁讲我地两个之间既事既时候我都专登避开.因为我一直都当距好似好好好好既大佬咁,而冇中意既感觉,虽然我对以前既BF都冇嗰种感觉,不过我只係同距地玩吓,从来都冇认真过.我唔会玩我大佬,所以都唔会勉强同距开始. 发住甘多先啦~！！睇下有冇人睇~！！ 有啊`
我第一個支持妳啊` 多谢~！我继续发~！嘿嘿~！！ Part4
我用残余力气抚摸
证实你转身擦过
将生命承担不起的难过 放手给我
也许相恋这条路 挤逼的怀抱
不够让我高攀进内才摔倒
踏上分手这条路 才令我突然看到
你的天空宇宙只够我流泪 不可跳舞
校园漫步中......
-（奈)寻日隔离**中有几个女过离沟我地Azo师兄吖!激死我喇!
-（细)妳见得少咩!哩度方圆十里D学校D女不嬲都对Azo虎视眈眈噶啦!
-（奈)但係寻晚嗰几个女都非一般索窝~~~几惊Azo从此比人沟走咗吖!
-（ME)哎~~~~~~有冇咁夸吖!咪好似日本漫画嗰D校草咁样...
-（奈)係噶喇!乜妳仲未见过Azo咩?妳都翻咗个几星期学噶喇窝!
-（ME)未窝!距一係就闭关咗,一係就太普通,我见倒都唔觉得距係校草!
-（细)妳晚晚都蒲倒片晒身先翻学,朝朝都晕驮驮咁,畀妳见倒都冇心机去及真D啦!
-（ME)呵呵~~~~~咁又係!不过我今日鬼打咁精神窝!畀我见倒距要弹翻几句先得,等你地赞到距飞啊拿!
-（奈)讲落呢,Azo好似有条女噶窝以前,仲话由细玩到大添,D人仲传距畀嗰个女飞噶!
-（细)嗰件8婆咁串,连Azo都飞!
-（奈)都係听人讲姐,不过见距都唔受界既,莫非仲好霖件旧菜!?
-（细)人地未见到岩胃口乍!畀着有D劲正既....係窝~~~~~~~~诗甜!嗰日你帮我界仔嗰时咁鬼掂!不如妳上啦!一于妳去沟距,自己人食都好过落入D邪门外道口中!
-（奈)係窝~~~~~差唔记得仲有个诗甜先! 喂~~~~~~日透冇讲人吖!Azo吖~~~~~~~~係篮球场吖~~~~~
-（ME)哇~~~~~~乜食食声咁难听吖!边水Azo吖?（目光于篮球场搜索中...)哇~~~哩间学校D人个个都咁鬼高大既!
-（奈)呢~~~~~~~嗰个吖~白色波衫,左手绑住条黑毛巾嗰个呢~~~~~哇哇~~~~~带波喇带波喇~~~~~哇好劲吖好劲吖!!!WoO wOo~~~~
-（me)顶~~`死嘢妳冇WoO woO声咁叫得咁肉酸啦!带波嗰个啊嘛~睇吓先~~~~~~
EEE~~~~~`真係似乎好似大概几劲窝~~~~~~~~~~`D动作好快吖,係其他大旧衰之间闪吓闪吓,好轻易就避过一次又一次既拦截.唔好净係挂住睇人打波,及吓距咩衰样先!!哇~~~~~~唔好闪得咁快啦!叫人点睇清楚窝!D头发好长吓,浅棕色既,距一路跑,D头发就一路弹弹吓,侧面轮廓係几正窝,个鼻几高吓.虽然瘦瘦地,不过又唔会觉得弱不禁风咁,打起篮球都几"帅气",D动作几洒几型!D taste呢~~就咁望好难睇得出,不过见距个头都几型,加上对鞋係reebok既（我最喜哩个牌子)应该都唔会差得去边.
咪住咪住!话咗要弹距几句,做乜捻倒嗰D都係度赞人噶!唔得!我唔可以同奈奈距地班花痴一般见识噶!一于搵距缺点!
---+BI+---------
教练吹BB喇窝,停场喇~及真D睇距有咩衰嘢畀我弹先!
哇~~~~~~~~~距咁似嗰日畀我支画笔飞中嗰个既!E+距停低正面对住我哩边我先认得出,虽然我嗰日蒙蒙松松咁,不过实冇认错,原来距就係Azo吖~~~~~~~~哇哇~~~~~`再睇真D,点解距个眼球同距D头发一样浅棕色既,好鬼靓吖~~~~~~~好似水晶球咁!距嗒咗条黑色毛巾係条颈度抹汗,好型咁吖~
-（奈)诗甜~~好时机吖!距地停场吖!上啦!
-（ME)咩,咩吖~~~~~~咁唐突,无端端走过去沟人!
-（细)我地平时出去玩都係咁噶啦!妳冇同我讲妳净係识界蒲仔,对住距就怕羞吖!
-（ME)边个话架!哼!沟咪沟!
死啦~~~~~~讲真唔知点解自己真係有D紧张咁,一步一步行过去都有D犹疑吖!早知今日会畀E两只S婆逼我去沟仔就着得索D啦!
-E!?二年级嗰班靓女师妹窝!
嗰班打篮球既师兄里面其中有一个人讲,跟住成乍人望晒过嚟!哇~~~~~~好唔好意思吖...
-係窝,~~~~~~邢均惟,行梗过嚟嗰个咪你话嗰个新转嚟嗰个靓女!
吓~~~~~~~距唔係讲梗我啊哇?咁畀面吖~~~~~~原来距隔离坐係度嗰个就系邢均惟~唔错窝~呵呵~有少少babyface,对眼好精灵~~~乜距识我噶咩!
咪住先!我E+係行梗过去界Azo噶窝!好!整翻个型样出嚟先.
行到过Azo身边,嗰班师兄又係度起哄
-哦哦~~~~~~~~~~~原来靓女师妹又係睇岩Azo哥既~~~~~!!
妖~~~~~~~师兄们唔好咁直接啦~会影响我信心架!
我抬头望吓Azo,距都望住我,哇~~~~~~~果然係浅棕色噶个眼球,距係咪戴咗有色CON吖??定係混血儿呢?
嗰阵隐隐约约既香水味又係距耳珠传过离,我E+真係离距好近.
-你係Azo吖?
死啦~~~~`我做咩问D咁废既问题噶!
距只係一边抹住颈上既汗一边点咗吓头.
-Er...我...你...
距点解好似定晒咁望住我膊头咁既,仲慢慢咁靠过离,伸咗只手好小心咁拨开我披係肩上既头发.
距唔係想锡锡吖嘛~~~~~~~~~~咁快~~~~SSSS~~~好紧张好紧张~~~~点算点算点点点....
点知...距唔知係我锁骨度捉咗D咩,然后松开咗捉住嗰只嘢既手指,一只七星瓢虫飞走咗....
-妳做咩带只七星瓢虫出街吖?
鱼死喇~~~~~~`距做咩讲D咁奇怪既说话吖!距唔係以为只七星瓢虫真係我带出街架啊嘛!?我有冇咁白痴吖!!!只S人七星瓢虫咁鬼衰噶!係要E个时候痴鬼住晒!仲要痴係锁骨度!搞到我好似养虫咁!T_T~~~~~~~~~
我当场呆晒唔知答距咩好...唔知係咪我嗰时个样好搞笑呢,距对我笑咗笑.然后另转头同班F讲话
-我翻上去先啦!下半场均惟替我啦!
Part5
哎~~~~~好鬼纳闷吖~~~读亲间间学校都有哩一幕,冇几耐就畀人叫咗去办公室
-（教导处主任)秦诗甜同学,虽然学校对学生既仪容仪表冇特别严格既要求,不过妳D形象实在係比较出位.
-我唔觉有咩问题窝!
-首先,妳条裙太短喇,加上上身既衣服比较紧身同太过清凉.
-我都係着翻岩自己Size D衫姐,唔通要我着妳嗰D咩,当睡衫就差唔多~
-妳...!好,秦诗甜同学,其次,妳戴得太多耳环喇,睇吓妳,1,2,3,4....12,13!係十三个耳环,妳咁样打扮同社会青年无异!人地会以为我地学校係D不三不四既学校!
-我本身就係社会青年嚟噶啦!係哩个社会既大好青年~加上间学校係咪野鸡学校都唔係睇我戴几只耳环啊哇?
-什么野鸡学校啊?妳要注意一下自己既言谈.好,再讲另一样,妳D头发既颜色太过金喇!
-哇~~~~~`妳咪讲到我咁凉啦!金色!哩只係麻色吖!
-总,总之,就希望妳将头发染翻深色D去!同埋注意吓自己既仪表!
仲话我D头发浅色,不如望吓坐咗係妳隔离嗰张台度画梗嘢既安祖凝同学啦!距D头发嗰只色又叫咩吖!见人画画叻就唔话距!
Azo唔知点解会係办公室度,又唔知係张台度画梗咩.我仲见倒距岩先一路画一路听我同主任讲嘢,仲一路偷笑.等我一入嚟见倒距仲鬼咁尴尬,其实都唔知自己尴尬D咩!不过上次真係鱼吖嘛!
-陈主任,各位老师,够钟去开会喇!
哩个时候,有一个好似小丸子啊爷既教授行咗入离,叫晒D老师去开会!真係救星吖~~~~~~~我唔洗再听哩个陈主任扮晒形象顾问咁UmmUmm寻寻喇~~~~~~~~~小丸子啊爷你好可爱吖~~~~有机会我一定推荐你去做小丸子真人版既配角噶~!!!
-秦诗甜同学,妳企係度同我好好思考一吓,我开完会再好好教育妳!
讲完哩句话,距终于舍得走喇.
当我Short噶咩,企定定等妳翻离讲耶苏....妳走咗我仲唔有咁快闪咁快!
唔係窝~~~~~睇吓Azo係度做D咩都好!
-安祖凝!
距抬头望一望我,好似认得我係嗰个"带七星瓢虫出街"既女仔,露出好亲切既笑容话
-係妳吖?衰妹吖,师兄都唔叫!冇礼貌吖!
哇~~~~~距叫我衰妹??听落去好亲切吖,距都唔係咁cool姐!
-如果我有礼貌,岩先你听我同陈主任讲嘢都唔会听到笑笑口啦!
-哈哈~~我都係第一次听倒有女仔咁同陈主任讲嘢.
-女仔?咁男仔呢?有冇人搏距嘴噶?
-有吖~~~~`呵呵
-边个师兄咁威~~~~~~~~~?我要识吓距先得!
-妳E+咪同梗距讲嘢咯!
-哇~~~~~係Azo你吖!!?睇唔出窝~~~~~~
-乜你觉得我好乖噶咩?
-乜唔係噶咩?呵呵~~~~`係窝~!你係度画咩吖?
-哦~设计梗今届艺术节既标志之嘛!
-哇吓~~~~~~~~`个标志由你嚟设计架?係厉害窝~!
-哈哈~唔係吖.画个标志有几难,妳都得啦!
-吓~~~~~我~~~~咪讲笑喇!我唔识画画噶,我转......
唔得~我唔可以咁快就话畀Azo知我转学过嚟嗰时冇经过正式考试噶!咁距就会觉得我不学无术,又觉得我唔识画画,觉得同我冇咩共同话题噶喇~~~~~~我点解会咁在意距点睇我既...
-係吖~~~~我睇过你个个人画展喇!
又发挥我转移话题既本领!
-真既~?觉得点吖?
-好靓吖~~~~天使同魔鬼既相遇,唔同色彩既画好似有两种截然不同既风格咁!
我竟然讲得好似好Pro咁
-（笑)唔错吖!妳睇得出我想表达既嘢窝~~~~
-唔~~~~~~我最中意既就係嗰一幅画天空,有D白雪雪既云嗰幅.
-呵呵~嗰幅画叫<未来>吖.
-哇~个名有D深度窝~我觉得睇上去个心好似好平静咁吖!咁点解会叫<未来>既?
Azo只係淡然一笑,冇答到我.哩个笑容代表D咩呢?
突然间好想知道关于距既一切,好想了解哩个一时会好cool,一时又好close,仲会画出一方宁静既晴空既Azo师兄. Part6
今日上昼好开心吖,我同奈奈走去小卖部卖嘢食,唔单止见倒安祖凝同邢均惟成班师兄,Azo仲笑住同我打招呼,仲请我地食雪糕先~
跟住D同学见到我地好似同班师兄好熟咁,就投嚟羡慕既眼光~突然间令我有一种好幸福既感觉
哩种感觉,就算系系D Bar度畀成乍男围住都唔会有,嗰D只系虚荣既感觉,但E+哩种幸福就令人系心度笑出嚟
我发觉自己越嚟越唔似自己,每次系Azo面前,我都会除咗嗰个倔强带刺既外壳,只系想做一个普通既师妹.
如果畀距知到我另外既一面,嗰一个会蒲夜场,会随便界仔,会打人既我,咁距会唔会好似其他人咁觉得我好曳而唔睬我呢...
数学课上......
喀嚓喀嚓~~~~唔唔~~~~~~~~~喀嚓喀嚓（食梗卡乐B既声音)
系我同奈奈既威迫利诱之吓,坐系最后嗰两个同学终于肯同我地调位.
我地栋高本书,又借助前面好认真听课既同学嚟遮住,呵呵呵呵~~~~~~~~系最后E度我地有自己既一片小天地~YEAH~
-（奈)衰婆吖~几时同Azo咁熟都唔话我知!
-（ME)熟?唔系好熟噶乍!
-唔熟距就唔会主动同妳打招呼,仲请我地食嘢啦!
-其实系师兄距nice姐~我同距讲过一次嘢乍~咪上次畀陈主任叫去办公室嗰次咯!
-哦~咁我知点解妳会见倒距喇!Azo嗰个星期日日都系办公室搞艺术节D嘢!
-呃呃呃... 妳果然好清楚Azo D动向窝...
-哦呵呵呵呵~~~~~~梗系啦!我仲知道艺术节我地就有好嘢睇先~
-（瞪大双眼)真既~~~~??咩吖咩吖??
-你到时咪知咯!呵呵~~~系窝!到时我地班都要出节目噶窝!我地搞D咩好呢~
-都唔洗我地捻啦~实系D好学生表演乜合唱小品,闷到发毛嗰D嘢噶啦~唔通会畀我地跳舞咩!
-EE~~~!!!跳舞都好窝~!!妳同Baby仔跳舞都咁掂~整翻part流行舞实正爆灯啦~
-奈奈姐乜咁睇得起我吖~~~ ~~~不如妳跳吖~我硬系觉得系哩间学校D人做咩都慢半拍,跳古典舞就岩,流行舞喇窝......
-咁到时Azo师兄都系度睇噶窝!妳唔想畀距见吓妳最叻嗰样嘢咩~~~!??
--（偷笑)系窝~~~
-呵呵呵呵~~~~~~~~~~~~~果然冇古错!
-古咩吖?
-秦诗甜同学,妳是否愿意与安祖凝同学结成夫妇~同谐白首~连生贵.....
-STOP!!!傻咗吖妳!再讲打妳噶!
-睇妳吖~讲吓就咁紧张!其实虽然话Azo系靓仔,条件好~不过其实我地系出面识既都有大把靓仔又有钱啦,点解妳偏偏中意距既?
-咩窝...
-拿,好似妳之前拖过嗰D,有几个都同Azo有得挥噶窝,点解妳又会对人冇FEEL噶呢?
-车...嗰D点同窝,距地出离玩既!
-睇离有一句话讲得冇错!越系生活系两个唔同世界既人,越系容易互相吸引...吖~!!捻落咪好似Azo个画展咁~"魔鬼与天使之相遇"~
-......
-系时候要讲D嘢畀妳听喇!
Part7
天使总是无条件地关心着所有
包括魔鬼
但魔鬼 害怕看到自己身上的刺
更害怕看到天使的泪
原来 魔鬼也会有爱
-妳D表情做咩突然间变得咁认真吖?
-妳知唔知我地班边个系余颖吖?
-鬼知乜水余颖吖!
-坐系第三排最左边嗰个呢~~~距系Azo前度女友余莹个妹嚟噶!
-Azo以前条女??!!原来真系有噶!
-哩D嘢我都系前排先知噶!Baby仔同均惟师兄都系跳街舞家嘛,我咪借D二系邢均惟度打探吓咯,距同Azo好鬼F架!不过点知距把口又好密实窝!后嚟我话帮诗甜妳问,距先肯讲我知乍!吖~~~~~讲落点解均惟师兄系要妳问先肯讲呢...
-（怒视ING)妳,讲,咩,话......
-妖~~~~~~~唔好咁既样啦!听我讲埋先!
-原来嗰个余莹同Azo小学就识噶喇!大家住埋同一栋楼,真系由细玩到大架,而且Azo细细个就开始中意余莹,不过余莹就一直冇理会到,仲系Azo面前拖其他男仔.
-条8婆E+死咗去边吖!!!
-听我讲埋先啦!
-到咗距地好似我地咁大嗰年,Azo终于都同余莹讲出自己既心意,距地就拖咗一年多D,后嚟因为余莹中意咗第二个,距地就散咗喇!
-有冇搞错吖!乜叉女人嚟架!
-妳唔好捻住搞嗰个女先吖,听讲Azo仲对距余情未了架!
-顶~~~~~~唔系吖化!咁既女执倒都喊三声啦!
-妳捻吓啦!从小学就开始既感情边有咁易放低吖!仲有吖,余莹E+条仔出离行架,距都好似跟埋距条仔出离玩,Azo距可能...er..
-咩吖?讲啦!
-距可能会好憎D人出离玩噶,连距最中意既人都咁样,距...er...总之就会好伤心啦
-......
-哎呀~~~~我都系古吓噶乍!不过妳都系暂时唔好畀距知妳出离玩喇,睇定D先啦...
到咗哩一日放学,由于系秋天,个天好快就变黑咗,D空气都特别凝重.
虽然街上五颜六色既霓虹灯慢慢一盏一盏咁着咗,不过秋天总系畀人惆怅莫明既感觉.
我一个人行出校门,行行吓见到安祖凝系我前面,都系一个人.
距着咗件粉红色T,咩住个打斜既黑bag,行得好慢咁...
-Azo~
我追上去叫住距
-系诗甜吖?
-呵呵~~~~~~~你记得我个名吖~好开心吖~
-妳个名咁特别,好易记姐!
-好特别咩?
-有个甜字既,好似妳个人咁可爱咯!
距赞我可爱~~~~~~第一次有人赞我可爱噶乍~~~~不过如果畀距见倒真正既我,咪会好失望咯...
-喂,樽少!你睇吓嗰边嗰个咪啊sea离既!
我突然间听倒后面有个男人咁讲,就另后去望,Azo都跟住望咗后去
死喇~~~~~~~~~咪上次系新冶嗰几条柚
-系窝~樽少!真系嗰条女窝!
点办......E+咁样继续讲落去实会畀距地爆晒我D嘢出离噶窝!
-（Azo)妳识距地噶?
-（ME)唔识吖...点会识D咁既人姐,我地走咯.
我拉住Azo加快脚步咁行
-喂~啊sea~~~~~~~sea~!!
嗰个叫樽少既仲死心不息咁跑上嚟拉住我
-（ME)做咩吖你!我都唔识你既!
-（樽)妳唔记得我喇?上次系G2我地饮过嘢噶呢!妳仲一个人对咗半支chivas架!!!
顶~~~~~~系咪变态架!洗唔洗E D都讲埋出离吖!
跟住距D Fds又走埋过离加把火
-（樽"s Fds)咪系!靓女妳都好识玩嘢姐,畀咗个假num樽少,搞到人揾唔倒妳几伤心吖~哈哈哈哈哈
正一lao佬!当街讲嘢咁大声,惊死人唔知咩!
点办吖~~~~~~~~E+应该点样解决...
我望吓Azo距企系我隔离好似仲未知咩事咁,有D迷惘咁望住我
另一方面,我见倒今朝奈奈讲嗰个余颖从校门口行出离,仲用D奇怪既眼神啤住我地哩乍人.后嚟我一望住距,距又即刻另翻过去继续行
-（樽)靓女,哩排唔见妳出嚟蒲,原来识咗个乖仔男朋友吖~
嗰条柚笑笑口咁望吓我又望吓Azo
-（me)你地想点吖!
-（樽"S F)无它既,话晒都畀妳玩过一次,难得樽少心情好,今晚请妳出去玩咯~哈哈哈哈
笑你条命咩!如果唔系Azo系度我唔打鬼你
-（樽"S F)定系你惊你条仔吖（望吓Azo)靓仔,一齐去咯,我地介绍D靓女你识~哈哈哈哈
-（ME)你地唔好玩咁大窝!要玩得吖,叫埋我大佬出离咯,无谓搞我个F吖!
-（樽)唔洗搵妳大佬离哒我!!Miu爷吖嘛,半年前仲舍（惊)距,E+咪收晒山~
-（ME)你.....
-（Azo)你地当我流架!当住我面话带我条女出去玩!
我呆晒咁望住azo,点解距会突然间咁讲既,而且D表情变到好似另外一个人咁
不过...好鬼Man吖~~~~~~~~~~~5555~~~~~~~Azo~~~~~~
-（樽)0靓仔,你乜水吖.
-（Azo)系咪想去Toxic个堂度饮嘢吖?
-（樽)你,你识Toxic?
嗰班人突然间变得好惊咁,哩个Toxic究竟系咩离噶呢,Azo又点解会识距既...
-（Azo)点吖,樽少啊哇,睇吓边个大边个咯.
Azo D神情好冷漠吖~甚至有D串添吖...我都系第一次见倒咁样既师兄噶乍~~~~
-（樽)费事同你玩...你好嘢!
又系经典既散场金句......
-（Azo)妳点解会识嗰D人噶?
-（ME)Er......
死啦!点答距呢...唔惊!
-（ME)咁你点解会识嗰个Toxic架!?
-（Azo)细路女唔好理咁多!
距仲叫我细路女...唔通我系距心目中仲好似细路女咁纯...边有可能吖~
-（ME)唔制吖~~~~~~你唔讲我都唔讲!
-（Azo)人地问妳先噶窝!妳唔乖啦~~~~~~~
Azo好似我啊哥吖,我一直都好想有个啊哥可以照顾自己噶,啊爸啊妈唔系身边,如果有个啊哥可以care自己几好~~~~~
我觉得距真系关心我先咁问噶,不过畀距知道我D衰嘢,距一定会嫌弃我噶...
-（ME)吖~~~~你睇吓天都黑晒喇!夜喇,我行先喇~BYEBYE~
讲完我就跑走咗~跟住听倒Azo系后面嗌
-衰妹~妳一个人翻屋企有冇危险架?洗唔洗我送妳吖~~~?
-唔洗喇~~~~~~~~听日见!!
事实上,我梗系想你送我啦,不过我都好惊你会继续问落去
我知你为我好,不过...sorry吖. Part8
哩个星期日,我去咗表姐同人夹份开嘅舞蹈班做教练,哩个舞蹈室叫step by step,有两层嘅,第一层係教古典舞,霹雳舞,爵士舞同社交舞,第二层有三间室,其中两间係流行舞班,另外一间就租畀人自己排舞.
因为表姐佢地成日都要去第二度做show,所以我经常嚟E度帮手架
上咗二楼,听倒租出去嗰个舞蹈室有D好正好强劲嘅音乐窝~~~~係w-inds嘅<because of you>吖~超级中意!n_n
入去及及先!
哩个舞蹈室由于够阔落,地板靓,音响正,所以我次次上亲嚟都有唔同嘅型人係度跳舞,有时仲可以偷倒师添~
哇~~~~~~~~~~型到呕电吖~有七个超潮嘅男仔跳梗<because of you>,D动作好齐好有力度!
E?!中间嗰两个其中一个咪係baby仔嚟噶咯!S仔D舞功越离越得~
佢隔离嗰个係边个离噶?好掂窝!
成Team人畀佢地两个灵魂人物带住,真係好夹吖~~~~~
E!~哩个男睇睇吓有D熟口熟面窝...哦哦~~~~~~原来係邢均惟师兄!
果然好似奈奈所讲咁,佢D舞好劲吖!D打扮都好衬佢吖!
虽然佢冇Azo咁高,大概係一米七六啦,不过就更加适合跳舞.唔戴咗顶深灰色嘅板帽,条裤係深绿色好阔嘅,上身入面着咗间间灰间粉黄嘅背心,外面係长袖黑卫衣,不过冇拉埋条链,跳舞嗰时件衫扬吓扬吓,好有动感!
转歌喇!係仓木麻衣嘅<make my day>,哩首歌好适合均惟师兄吖,佢个样够Q,D头发gel起身又够街.
最神奇嘅係佢地竟然可以用一首流行歌嚟跳街舞.佢地跳梗嘅好似係OLD SCHOOL.
均惟师兄D BREAK同POPING都冇得弹,而LOCKING就更加睇到我眼都唔眨,每一吓动作都正好係音乐嘅重音处,佢D节奏感好强吖!!
佢地休息嗰时,baby仔见倒我就叫我过去
-（Baby)诗甜~又嚟帮妳表姐撑场吖?
-係吖!岩先睇倒你地排嗰两只舞吖,劲掂吖!!!
我发觉均惟师兄笑住咁望梗我咁兴奋嘅样
-Hihi~均惟师兄.你D舞好劲吖,我第一次见乍!!!
-哈哈~係咩.我捻住同BABY仔佢地排嚟艺术节表演噶!
-怪唔知奈奈话艺术节有好嘢睇啦,原来个个都咁认真准备梗.
-梗係啦,我地学校话晒都係艺术学校,年年艺术节都好大阵象架!
-哇~~~~~~好期待吖!
-呵呵~~~~讲翻只舞啦.我地E+烦梗简边只好吖,听BABY仔讲,妳都有跳开舞噶窝,不如妳畀D意见啦.
-唔~~~~~~我就梗係中意w-inds多D啦,不过讲真,可能<make my day>会适合你地跳多D,因为只style好特别!
-...唔...（考虑ING)
-唔阻你地喇!我嗰边D学生都到齐喇,过去上课先!
-------------------------------------------------
唉唉~~~~~话晒我教哩个都教高级班吖,点解D人学嘢好似咁......
从下昼2:30上到5:30,终于教咗半只<成人礼>嘅舞步.攰到晕~~~~`
好啦!夹埋最后哩次就落堂!我要加油~撑撑撑~!
放学去买杯麦乐酷补翻吓先!（当麦乐酷係补品嘅怪人)
-各位同学,今日辛苦大家喇!我地夹埋最后一次就可以散band喇,大家快D埋位啦!一阵夹music嗰时大家要望住块镜睇吓自己有冇边D动作未到位.如果唔记得就望吓我啦~
做教练虽然好辛苦,不过有时都好自豪嘅
播音乐喇~~~~~DANCING...DANCING...DANCING...
-好啦~今日大家都做得好好吖,E+落课希望下次有机会再同大家一齐学舞,byebye
D学生陆陆续续咁走晒出去lu,哩个时候我发现邢均惟企係门口度窝
-师兄!
-走得未吖?请妳饮杯嘢吖!
-...好吖!不过...唔落bar噶窝!
落BAR见倒熟人就S得快...
-咁...去M记饮麦乐酷啦!
-哇哇~~~~~~你点知我想饮麦乐酷架!
----------------------------------
街边...一路行一路饮...
-（邢)诗甜,妳有冇兴趣艺术节同我地一齐表演吖?
-吓..?我?表演咩吖?
-仲洗问!梗係流行舞啦!!
-点解侵埋我玩嘅?我惊我跟唔上窝.
-点会呢,我岩先见过你D舞,好正吖!
-哈哈,正嘅?
-嗯嗯!我同Baby仔捻过,如果跳<make my day>嘅话,有个女仔会好好多噶!妳有冇兴趣先?
可以同D劲人一齐排舞就梗係有兴趣啦,不过.......唔好捻咁多喇!秦诗甜妳得嘅!!一于畀D好嘢Azo同其他同学仔睇!
-嗯!好吖!!!
Part9
故事的小黄花 随记忆一直飘到现在
和你翘课的那一天 花瓣从蓝天缓缓飘落
刮风这天 我试过握着你手
但偏偏 雨渐渐
大到我看你不见
从前从前
有个人爱你很久
但偏偏 风渐渐
把佢离吹得好远
接落离嘅哩半个月,平时游手好闲嘅我变得多嘢做起离.
星期三,五,日就要去step by step准备艺术节嘅流行舞表演,
而其他时间就学梗画画.捻起都好笑,一开始仲以为自己打死都唔会掂支画笔噶
就係因为一个人嘅一句话
-艺术节嗰阵礼堂会有优秀作品展噶!我都未见过诗甜妳D画嘅,不如我地一齐畀心机,到时我地两幅画放埋一齐吖!
仲洗问,哩句话梗係Azo讲噶啦.
听倒佢咁讲嗰时个心真係甜到漏吖,佢话佢真係好想睇吓我画嘅嘢,仲话想我地嘅画摆埋一齐...呵呵呵呵
E+上梗水彩画课吖,我係度好认真咁画梗,捻住係艺术节拿一幅画海滩嘅画去参选.
我岩学冇几耐,係对色彩比较敏感,至于画功就...差差差啦....连揸住支画笔都手震震嘅
-啊~~~~~~~~死喇死喇~~~`唔好意思吖!SORRY吖~~~~~
衰喇!唔小心将一pat颜料弹咗过隔离嗰个同学块画板度,係嗰个余颖吖,（Azo以前条女余莹个妹)死啦~~~~~~~~~~人地仲画咗好耐家嘛,我一个唔小心就将佢幅画整花晒...点赔翻畀人.唯有一味say sorry啦
-对唔住吖!我帮妳抹翻啦!
-（颖)E+点抹都冇用啦!有冇搞错架妳!点画架!E+我幅画唔洗要啦!
强忍ING...强忍ING...洗唔洗咁嘅态度吖!我都同妳讲咗对唔住啦,如果唔係上梗课,我唔打......係嘅係嘅,好,我唔岩.
-（ME)SORRY吖,我唔係有心架...
-（颖)睇妳画咗D咩,画成咁就唔好係度献世啦!
2222~~~~~~~我D耐力有限架,妳唔好得寸进尺,逼我发脾四...!>o<
-（奈)捞婆!妳得啦,妳今日唔洗旨意出倒校门!!!
奈奈即刻行过离扯住佢D头发讲.嗰个余颖虽然D表情有少少痛苦,不过D眼神仲好唔妥.
-（颖)妳地冇以为痴埋去Azo度就得先架!我家姐一翻去佢身边佢咪一样踢开妳!
佢啤住我嚟讲.
以我嘅忍耐度,做到咁已经好畀面妳,係妳自己受硬唔受软乍!
我一盘颜料泼落佢块面度,然后自己行咗出科室.
---------------------------
去到学校后门一个好清静嘅地方,抱住膝头坐咗係地吓度.
係学校围墙好近嘅地方有一棵好粗壮嘅榕树,佢中间有一个好大嘅树叉,个叉有一个人咁高,D倔强嘅树根从树干一直伸到落地吓.虽然係秋天,榕树嘅树叶依然好浓密.而地下,就生满晒好多淡黄色嘅小花,睇上去好清新,似乎就係应哩个金黄嘅季节而生嘅.我面前仲有两张终日沉默嘅石凳.
秋风一起,大树嘅树叶就沙沙咁响,满地光影随住摇曳.而小黄花就努力支撑住纤细嘅身体.
一滴滴嘅眼泪不断滴落枕係膝头上嘅手上.
点解听倒余颖讲嗰D嘢我会咁Hurt,畀佢话我D画献世,话余莹一翻离Azo就会踢开我.
唔通我真係永远都画唔倒可以触动人嘅画,永远都唔可以好似Azo咁叻.
仲有,或者我之前真係太高估自己.
我同佢先识咗两个月,点同识咗十几年嘅人比.其实我都好清楚,Azo只不过当我係一个普通嘅师妹,最多只係一个朋友,佢对所有人都好好噶,妳古净係对妳咩!
死啦~~~~~~我真係变咗好多吖,几时变得咁懦弱噶.竟然为一个男仔喊.
眼泪嘅味道係咁嘅...好苦好涩......
秋风好快就将面上嘅眼泪吹干,然而,眼眶中嘅泪依然任性咁向外渗.
嗒.嗒.嗒.嗒.嗒.......啷.啷.啷.啷.....
有脚步声嘅!仲有啷啷声!E+上梗课,平时应该冇人噶!
係乳白色嘅阳光中,有一个天使蓝色嘅身影係光嘅环抱中行梗出离,好似从天而降咁.
唔通真係天堂派落嚟嘅天使送我归西?-----NONO!啋~~~~係安慰我E个失意嘅人?
越行越近嘅身影有一头浅棕色嘅少凌乱中发,有洁白嘅肤色,同埋粉红色嘅嘴仔,仲有水晶球一样嘅浅棕色眼球.
係Azo!?
果然係佢!点解佢今日着得咁QQQQ嘅?着咗件天使蓝色嘅短袖T,间T上面仲要有个桃红色心心,然后佢又揽住条灰蓝色嘅颈巾,颈巾里面仲有一条链咀係银色啷啷嘅链!
咪住~~~我仲定晒係度望!快D抹干净D眼泪先啦
不过....已经太迟喇,佢已经见到我抹眼泪嘅动作,仲见倒泪痕同红红地嘅眼眶同鼻尖
佢一见倒我咁嘅样,就跑快几步过离
-诗甜!??妳做咩吖?点解对眼红晒嘅?
佢弯低腰,伸个头埋离好惊奇咁望住我
我唔好意思咁另咩面,话
-冇,冇嘢吖,我係度吹风之嘛
-上梗课窝,妳吹咩风吹到喊咁面口吖?
-我....我戴CON戴到对眼干晒咪飙眼泪咯!
-乜妳有戴CON噶咩?
-关你咩事窝!讲起CON,你係咪带咗有色CON吖?点解眼球咁嘅色嘅?
-吓?我冇吖,细细个开始就咁噶喇!
-哦哦......
哩个话题讲完喇窝,揾D嘢讲吓先!费事佢又问我做乜
-（ME)係窝~你做乜又係度嘅?
-走堂咯!
我冇听错吖嘛?Azo师兄都会走堂!?佢仲要讲得咁自然先,唔通佢成日走嘅?
-讲真架??
-嗯!妳走唔走吖?睇妳心情唔好,同妳出去行吓喇?
我又捻起余颖讲嗰句,咩佢个家姐一翻离AZO就会唔理我.我就嘟住个嘴托住下巴係度捻,好唔好同佢保持佢离呢,好过到时畀人踢开咁惨吖......认真考虑ING
Azo见我冇出去嘅意思,就扶住树干,好轻易咁一滥滥咗上大树中间个叉度
-哇...你都好熟手姐
我拍拍身,行到大树隔离望住树上嘅佢讲
-妳真係唔走啦嘛
-...（犹豫ING)
佢又延住嗰条打横生嘅树干行到围墙上,准备跳落去出面嘅行人道嗰度
-喂!你两个学生做咩吖!!!
我地即刻望咗过去,原来係学校嗰个保安!
-（Azo)诗甜!走啦!畀佢捉倒唔S都一身蚁吖!
捻落又係窝!我拿拿林学Azo岩先咁样爬到围墙果度,Azo等我过到去就跳咗落另一面嘅地吓
-（Azo)快D跳啦!
-喂吖~~~~~~~好高窝...
係入面睇都唔觉咁高,企係围墙度望外面嘅人行道就足有两米几
-唔洗惊架,妳眯埋眼跳落离,我接住妳啦!
死就死啦!
一跳跳落去,点知企都企唔揾,成个中咗前去.Azo果然即刻迎上离揽住我
卟卟.卟卟卟.卟卟
喂喂~~秦诗甜~妳D心跳声唔该细D啦~~~~~~
我好只手好自然咁箍住Azo条颈,个头又贴住佢心口,闻倒嗰阵淡淡嘅香味.点解佢係心口特别温暖嘅...
-喂!你两个学生好大胆啊吓!!!咪走吖!
原来学校嗰个保安拿条锁匙开咗后门,追到出离
睇离E+唔係我ENJOY嘅时候...
-走啦!
Azo拖住我只手跑得好快,哇~~~~~~~~~第一次掂佢只手咋,虽然係瘦,不过D手指好长好有安全感吖.我跟住係佢后面跑,见到佢D头发飘飘吓,银色嘅耳环闪闪吓,条颈巾又弹弹吓,一路跑就一路啷啷声,仲有D香味散后离
係街口,佢打咗部的
-司机唔该去流前吖! Part10
幸福 不是每一天都有
错过以后要等很久很久
不要你的快乐在我怀中变成泡沫
至少 我们依然是朋友
如果我不适合握你的手
带着我的祝福好好地过
藏起心疼
我想我还能忍受 这点寂寞
用最沉默的温柔
微笑对你挥挥手
IF U CRY 我会明白
IF U SMILE 我也会温暖
走累了 IF U DON"T MIND
和我坐下来 看看天的蓝
-Azo点解离流前嘅?
-冇吖,想随便行吓之嘛!
-咁...不如我地去打机咯!
-妳话事啦!
----------------------------------
打机哩边好嘈吖~~~~~不过都好热闹吖~呵呵呵呵
心情突然间好好吖!因为係我第一次同佢一齐出离玩,畀起落D蒲BAR开心好多!
我地E+玩梗"链"车吖~姐係嗰D坐上去要郁个身带住部车转左转右嗰D呢!
-哇~~~~~~~~~死嘢等埋我啦!
-衰妹妳都唔係傻架!玩哩D机边有得等埋妳噶!
-你开慢D啦~耶~~~~~~~~
-哇~~~~妳都得噶窝!又话输咗一阵请食嘢!妳摆明就要我请啦!
-HYA HYA HYA（奸笑)係吖~~~~~比唔比吖??
-畀畀畀~~~~~~~~~开快D先!费事畀妳E只甜耶耶怪兽追倒!
-吖~~~!!你话边个甜耶耶怪兽吖!我撞撞撞S你!
讲完,我成个身中过去Azo度,点知佢真係成个趴低咗係车头
-师兄~~~~~```你唔好死吖~~
我一路忍住笑一路拍佢
-我已经死咗,听唔倒妳讲嘢
-E~~~~~~~~~~你呃人嘅~!!!快D起身快D起身!
我係咁死摇死摇佢个身,最后干脆拉住佢条颈巾成个扯佢起身,噢吓噢吓佢
-咳咳咳~~~~~~咳咳~妳只死婆!想谋杀亲夫吖~~~`
哇~~~~谋杀亲夫~!!?我係佢老婆吖?哈哈哈哈~~~~~`虽然係讲吓笑,不过都好开心吖~~~~
我一只手"ON"佢个头
-S啦你!岩先话人怪兽!!
点知一"ON","ON"得太大力,搞倒佢个头成个撞咗埋个屏幕度!
-吖吖吖~~~~~~好痛吖~~!!!
-真係架?死啦~~~~~SORRY吖,我都唔係好大力姐!
-我要喊喇!5555~~~~~~~~~~
-妖!玩我!!
------------------------
我行咗过去D贴纸相机度望梗
-点吖,衰妹,我地一齐影啦!
-好吖好吖!我要影哩种!
影嗰种好似卡咁嘅,影一次就有两张唔同嘅卡,影出离大张D,咁以后我挂住佢嗰时睇张卡都睇得清楚D!
而且仲可以打两个人嘅英文名上去张卡度!
-简好要边个背景未吖?
-简就简倒,不过...咁嘅...
我指住嗰个背景,上边有D字写住"forever couple"
-唔紧要啦!好睇咪得咯!妳睇我简嗰张上面都有好大个"LOVE"噶~係咪好得意呢~
-呵呵呵呵
1,2,3~~~~~咔嚓 咔嚓
影好LU~~~~~~`好令令吖!我嗰张係Azo mic住我一边面嘅,傻更更咁,Azo嗰张就係我地两个係度扮大细超人嘅~~
----------------------------
（回转寿司店中...)
-唔唔唔~~~~~~~~~~``好味好味~~Azo快D试吓D北极贝寿司~
-喂我啦~~~~~~~~~~~啊~
-拿~
-（食ING..)点解咁....>o<...
-哦呵呵呵呵~~~~~~~係咪好好味~~~
-咳咳咳~~~~~~`（即刻饮茶先)..哇~~~~~``我都唔知妳只衰妹咁关照我!醒咁大旧WASABI畀我叹!
-呵呵呵呵~~~~~~好过瘾啊呢?
-妳睇吓我D眼泪!
我望过去,见倒浅棕色嘅水晶球水汪汪咁,佢嘅鼻尖又红晒窝,好趣致吖~
----------------------------------------
夜晚7:30pm,Azo送我翻屋K路中
今日真係玩得超级开心吖~~~~~~~
-妳今日有冇功课做吖,连书包都係学校!
-车,有我都唔....有我都唔记得噶啦!
差D讲咗心里面嗰句"有我都唔做"先...
-听日翻去妳惊唔惊畀嗰个保安捉架?我又係嘅,带师妹逃课都有!
哎~~~~~师兄~~其实妳师妹走堂当食生菜噶乍!
-唔惊!YEAH~
-（笑)无端端YEAH咩吖!喂,妳咁夜翻屋K惊唔惊架!?
Azo做乜S问我惊唔惊哩样惊唔惊嗰样咁
-我一个人住之嘛,惊咩窝,都冇人话我嘅!
-吓?点解嘅?妳啊爸啊妈呢?
--离咗婚N年lu~几年都唔翻离一次嘅~仲好啦!冇枉管~~~~~
-咩冇枉管吖!以后我就CHEAK住妳,睇妳有冇唔翻屋K!机num呢?
-真係要吖?
-快D讲啦!
-137********
-拿,我E+响你电话.
-哇~~~师兄你部机好正吖!最新噶窝~实係你老豆买比你噶啦!你就好啦~~~
-咩吖!自己攒钱买噶!我老豆?佢同我啊妈係我四岁嗰时沉船死咗喇...
我呆咗咁望住Azo,佢扮到好唔在意咁一路Gum手机一路笑住讲
-唔洗咁望住我窝,都咁多年喇,我冇事噶喇!
-Azo吖...
-不过呢~要同妳讲,唔係妳惨晒架,有啊爸啊妈点都好过冇吖嘛,E+怪佢地,都冇咗嗰时妳就知!
-哎~唔好讲E D喇!你点解今日会走堂嘅?
-冇吖,冇灵感画嘢咪出离行吓咯,好过係课室藕吖!咁妳呢?妳唔洗唔认喇!我知妳嗰时係度喊梗嘅!快D讲点解
-吓...我...师兄,你以前係咪有条女叫余莹架?
Azo听倒我提E个名,定咗一阵,然后点头话
-...嗯.做咩吖?
-姐係呢,Er,如果佢翻离你身边,咁你会唔会唔理我噶?
-唔理妳?
Azo好似唔係几明我讲乜
-er....姐係话你会唔会因为佢而唔理我咯...死啦~唉是但啦!我都唔知自己讲咩!你当我冇讲过啦!
-哈哈~~~~梗係唔会唔理妳啦
-真係架???!
-嗯~~妳係我师妹,我都当咗妳係我半个妹啦,点会唔理妳窝!
哦......原来係啊妹咁...怪唔知你咁中意叫我衰妹啦...
Azo吖~其实我都係中意你叫我诗甜多D噶.不过,既然你觉得咁样好D嘅话我就做你个乖妹啦.
我好中意你,好中意好中意你,哩句话我只会係心底不断同自己讲
或者我应该满足,至少有一个关心自己嘅啊哥......
IF U CRY 还有我在
IF U TRY 陪你等待
你永远都不会孤单
有个人 只为了你存在
Part11
从心去爱你 从感觉爱你
从说话及目光载种出蔷嶶
从嘴角吻你 从肩膊吻你
从气味 熟睡中都记起
庇护你 抱着你 听着你
（化学课.于后排中...)
ＧＧＧＧＧ ．ＧＧＧ．ＧＧ（饮梗果汁先生嘅声）
－奈奈~畀D嘢妳睇~
－（睇ING)哇~~~~~咪Azo同妳只衰婆~HYA HYA HYA~妳S喇~~两个静静鸡去影卡~发展到咁嘅阶段都唔同我讲!几时开始噶!
－咩几时开始窝!张卡就前两个星期影嘅!
－哇~~~~仲要前两个星期先~得啦~睇你两个几亲密!点吖~~~?搞到边一步吖~~?（好邪嘅眼光)
－咩搞搞声咁难听!我就係知妳会误会先咁迟畀妳睇乍!
－乜仲未拖噶咩??
－拖鬼咩!人地当我妹咁噶乍!
－唔係挂~~~~哩个年头仲搞D啊哥啊妹咁嘅嘢?
－係吖,开始我以为佢讲吓噶乍,不过唔知点解后离同佢倾倾吓电话,玩玩吓就佢叫我啊妹,我叫佢啊哥咁咯.
嗰个时候,自己觉得叫佢啊哥有一种畀佢保护嘅感觉,而听佢叫我啊妹,又觉得佢好锡我咁窝......
都好嘅,有个咁叻咁靓仔嘅啊哥!
－喂~叫咗啊哥就冇发展机会噶喇窝!妳以前都係因为唔中意啊Miu先认佢做大佬噶窝
－顶~~~~~~~今次唔係我话认佢做啊哥架,佢自己话当我妹乍!
－唉~~~~~~我都未见过妳咁嘅,为咗条仔晚晚唔出去玩,留係屋K等佢电话!
－喂~係啊哥吖!
－得喇~啊哥吖嘛!妳自己收好张卡去吖,妳都唔係唔知余颖条癫婆有病噶啦,都唔知佢点解特别唔抵得妳同Azo一齐咁,妳畀佢发现张卡,到时望都冇得妳望吖!顶~~~不如叫大佬MIU揾班人嚇吓条8婆啦!
－傻咩,算啦!到时畀Azo见倒兄妹都冇得做吖!
－－－－－－－－－－－－－－－－－－－－－－－－－－－－－－－－－－－－－－－－－－－－－－
要发生嘅嘢点避都避唔倒,只係古唔到会发生得咁快
同埋,我唔去得罪人,人地会专登撩起我把火
今日中午,我同奈奈,仲有啊细一齐去小卖部,一去到就见倒余颖係Azo耳边唔知讲D咩
只係见倒余颖D表情好似好委屈好惨咁,跟住Azo嘅表情就好震惊咁
－（奈)又係嗰条PK!!!我过去的开佢!
我拉住咗奈奈
－（ME)等阵先.
终于佢地两个都讲完,Azo好愕然咁望住我,定咗係度嗰几秒变得好漫长
你唔好用D咁嘅眼光望住我啦,我已经知道佢同你讲咗D咩,你想闹我打我都得
但係,唔好用咁嘅眼光望住我
佢终于行咗过离
－妹,上两个星期係后门见倒妳嗰日,妳係咪用颜料泼余颖吖?
－（ME).......
－妳讲啦!误会嚟噶係咪吖?妳同啊哥解释,啊哥会信妳噶!
－（细)妳条癫婆乱UP也四!妳唔好屈诗甜窝!!!
啊细好大声咁喝余颖
－（ME)算啦,细.
－（ME)係吖,係我泼佢嘅,点啊?
－（Azo)妳...妳真係咁做!妳又话应承我乖D嘅!点解吖!
－（ME)佢!佢话我...（唔可以同佢讲噶)我中意泼佢就泼佢,中意打佢就打佢!
－（Azo)妳知唔知妳自己好任性好自私吖!妳咁大个人唔该自己捻吓啦!唔係咩都妳大晒架!
係....我好任性,好自私...我都好想问吓自己点解会咁样,为咗乜?
我已经冇嘢好讲,都唔可以解释D乜,的确係我咁做
我好恶咁瞪住余颖
Azo一路摇头一路苦笑
－好啦,秦诗甜,我对妳真係好失望吖!
Azo,你知唔知你一句失望,对于我离讲就係绝望吖...
听倒你咁讲,我个心真係好痛好痛.从来都未试过嘅痛
原来爱一个人,就係学会伤害人
同时学会畀人伤害
我另转头,用剩余嘅力气走,
走开哩个困局,走出一个唔应该开始嘅故事 超好睇啊:kg
我支持你啊:lf
继续发啦:kk 我又来发啦~~！！！ Part12
这种感觉从来不曾有
左右每天思绪每一次呼吸
是你让我着了迷
给了甜蜜却保持佢离
我一天天失去勇气
偏偏难了难忘记
下昼嘅第一二节课,我都哩係洗手间度喊,关埋门不断咁喊
咁大个女,就算畀人gum住离打,都唔会流半滴眼泪
一个带刺嘅魔鬼,竟然会为天使泪如雨下,真係好笑
而奈奈同啊细同我做咗咁多年姊妹,已经好了解我
佢地只係係外面静静咁陪住我
到第二节课落课,眼泪终于喊干,我洗咗个面,係两个F嘅陪同下翻翻去课室
一入倒课室,竟然听到另一把喊声
仲居然係余颖
望真D,连学校最大粒嗰个主任都围晒係佢隔离
－（X主任)秦诗甜同学,妳终于翻离喇咩!睇吓妳点同我地解释!
苦笑+无言...余颖唔係咁无聊将两个星期前嘅事藕到今日先解决啊嘛?
好,陪你玩咯!
－（Y主任)我地各位老师真係古唔倒妳咁劣性难驯噶!妳竟然为咗报仇整烂余颖同学嘅手提摄录机!!!
痴孖筋!我几时搞过佢部DV啊!!!
－（奈)主任!诗甜冇咁做过吖!我地岩先一直陪住佢噶!!!
－（Y主任)哦~~~得妳两个"好朋友"陪住佢,咁有冇其他证人吖?
簁气啦,你地D主任点会信我地E D"劣性难驯"嘅学生吖,点都听佢地D好学生讲先啦!
－（余)（扮晒喊得好惨咁嘅样)我...我古唔到妳咁噶,大家一场同学,我都係同人地讲事实姐,妳係有用颜料泼我吖!但係妳都唔洗转头就整烂我部DV啊嘛!部DV我捻住用离帮我地班拍艺术节D片段架!!!
好伟大吖妳......唔做演员都簁晒!
－（ME)我讲多次!我係冇做过!你地唔信就算!
我翻埋位拿翻个袋就走,再留係哩个班都冇意思.
－（余)妳唔好走吖!妳赔翻部机畀我吖!!
余颖企起身追住我
－（ME)死开啦!赔妳条命吖!
佢一扯扯住我个袋,个袋最开面嗰格嘅嘢全部跌晒出离
包括我同Azo影嗰张卡
佢竟然即刻执起张卡,撕碎晒,全部碎晒
－（余)妳E+知道畀人整烂D嘢係咩感觉啦!
我个心突然间沉咗落离,唔係因为佢嗰句话,而係见倒嗰张碎到面目全非嘅卡相
烂咗嘅笑容已经无法补救
最后我望住余颖嗰个眼神,我知係我以前从未有过嘅
我清楚,奈奈同啊细都清楚,我接落离会做D咩
－－－－－－－－－－－－－－－－－－－－－－－－－－－－－－－－－
7:15 我屋企中
－（奈)顶佢个痴总制,今次唔打到佢训接都对唔住自己!!
－（细)死婆咪咁嬲先啦!喂~妳话用铁通好定木棍好吖?
－（奈)仲洗问!梗係铁通啦!
－（细)不过D木棍有钉噶窝!
－（奈)拿晒去啦,四也几人边够用吖!
_（细)其实我捻呢,打条废柴都唔洗咁多人啦,斋我地几个都搞掂有凸啦!
－（奈)顶~揾D人睇水都要挂!
－（Fds)Sea姐,Franky佢地话的咗条八婆去后巷喇!!
－（me)嗯.行啦!
哩一刻嘅我,已经觉得咩都唔需要理,因为佢已经唔会再理我
灰沉沉嘅天,狭窄阴深嘅后巷,只係听我地D高踭鞋嘅kok kok声,同铁通,木棍相撞嘅声
我知,好清楚咁多人一齐打一定会搞出人命,所以我只係捻住同奈奈啊细佢地郁手
带咁多人离只係想嚇吓佢,出咗啖气
－（余)妳地想点吖...?妳地唔好乱离吖...
佢未讲完,我已经一棍係佢背脊勾落去,佢即刻成个训係地
－（ME)妳唔好咁啦~妳平时唔係好多嘢讲噶咩~费事妳话我人多虾人少喇
我掟开支棍
－（ME)妳地唔洗帮手,余颖同学啊嘛?嚟啦~咁唔妥我咪打咯!
－（余)妳...妳敢打我,我翻去话畀家姐知,妳以后都唔洗旨意见倒Azo同妳讲一句话!
听倒哩句话我更加眼火爆,係咁一脚兜落佢条腰度.
再链住佢下巴话
－妳同我听住,妳....0
－秦诗甜!!!
我另转头,係 安 祖 凝!
佢皱住眉头用一D极之唔相信嘅眼神望住我
点解?点解我一见倒佢咁样就会停晒手,郁都郁唔倒.
一切都係沉默之中
Azo走过离抱起咗余颖,係我身边走过,一眼都冇再望到我
其他人呆晒咁望住佢抱住余颖,一直到佢走出条巷嘅尽头
我用振梗嘅手拿起一支有钉嘅木棍,
係心里面讲咗句
安祖凝,哩D係我还翻畀妳条女个妹噶!
跟住用木棍上嘅钉狠狠咁从自己右手手臂刮落去
我E+先知,魔鬼嘅血同一般人一样,都係鲜红色嘅...
突然间,好晕,好晕.......
－诗甜!!!诗甜!!!!!!
Part13
哩度係边度离噶?点解周围黑猛猛咩都睇唔倒嘅,净係前面有一个光点
我向住个光点,不断向前行,越行个光点越离越大,逐渐变成一个光团
光团里面有一个全身着住白色衫嘅人--------唔係,係天使--------佢有一对好大好洁白嘅翼
个天使个背影点解咁熟面口嘅,佢慢慢另咗过离
-Azo!!?啊哥~~~~~
-我唔係你啊哥!我冇D咁衰嘅妹!
-啊哥吖...
-妳整烂人地D嘢,仲搵成大班人去打一个女仔,咁狠毒嘅人点会係我个妹!
-我冇整烂佢D嘢吖!!!点解你唔信我?
-妳应承过我D嘢都做唔到!我唔会再理妳噶喇!我要走喇.
-走?你走去边吖?唔好走吖~~!
-天使唔应该同魔鬼一齐噶!
Azo另翻转头,拍住两只雪白嘅翼飞咗起身,越飞越远......
------------------------------------
-哥~!啊哥!!!
-妹,妳醒喇?我係度啊!!妳见点吖?
原来係发梦,但係唛大眼,见倒嘅唔係我最想见嗰个,而係大佬Miu
朦朦胧胧中,我见倒周围有好多人围住我,有好多对殷切嘅眼
我一郁只右手
-啊~!!（好痛)
-（Miu)妳唔好乱郁吖!等护士离啦!
-（奈)诗甜,妳训咗十几个钟喇!岩先嚇死我地喇...如果妳有咩事...
奈奈讲讲吓就喊咗出离,仲有啊细,Franky佢地,个个眼眶都红晒
原来大家都咁关心我...
-（Miu)岂有此理!!!究竟边个搞到妳咁架妹!
大佬Miu个样突然变得好嬲,D眼神好恶啊.
-（细)咪就係嗰个...
-（ME)啊细!
-（奈)哎~哎呀~~~`大佬Miu,诗甜岩岩先醒翻,畀佢透吓先啦!唔好问咁多喇.
-----------------------------------
训醒嘅时候,已经係夜晚喇,病房里面得我同奈奈,奈奈係疏发上瞌着咗
唔知Azo係度做梗咩呢...佢E+一定好憎我喇
我係佢面前扮咗乖囡咁耐,E+终于畀佢睇清楚,係条巷度,佢见倒我地咁多人围住嗰个女
佢一定会觉得我地打得佢好惨,会觉得好好狠毒,仲会好似梦中咁离开我
但係,我都冇后悔到.
E+连张卡相都冇埋,好挂住佢吖...如果有张相係度咁几好
有得睇吓都唔洗咁辛苦
吖~!我记得喇!上次我同Azo去流前玩,佢送我翻屋K嘅时候惊我冻就畀咗条颈巾我箍,E+条颈巾仲係我屋K!!
上次,真係好开心吖...不过,哩一切都已成回忆......
-奈奈,奈奈
-（蒙蒙松松)E...诗甜,妳醒喇!?有冇边度唔舒服吖?今晚係我留係度陪妳吖,听朝大佬Miu就离噶喇.
-大佬Miu佢......
-放心啦,我冇同佢讲吖.不过,我捻唔瞒得好耐,佢真係好紧张吖,一直逼住我离问
-唔该晒吖,奈
-傻啦,我斟杯水畀妳啦
-唔洗喇.奈奈,我想翻屋企吖.
-翻屋K?唔得~妳岩岩至醒乍,医生话妳失血过多吖!
-我真係好想翻屋企吖,妳帮我啦...
-唔得噶,妳咁样点得噶
-我要走吖,我唔留係度!!
我副开张被,好艰难咁行落床,仲准备撕开绑係右手上嘅绷带
-诗甜吖,妳唔好咁啦!
-妳明知我要做嘅嘢边个都阻唔倒架!
-哎呀~好喇好喇,我帮妳去搞埋D手续喇
-------------------------------------
终于翻到屋K,哩间屋仲係一样静英英,冷冷清清
一入到去,我就即刻跑入间房,係嗰堆衫度死剿条颈巾
-喂,妳做咩吖,妳要揾咩我帮妳啦,妳个伤口未好架!
-係度吖,揾倒喇!
係哩条灰蓝色嘅颈巾,好暖吖,捧住佢就好似Azo係我身边咁
-唉......又係Azo架呢?
-......
-见倒妳地咁真係好睇唔过眼吖!妳竟然为咗佢自杀都有嘅!!!
-咩自杀吖!
-妳都唔知妳自己几危险吖!医生话个伤口差D就到条大动脉喇!!!
-我,我之不过係捻住还翻畀嗰个女之嘛!
-妳捻住还翻畀Azo乍挂!
-.......
-Azo电话几多吖?
-吓?
-讲啦!
-妳想做咩吖?
-我去帮妳同佢讲清楚吖!余颖又唔知同佢讲咗D咩噶喇!实话我地整烂佢D嘢又群殴佢啦!盏Azo咩都唔知就嬲咗妳!
-算啦,唔洗喇!佢唔会信我噶喇!
-但係妳捻住就咁就算吖!你地可能以后都......
-我唔想佢觉得我狡辩梗吖.我搞成咁,更加唔想佢知.妳应承我唔好同佢讲啦.
-咁...哎~好喇好喇 Part14
接落离嘅一个星期,我差唔多日日都藕係屋K,係有时D朋友离探我就陪我落楼下个公园仔行吓.
佢地个个都惊我有咩事,要我透多几日,唔好翻学住
打电话翻学校请假嗰阵时,学校好似好唔信我咁,係要坚持要家长打电话去
直到我好嬲咁嗌咗一句
-我冇家长架!!!
然后好大力咁cup咗个电话
讲出哩句话嘅时候,内心好难受,好似好孤单咁
唯一庆幸嘅事係,我打余颖嘅事,学校似乎仲未知
哩个星期,我冇收到Azo一条短信,一个电话,更加唔好话离探我
我唔翻学校咁多日,佢好似一D都唔care,可能佢真係好嬲我唔想理我,或者,捻死我都係出咗去玩
反而有一个人
-------------------------------------------
係屋企藕嘅第二日
噔 噔 噔 噔~~~~~~~（手机信息声)
（Baby仔:诗甜!妳係咪係屋企吖?我同邢均惟练完舞吖,不如上离探妳吖!)
（诗甜:好吖!我闷到发毛吖!你地上离啦!)
---------
-（邢)点吖妳?冇咩事啦嘛?本来想买杯麦乐酷上离噶!不过又惊妳唔饮得!
-（ME)哈哈哈~~~~我饮得架!下次记住买喇窝!
-（Baby仔)师兄你咪听佢讲吖!佢都唔锡身嘅!
-（ME)嘻嘻~~~~係呢?你地今日练舞练成点吖!
-（刑)诗甜吖......
刑均惟D神色变到好凝重咁
-（邢)er...妳E+身体唔係咁好,不如...艺术节嗰个流形舞表演,妳唔好参加喇...
-（ME)点解吖?你惊我拖慢你地嘅进度吖?我E+冇事噶喇!我可以去排舞噶!!!
-（ 师兄都係惊妳身体顶唔顺乍!
-（ME)我冇事噶!妳睇我只手!好翻晒喇!!
我係咁FING只手畀佢地睇
-（邢)好喇好喇!我地都好想妳可以一齐跳噶!E+咁啦,妳休息多两日再算啦!
-----------------------------
之后,刑均惟就用DV拍低佢地排舞嘅片段,经常上离我屋K拿畀我睇,仲教我点样夹翻佢地,点样走位
-师兄,其实我可以去舞室练噶!
-妳只手整亲吖,咁快做D大动作唔好吖!休息多两日先啦!
就係咁,休息完两日又两日,到咗个几星期嘅时候,佢终于係我多翻恳求之吓肯畀我去排舞
-哇~~~~~~~好兴奋吖!好耐未离过舞蹈室哩度啦!哈哈哈哈
-诗甜,妳每日只可以练一个钟,其他时间就坐係度睇啦
休息嘅时候...
-诗甜,妳觉唔觉攰吖?手有冇痛吖?
就係咁咯...均惟师兄真係照顾得我太周到喇,仲要日日开部车（两个碌嗰D跑车)离接我去,送我翻屋K
不过都好嘅,好多时候,我就趁机打探有关Azo嘅嘢
-师兄吖,你同Azo师兄好熟噶呵?
-嗯嗯,识咗成五年喇
-咁.....佢D嘢你好清楚噶啦?
-都几架
-我想问呢,关于佢同余莹D嘢吖...er~~~~冇咩架,八挂问吓噶乍!
-我识咗Azo冇几耐,佢就介绍咗啊莹比我识喇,嗰时我以为佢地拍梗拖架,因为啊莹咩都同Azo讲嘅.后离先知,原来好多年离都係Azo单方面中意啊莹,不过啊莹唔知係FEEL唔倒,定係FEEL倒扮唔知.佢仲成日讲自己同条仔牌拖嘅嘢畀Azo知,我捻Azo都好难受噶
-有冇搞错!!...嘻~~~我係话咁都得吖....
-跟住到咗我地係美校读职二嘅时候,有一次啊莹失恋,仲要係失得好痛苦嗰只,Azo就日日陪住佢,唔知係咪因为咁感动咗啊莹,定係佢想揾个依靠,咁佢地就拖咗一年多D,跟住呢...
-跟住点吖!!?
-跟住好似话有一次啊莹中意咗一个出离蒲嘅男,仲为咗佢屋K都唔翻,又食烟,又HI嘢.Azo劝极佢都唔听,后离就话唔会再理佢,不过我地班兄弟都知,佢係冇办法先咁讲,佢希望有日啊莹自己可以捻通
-咁E+呢?姐係嗰个啊莹点吖?同埋......Azo师兄仲有冇中意佢吖?
-Azo点我就唔知喇,至于啊莹仲係同梗嗰个男吖.哎......佢踩得太深,冇办法翻转头喇,佢个妹...
-佢个妹??姐係嗰个余颖吖?
-係吖!好似係妳地班噶.佢个妹就好想佢变翻以前咁,佢屋企E+啊爸就一把年纪,啊妈又畀啊莹激病咗,以前佢地成家人都靠啊莹攒钱,E+啊莹跟咗嗰个男,成年冇翻过屋企.余颖好多次"毅"啊Azo同翻佢家姐,想佢家姐变翻好,唉~~~~~~~不过Azo都冇办法架,不过听讲边个女仔一近Azo,佢就会耍手段噶喇,哩个女仔有时都几恐怖,不过佢都係想头家好姐,咁细个就要面对咁多问题,都几惨噶...
原来係咁,好彩有均惟师兄乍,E+好多嘢都清楚好多喇!
咁捻落余颖都几可怜嘅...
不过!!!佢咁样勉强Azo都唔得噶!仲要捻埋D咁嘅乔嚟屈我!暂时都係冇得原谅啊!!!
------------------------------
刑均惟份人好倾得,可能因为哩排闷,而佢又差唔多日日都係我身边
所以我渐渐同佢讲多咗好多嘢（当然除做我同Azo嗰D啦)
估唔到我讲晒我以前D衰嘢畀佢知（真係有几衰就讲尽晒,冇保留架)
佢竟然笑笑话
-哦~~~~~~~哈哈~~~~咁姐啊嘛!
-吓?我又...又...又...窝,你唔觉得我好曳咩.
-唔出奇吖,哩个年纪好多人都会噶啦!我以前咪係,打交仲凶过妳好多~哈哈
-你唔会觉得女仔咁样好唔好咩!
-唔会窝~呵呵~相反我仲几欣赏妳添,敢作咁为
-但係我....（咩咩咩咩)...窝
-呵呵呵~~~~~~~得喇得喇~
Part15
第二个星期喇.哩两个星期嘅夜晚,我都係揽住Azo嘅围巾,闻住上面嗰阵残存嘅香味,离度过思念蔓延嘅夜晚
哎~~~~~`搞到自己成个变态恋物狂咁
-（细)诗甜~~食得喇!快D出离试吓我D手势啦!我第一次整嘢食噶乍!为咗妳算唔话得喇挂!
-.......（无声)
-（细)诗甜~~?喂~~~~~妳仲坐係床度揽住条烂鬼颈巾做乜吖!挂住人咪翻学咯!还掂妳都好得七七八八啦!我都想妳翻学陪下我地!
唔知点解,我E+反而好怕翻学,惊见倒佢唔知点面对
又要捻住人,又要逃避人,唉~~~~~~~~~
-（细)妳唔係惊姓余嗰条柚又搞鬼啊嘛!不如直接叫大佬Miu搞掂佢啦!!
-唔好吖!其实...其实佢都衰唔晒噶!..........
我将邢均惟师兄讲嘅有关余颖嘅嘢讲咗畀啊细知（不过其他就冇讲到)
-喔~~~~~~得啦!有邢均惟做证!一于讲畀Azo知係佢玩嘢啦!
-喂!唔好啦,话晒都係关于人地D家事,妳想唱通街咩!
-哇~~~~~`秦诗甜!妳几时变得咁仁慈吖~~跟得你个Azo师兄多吖妳!
-哎!总之妳就唔好乱UP嘢啦!!!
-----------------------------
不过,奈奈同啊细日日见住我咁坐係张床度,学又唔翻,做咩都冇心机咁,边度忍倒口吖
一日夜晚
噔 噔 噔 噔 （信息)
（奈奈:诗甜,SORRY吖,我同啊细岩先揾Azo讲清楚喇!原来余颖真係同佢乱UP也四吖!佢唔知妳为佢界自己架!我地咩都同佢讲晒喇!佢话佢E+上离搵妳啊!妳快D执到间屋靓一靓啦!~~~~~~呵呵~~不过妳一定一定唔好怪我地吖!!!)
妳地两只S婆~~~~~~~~咩叫"咩,都,同,佢,讲,晒"吖~~~~!!?
死啦死啦~~~~点解咁噶我,明明好想见佢,E+知佢要上离点解会咁惊!个心跳到就离弹出离咁!
唔得!!
-------------------
都唔知咩事,换咗套衫就行咗落街,行到好快好快,好惊畀佢撞倒
一捻起佢曾经咁样望我嘅眼神,捻起佢唔信我嘅表情,我就觉得好心痛
甚至有D恨佢...
行吓行吓,去到我平时成日去嗰间DISCO楼下,我企咗係度
听住嗰D好震撼嘅BONG BONG声,又望吓楼上闪吓闪吓嘅灯光,先至醒起自己原来为咗一个人,已经好耐冇离过哩D地方
哩个时候,我双脚好似畀人操纵住咁,好自然咁行咗入去
见到係闪到有D眩目嘅灯光下,个个都忘晒情咁跳舞,饮酒
我係度捻,自己郁得咁辛苦做咩呢...
-靓女,请妳饮杯嘢呢?
好耐冇听过哩句话喇
我接过杯,一饮而尽
冇几耐,就觉得个身好似好轻好浮咁,个脑有D涨涨地嘅感觉
不过过咗一阵,就情不自禁咁係度FING头
杯嘢有料到!!我畀人落咗摇摇
虽然自己意识到哩样嘢,不过发觉根本唔可以控制倒自己,成个身轻飘飘咁,个脑一D嘢都捻唔倒
怪唔知咁多人一唔开心就HI嘢,原来真係咩烦恼都冇晒嘅
不过....我E+係畀人落药,睇住岩先畀杯嘢我饮嗰条柚係个舞池度越跳越近,HI身HI世咁,
我仲发晒癫咁死FING烂FING,我真係一D都控制唔倒自己
死....!咁落去迟早都...
哩个时候,我只右手畀一只好温暖嘅手拉住,係咁拉我出舞池
係边个吖?我好晕好晕,睇唔清,不过受过伤嘅右手就开始痛
-放手吖!好痛吖!
我几乎用尽全身嘅力气先FING得开嗰只手,但我个头仲係係度摇吓摇吓
-秦诗甜,妳跟我走吖!
哩把声---------係Azo!??
我一定发梗梦!!
但係我点会认错呢?哩把日日都想听倒嘅声,同哩个日日都想见到嘅身影...
不过,唔知点解,係佢面前我好想发烂乍,好想发脾气,等佢知道我有几嬲佢
嬲佢唔信我,唔揾我
-你走吖!!!我唔洗你理啊!!!
-妳睇吓妳自己E+似咩样!仲学人HI嘢!
-关你咩事窝!你走吖!你唔信我仲揾我做咩!!!
-喂!靓仔,人地叫你走吖!
岩先落我药嗰条柚走过离同Azo讲
然后又拉住我只手话
-靓女,我地过去嗰边饮过咯!
-唔!好吖~我地去~去饮过
我发现自己做梗D背叛梗个心嘅嘢
-（Azo)即刻放开你只手!
Azo又过离扯住我
-喂!你知唔知我係边个啊吓!!!咁**!!
嗰条柚又係度话.唉~~~~~~~出亲离玩D人个个都扮晒有料咁...
-Toxic哥
-Toxic哥,Toxic哥
围住晒我地几个嘅人群让开咗一条路,好多人好似好毕恭毕敬咁叫住一个似曾相识嘅名
-Toxic哥!
竟然连嗰个落药佬都转晒声气咁同嗰个Toxic打招呼
-Azo!好耐冇见!
嗰个Toxic识Azo嘅?
-係吖.今次麻烦你喇!
-你朋友吖?
Toxic望住药力仲未过嘅我.S喇~~~~~失礼死人!
Azo拖住我话
-係吖.
一听倒Azo咁讲,Toxic就啤咗落药佬一眼,然后落药佬就成只WO WO咁一路话唔好意思一路退后去
跟係Toxic后面嗰几个男就叫D人散开唔好围住晒.
Azo带咗我去一边,然后同Toxic讲咗几句,就行翻过离
-走啦!
-唔走!!!
-妳想点吖!
-想点都唔关你事!!!
讲完我又准备行过去舞池嗰边
Azo一扯扯翻我转头,一另过离,佢就用杯冰水兜头淋落离
-妳醒未吖? Part16
别信孤单也可美妙
妳的伤势 时间可治疗
被我这么爱惜照料 瞳孔已动摇
其实妳早心软了
明日我会令妳 更觉重要
深感到人世 没太多缺少
妳会漫游幸福中老掉
下世纪 仍不退潮
条路已经够静,我地两个仲要粒声唔出咁行,行,行
行得好慢
Azo冇话我落D,又冇问我点解HI嘢
净係係我身边沉默不语咁行
翻到上我屋K
-妳饿唔饿吖?
-唔饿!
-睇妳吖!面青口唇白!整亲就唔好去玩啦!
-......
-睇吓只手.
-有咩咁好睇窝!!!
Azo唔哩我讲咩,捉住我只右手,拉高个袖（E+差唔多到冬天,所以着长袖衫)
佢见倒一条成"览"长嘅界痕,成个呆晒
然后好辛苦咁透咗啖气,话
-妳坐係度,我帮妳拿D药离敷!
但我就自己跑翻入房,坐係张床度发呕斗
Azo见我唔理佢,跟入离坐係床边张凳度,话
-妳係咪好嬲我吖?
-........
-对唔住吖,我知道晒喇!我唔应该咩都唔问就误会妳噶..
-........
-妳係咪唔舒服吖?
我都唔知,净係觉得成个头都好"兴",但係个身又发冷咁,觉得好冻好冻
Azo伸手过离放咗係我额头上一阵
-妳发烧吖,梗係岩先嗰杯冰水....唔得!我E+落去买药畀妳
讲完,佢就好心急咁想行出门口
-啊哥!!
-做咩吖?
-你留係度陪我.
-但係......
-你可唔可以坐上离啊?
----------------
Azo坐咗係我隔离,张棉被Come住我地两个,佢知到我冻到个身不断咁震,就用双手围住我个身
我挨係佢心口度,虽然个身仲係好冻.不过可以感受倒佢嘅体温,我已经觉得好满足好满足
间房度不断咁播住Gareth Galtes嘅<TOO SERIOUS TOO SOON>
I wonder where you are
I wonder what you thinking of tonight
I wonder
maybe you"re alone
maybe you"ve been crying just like me
I wonder
.......
maybe you get scared
maybe I had nothing else to say
but love you
-妹,妳仲未答我吖,有冇嬲我吖?
-有,好嬲好嬲吖......以后唔畀咁吖!
-妳以后都唔准咁样遭质自己吖!
係你身边,我有一种想喊嘅冲动
总会有一种莫名其妙嘅感动
我默默咁流泪
觉得你好似眯埋眼 双唇贴住我D头发咁
只係感觉倒 而唔敢抬高头望
因为好惊好惊 我一望哩一切就会消失
如果做妳个妹都可以永远咁样嘅话
我或者一早就应该满足
Part17
我还是相信直觉
受伤是一份学费 为了下一个机会
我想幸福滋味 沾着眼泪的咸味
因此才能对照
酿出其中的甘美
-（细)...ER...哩幅..应该係一个煎饼!
-（ME)有冇搞错吖!!!边忽似煎饼,梗唔係啦!!再睇!再睇!!
-（奈)HEY~~~~等我睇过~~?一睇就知係朵蓝色嘅花啦!
-（Baby仔)妳哋全部都错喇!照我睇...哩幅实係抽象画!!
-（ME)妖~~~~人哋画得好辛苦架!!乜真係咁差咩!咁都睇唔出我画乜!?
-（邢)睇吓先~~~~~唔...係咪个湖离噶?
-（ME)师兄~~~~~~`你实在太醒喇!不过都古错咗...正确D离讲应该係个海滩~~~哈哈!
-（细+奈+ 吓~~~~~~~~~~!!?
-（ME)好喇窝!!你哋自己D鉴赏能力差仲话我画得唔似!
-（ 好心妳啦!睇得出嗰D先叫有问题吖!连均惟师兄都睇唔出~
-（ME)咩吖!师兄起码都古得差唔多啦!师兄你话喇!我画得好滑突咩!
-（邢)ER......
-（ME)55555~~~~~~~~~~
-（邢)其实离艺术节仲有两日时间,都可以重新画过嘅.
-（ME)你哋画晒都学咗几年啦~~我学咗一个月乍窝!画极都係咁噶啦!!
-（邢)哩幅画最大嘅问题就係冇立体感吖,好似个平面咁.其实个沙滩可以画大D,係岸边加D礁石,做D阴影同水花撞击嘅效果.其次嘅问题就係色彩变化,要.....仲有.......同埋......最后呢......基本上係咁多喇!!
-（ME)（晕...)咁咪姐係话成幅画都有问题...
死啦,如果拿去参选,人哋实眼尾都唔哨吓.
我都係唔好拿幅野去献丑喇!畀Azo见倒盏笑死佢,都係揸紧时间连好D舞好过!
仲有两日乍~~~~~好紧张!好紧张....
-------------------------------------------
学校嘅艺术节係夜晚举行,大概六点钟倒,有唔少同学陆续翻到离学校
唔洗表演嘅就去礼堂嗰度行吓.礼堂挂满咗入围嘅优秀作品
每位入去礼堂嘅同学都可以係门口拿一张卡,然后选出自己觉得最正嘅画
将卡放入哩幅画下面挂住嘅透明箱度 以选出全场最令令嘅一幅
虽然我今次冇拿我嗰幅四不像嘅画去参选 不过都好有兴趣去及吓人哋D靓嘢
同埋撑吓啊哥
BUT BUT BUT E+真係好忙吖!我哋跳<make my day>嗰七个男仔同埋我,五点几就翻到离係邢均惟嗰个课室（即係Azo嗰个)度排练
因为师兄话唔想我哋只舞係演出之前畀人哋睇倒,如果唔係就冇惊喜同新鲜感噶喇
我哋搬开晒课室里面嘅台凳,关住门,拉埋窗帘咁排练
係咁跳完一次又一次,跳到身水身汗
其实我哋已经练到熟晒,可能因为就到表演,个个都好紧张,搞到有D复杂嘅哋方就成日有人跳错
-（邢)好啦!休息一阵先!等阵夹多两三次就去舞台走位啦!
-（Eric-跳舞师兄之一)听讲到时个晚会会选出五个最掂嘅节目窝,你古我哋有冇份啊拿?
-（Baby仔)掂硬都得喇!只舞我哋摆咗咁多心机落去,仲要难度咁高窝!
-（Eric)但係我收倒风,有四五个节目都係跳舞窝..不过流行舞就得我哋同专三嗰班女姐
-（ 嗰班嘢吖?日日中午开到部机大大声咁练.惊S人哋唔知佢哋识跳咁!仲有佢哋D衫吖~~~~~~好似跳夜场咁!
-（E)哈哈~人哋搏仔沟姐!喂~讲落我哋D衫真係好鬼掂窝!衬到只舞Dum一声~
-（ D衫诗甜同均惟去天河城简架!佢哋Dtaste不嬲都好好噶啦!你都未见过诗甜平时出去玩嗰D衫吖,型到啊~~
-（ME)边有咁夸吖!!D衫只色係我简噶乍!D款全部都係师兄简架.
讲真,我都好喜D衫吖
我哋D衫D色係粉红同黑为主,同首歌一样,刚柔并重
加上今期男仔兴粉色,夹埋仓木麻衣嘅超正<make my day>真係掂到晕吖~
我哋D衫係邢均惟带我去天河城一间佢成日帮衬嘅铺度简嘅
个个都唔同款,不过主色就一样
我嗰套呢~玩晒Mix&Match,上身就係Under cover,睇上去有D复杂,不过好Sharp
下身係好简单嘅桃红色百折短裙仔,衬埋对黑BOOT同粉黑间嘅膝箍,有D Q得离又型嘅感觉
而其他师兄嘅型衫加上D饰物吖,帽吖咁,都好Perfect
-（E)我觉得E+最大嘅劲敌就係跳古典舞嗰D人吖!你知我哋E D艺术学校,点都中意D有艺术气息嘅嘢噶啦!我哋E D流行舞喇窝...
-（邢)我哋只舞又唔係普通嘅流行舞,係街舞同霹雳舞,Jazz结合架!难度咁高,净係诗甜SOLO嗰Part都赢佢九条街啦!
哇~~原来佢摆咗咁多希望係我身上...
讲起我SOLO嗰PART,我惊惊哋架..咁大个囡都未试过跳D咁难嘅动作
所谓嘅SOLO,即係一个人跳咯!
话说我哋排晒只舞之后,均惟师兄仲嫌难度唔够,就稳佢专业搞音乐嘅朋友,重新帮首歌混音,加快节奏
仲加咗一Part斋Band鼓嘅过奏落去畀我Solo
而嗰段成两分钟嘅过奏一到,师兄佢哋就好似木偶咁定晒係度
我就要一个人係度跳
嗰Part舞的确编得好正好型,不过到E+我都仲未有把握可以十足十咁跳晒出离
因为D复杂同高难度动作太多喇,之前师兄见我整亲只手叫我唔好练嘅原因就係咁,惊我应付唔离
Kok koK kok
E~有人敲门窝!D同学应该係晒一楼彩或者睇画噶窝,点解仲有人上离课室嘅
-（邢)边个啊~~~~~~?
-我咯!开门啦!
-Azo?你翻上离做咩吖?
-我要拿嘢吖!你开门畀我入去先啦!
-唔得我哋係度秘密练兵吖~~~~点可以畀你睇到架!!
-哎~晕吖~~~~（係门外嘅啊哥好无奈咁嗌)咁你帮我係我柜桶拿支嗻哩水同发泥畀我啦!
邢均惟係门嚹度摄咗D嘢畀佢
啊哥又好无奈咁係门外嗌
-真係服得你交关!咁紧张都有!祝你哋演出成功啦!
-大家咁话!
照咁讲,姐係啊哥都会表演啦!仲专登上离拿嘢扮靓添~
之前都冇听佢讲过话表演D咩嘅.. Part18
我想我还要继续学习
悲伤的时候不闭上眼睛
趁眼泪还未形成前 就蒸发到空气里
我想我还要继续努力
听完了情歌可以不决堤
那些蠢蠢欲动爱的回忆
会让思念都哭泣
舞台係係室外嘅中心广场搭嘅.今年搭得特别高,特别靓,仲搞倒成个T型台咁
D彩灯闪闪吓,仲有一几盏银灯可以做到闪电咁嘅效果
一眼望落去,千几张凳係台吓拍到齐一齐,都咪话唔壮观
完全可以想象倒台下坐满人,千几对眼注视住你嗰种压迫感
捻到E度变得好紧张添~~~~~~~~
哎~~~~~终于畀我见识倒专三嗰班师姐,果然好"索"啊吓....D衫!
E+11月初,天气都开始凉啦!佢哋着晒TOP咁唔冻架咩!十几个女个个披头散发
跳嘅舞有D怪怪哋咁,有D似disco,又有D似Parapara
点解咁耐架!唔止我哋哩team人等上台走位,其他人都排住队等梗,仲开始有D唔耐翻
但佢哋似乎仲好enjoy企係台上咁
-快鬼D啦!阻住哋球转!!
直到后面唔知边个嗌咗一句
师姐门终于支支喳喳咁行落离,到我哋上去
正係我哋两team人擦身而过嘅时候,我FEEL倒有火花!!
嗰班师姐好似当正我哋係敌人咁
-（师姐A)喂!佢哋好似又跳舞窝!!
-（师姐 係咯!!E~~!嗰个咪邢均惟?听讲劲人离噶窝!
-（A)车~!佢掂姐!恐怕有人唔掂窝...
-（ 咪係!（啤一啤我)一个女仔跟住成榨师兄!都唔知有冇料嘅!
哎~都预咗佢哋会咁捻!通常见倒D师妹同师兄咁friend都会嫉妒噶啦~~~~呵呵~唔抵得咩!
有冇料一阵咪知咯!
-----------------------------------------------
到咗七点半,个天黑晒,凉风习习,晚会终于开始!
舞台灯光闪烁,周围坐满晒好期待嘅同学
我哋换好衫坐係后台准备梗
但係我哋抽签抽倒最后嗰个出场吖!咁咪有排等!而且D同学会唔会睇到最后,攰晒就冇心机睇我哋个节目噶
唔係窝~~换个角度睇~我哋做压轴吖~跳得好嘅话可以将成个晚会推向高潮噶窝~!好耶~~
係后台等到唔耐烦,我就走出去及咗一阵
净係睇倒D小品,朗诵,合唱嘅表演,闷ING...
又翻入后台坐......
到晚会举行到一半嘅时候,突然间听倒外面嘅同学拍晒手好开心咁!连后台都听倒佢哋嘅喝彩声
邢均惟跑翻入后台,索晒气咁话
-快D出离睇啦~~~~~~~~~~`到Azo佢哋出场喇!!!
哇~~~~~~~~~~~~好耶吖~!!Azo果然有表演!唔知係咩节目呢~~~~!?好心急好心急!!
我琴琴青咁冲咗出观众席嘅一个角落度
哇~~~~~哇~哇~~~~~~~~型吖~型吖~~~~~~~
原来係fashion show吖~!!
D师姐师兄个个都好高吖!佢哋一路行cat-walk,个T型台一路播住细细声嘅净音乐,隔离仲有一把好甜嘅声介绍梗个花生骚
原来D衫係佢哋自己整噶~~~~~好特别好犀利吖!!
-（邢)E~係Celia窝!
台上面有一个好高短头发嘅女仔行梗出离,着住件紧身粉黄色露膊衫同一条不规则边嘅超短裙
好鬼索吖~~~~!!!
佢D肤色有D古铜色,瘦到好有骨感,行起离又有自己style
-（ME)哇~~~~~哩个师姐好靓好PRO吖~!边个离噶?
-（邢)Celia係我哋级花离噶!梗係PRO啦~~佢係专业model离家嘛,同Azo一间公司嘅!
-吓~吓~~~!?咁讲姐係话Azo都係...
-吖~~~!Azo出离喇!
哇哇~~~~~~~~嗰个真係我吖哥吖!!?好难相信佢係平时嘅Azo啊!
佢着咗件黑色嘅恤衫,两个袖好随意咁"掖"到手争嘅位置.
领口至到心口嗰几粒钮都冇扣,条颈搭住一条打得好松好松嘅灰色领肽,下身係一条DIY过嘅牛仔裤
裤脚同膝头高D嘅位置cut到烂绒绒咁,好洒好Man吖~~~~~都未见过咁男人嘅啊哥嘅
仲有仲有,佢带咗副银色超,D表情cool到结冰咁,睇到台吓D女仔晕得一阵阵（当然唔包括我......就奇啦!)
-（邢)Azo从初三开始就做兼职model喇.佢好细个嗰阵,啊爸啊妈就唔係度.E+佢D学费同生活费都係靠佢做兼职攒翻离噶!好在只衰仔生得高,行cat-walk够型够格,所以成日都有job接
啊哥好叻吖...咁细个就自己攒钱养自己,但我仲係靠老豆老母寄钱畀我洗,净係识玩,真係废...
相比起啊哥,我好幼稚吖...
次次一到Celia师姐出场,D男仔就瞪到眼都碌落离咁款,一到Azo呢~就轮到D女仔E哇鬼叫
到最后就震撼咯~~~~~~因为Azo同Celia一齐出离
仲一齐着住白色毛毛衫,成对angel咁,仲......拖住手.....添..
点解我个心会突然咁难受,见倒啊哥同第二个女仔係台上拖住手,听倒人哋话佢哋好衬
就会觉得心里面有D酸酸哋嘅感觉
我想啊哥永远都只係属于我一个
但係冇可能噶,我只係佢个妹,只係啊妹咁简单
点可以咁捻噶呢
-------------------------------------------
翻到后台,我有D麻木咁拿出盒粉底开始化妆,係咁S拍S拍D粉上去,但係个心仲捻梗岩先嗰一幕
-（Baby仔)哇~~~诗甜!E+叫妳拍鬼片吖!查到白嗮嗮
我又拿只唇膏出离查
-（Baby仔)Azo师兄~~~~~~~~~~~哇吓~岩先好cool吖~~~~
Azo入咗后台!!
我一捻嘢~一时紧张,支唇膏一岔岔开咗,係个嘴度画花咗~
-（ 哈哈哈哈~~~~~~~~~诗甜妳有咩问题吖!扮完鬼又扮小丑!
我拿拿声拿张纸巾死抹烂抹
Azo行咗过离
-妹~~~~一阵到妳喇窝!
-係吖!不过实冇你咁威噶喇!!!哼!
哩D係咪叫瞌醋,我无端端又发啊哥脾气
-我帮妳化妆啦.
-你边识吖!!?
-做model嗰时睇过吓人哋化咯,妳信唔信得过啊哥先?
-------------------------
e+嘅感觉,就好似Azo係我面上画画咁,
唔同嘅,就係唔係揸画笔,而係眉笔,眼线笔同眼影扫
但係啊哥嘅表情就好似佢画画嗰时咁,好专注,仿佛其它嘢都唔存在咁
佢快面离我好近好近,连佢呼出离嘅气都感受倒,
双眼都好近好近,佢眨眼嘅时候,我可以见到佢嘅睫影
啊哥嗰对艺术家嘅手,好修长好清秀,E+就轻轻咁贴住我块面好细心咁画啊画
原来做啊哥嘅画纸係咁嘅感觉嘅
-对眼向上望吖!唔好郁窝,我嚓睫毛液噶喇!
第一次畀男仔帮我化妆,搞到块面"兴合合",唔知E+捧住我半边面嘅啊哥feel唔feel倒呢
只係知道佢好认真,好认真
最后嚓埋唇膏就搞掂
-（ME)淡淡哋好喇!!唔好嚓咁浓吖!
点知我一讲嘢,一郁搞到佢手上嘅唇扫跌咗落哋吓.
-（ME)吖!死喇......
-（Azo)算啦.
讲完,佢用只中指帮我扫淡嘴唇上嘅颜色......佢掂梗我个嘴吖~~~~~~点算点算
我会唔会未上台就心跳到晕咗架
啊哥真係好温柔吖~~~~~~~~佢嘅中指好细力咁係我唇上滑过
我定晒咁望住佢,望住佢棕色头发间嘅双眼
佢眼中嘅温柔同专注係哩一刻只係属于我一个
佢嚓完嘅时候,见倒我望住佢,佢又定晒咁望住我,
两对眼好近好近咁对视咗几秒,然后佢有D尴尬咁笑一笑话
-...er...OK喇!
-嗯嗯~~~唔该啊哥.....咁...我都係时候上台喇
-...哦..嗯...
气氛从一般尴尬上升到非一般尴尬
-咁...我走喇.
-哦哦....吖!!妹~
-加油吖!啊哥撑妳!!
-n_n!嗯!
------------------------
上到台...唔掂吖~~~~~~我咁大个囡从来都未试过係台上对住咁多人噶!
皆因以前无论咩比赛咩表演一律冇我E D坏学生份嘅
E+脚震震,头晕晕咁,我会唔会企唔揾跌落台架~~~~~!?
我见倒嗰班专三师姐吖,佢哋翘住手好得戚咁,好似等住睇我出丑咁!
NO NO!!唔衰得噶!我见倒奈奈吖~~~~~~~~~仲有啊细吖~~~~~~~佢哋对住我做咗个YEAH嘅手势,仲笑到四万咁口
好感动吖~~~~~~~~~~仲有我哋班好多人都嗌梗我个名吖
因为我代表我哋班,去同其他班嘅师兄一齐出一个节目噶,连平时好恶S嘅MISS都对住我笑吖
咁啊哥呢?啊哥呢~~~~~~??
音乐开始喇!集中精神跳好D先!
唔得吖~~~~~~~见唔倒啊哥我根本集中唔倒精神!脑里面一片混乱,仲开始有D跟唔上!
点办吖!!!咁样落去,辛苦练咗咁多日嘅舞就畀我搞祸晒噶喇!
死啦~~~~~~~踩错节拍~,呼~~~~~~好彩仲兜得翻!!
连均惟师兄都睇得出我好紧张,係后面细细声咁同我讲咗佢
-诗甜,唔洗惊架,好似平时咁跳啦
我都好想吖~~~~~BUT BUT BUT~~~~~~~
离Solo嗰段仲有几秒钟乍!咁样落去我一定跳唔好嗰part架!
吖~~~~~~~~係啊哥吖~~~~~~~~~~~原来佢一直企係最后望住我架!!
虽然好远,但係我都见倒佢做口形同我讲"加 油"
个心即时定咗好多,D信心唔知几时翻晒离
Solo嗰度跳得好成功吖~~~~~每咗一个难D嘅动作台下嘅同学都拍晒手咁
到最后我哋一齐跳嘅时候,全场嘅气氛都好high,仲有好多人企咗起身一路睇一路喝彩
当然最后嘅精彩节目头五名我第有份啦~啊哥个fashion show亦都走唔甩
嗰晚我哋一齐去唱K庆祝嘅时候,啊哥仲话古唔到跳舞咁叻叻,咔咔~~~~~~仲赞我型吖
呵呵呵呵~~~~~~~ Part19
你那边是个晴天
应该会比过去快乐些
我心里还是雨天
等待某个人给我好心指点
明天会不会晴天
我会不会潇洒一点
明天会不会晴天
快乐离我远不远
今日,下午放学嘅时候,均惟师兄话係学校后花园等我
心情好,所以一放学就轧轧跳咁走咗过去
我见倒均惟师兄有D唔妥咁,虽然D行为冇咩异样,但係佢望我嘅眼神好似有D...暧昧咁
-师兄,妳揾我咩事吖?
-沟妳咯!!
-....呵呵~~~~~~哩个玩笑开得多冇人信噶喇!
平时我哋讲玩笑嗰时佢都会沟沟声咁
-同妳开玩笑洗唔洗专程叫妳离哩边吖!
-吓~~~~姐係....
-今次讲真架!做我条女啦!
听倒哩句话,我有种好奇怪嘅感觉,就好似几个月离嘅友谊係哩一刻变咗质咁
-不过我......我又唔係咩乖女,师兄你其实可以揾过D......
发觉自己讲梗D好凉嘅嘢
-我又唔係要咩乖女!中意妳就中意妳噶啦!
-多谢你嘅心意先吖,不过......
-点解吖?妳有中意嘅人喇?边个吖!?
-吓...Er..冇,冇吖
-咁点解唔同我一齐吖!我好似...对你冇咩FEEL咯....
-妳再考虑吓先啦,一个星期后畀答复我!
-师兄~~~~喂~~~~
哎~~~~~~~~好似搞到佢有D唔开心咁...夹硬叫人考虑一个星期,自己就走咗
点解咁突然架!我都唔知原来佢咩咩我嘅.
点办!会唔会我拒绝咗佢之后连朋友都冇得做...
哎~~~~~~~~烦S人喇!无端端整单咁嘅嘢
-------------
发条信息畀啊哥睇佢走咗未先!
（诗甜:哥~你走咗未吖?)
（Azo:仲係课室吖!就走噶喇!)
（诗甜:我去你课室揾你吖!)
（Azo:怕咗妳!快D啦!)
----------------
-E~你哋班D人走晒喇窝!你未走嘅!?
-边度走晒!均惟个书包仲係度!可能一阵翻离噶喇!
-哇~啊哥!你快D执嘢啦!我哋一齐走啦!快D快D!
-妳神神化化咁嘅!
我暂时仲未捻住同佢讲岩先嗰件事
终于离开咗栋教学楼,总算脱离危险区!呼~~~~~~~~
-妹吖,妳E+同余颖D关係点吖?
-做乜无端端提佢窝!
-妳仲嬲人吖?
-唔啦~不过对佢冇咩好感姐!
-冇咁啦!其实佢个人都唔坏嘅,上次嗰件事佢都冇同学校讲啦!
-讲起上次!我都想问係咪你叫佢唔好爆我大锅啊!
-哩D是但啦...总之人哋都算帮咗妳一次啦!
-车~就算我唔嬲又点姐!我哋班D人都唔中意佢嘅!
-哩层我都知,不过如果唔係佢屋K有问题,佢都唔会搞成咁啦...
-哼!你係佢啊哥定我啊哥吖!咁紧佢做乜!
-哎~我E+都唔理噶喇,前几日打咗个电话畀佢家姐叫佢离理咯
-佢家姐?余莹吖?
-嗯......
-你仲有同佢联络噶咩?
-......
讲到E度,啊哥又有D开始变沉默喇,为咗打破僵局,我就笑住话
-唔~~~~~~~今日天气有D冻添!我哋去学校门口间小食店度督鱼旦咯!
-好吖!我请吖!
------------------------
-唔~~~~~~岩先D鱼旦热辣辣~好好味吖~不过饮咗杯沙冰搞倒E+冻冰冰咁....
-话咗妳啦!咁凉天仲饮冻嘢!
-我中意吖~吹咩吹咩~~~~~~~呵呵~
得闲无事,我就最中意讲D嘢离激吓啊哥,睇吓佢无晒我乎嘅样
-我畀妳吹胀就真啦!除件衫畀妳着啦!衰妹!!
啊哥除咗嗰件好大嘅外套畀我着,件衫着係我身上好阔吓~不过仲带住佢嘅体温,好warm
-嘻嘻~~~~~~~个袖长到扮鬼都仲得
我抬头望吓啊哥,见倒佢用一种我从未见过嘅神情望住前边
前边,有一架颇为豪华嘅黑色房车
係部车度有一个好娇小玲珑嘅女仔落咗离
虽然佢着咗对尖头鞋,都係显得好细粒.一米五八左右
但D打扮就好成熟,睇上去有二十一二岁
而且望真D,佢D五官都算精致,成个人望上去有种弱不禁风,不过就好优雅嘅感觉
係D男人好想保护嗰类型
-祖凝!
嗰个女竟然识得啊哥嘅!!?
-...啊莹,妳嚟咗喇?
Part20
忘了怎么来 也要记得怎去走
能忘记为何哭 便能张得开笑口
明日开始 心跳汗流
仍然像招呼好朋友
无论多尴尬也能够和平分手
宁愿单手拥抱你
和平散开
不舍得诅咒便喝彩
祝他人与你会有个什么未来
仍难及这种友爱
佢就係余莹!?
同我想象中Azo会中意嘅女仔唔同...
我想象中嘅係好似Celia师姐咁,有翻咁上吓高
而且无论身材同样貌都好出众
可能我以为Azo要求高啦
讲真嗰句,余莹冇我捻得咁省镜
E+先知原来Azo中意嘅只係好平凡嘅女仔
佢有一头黑色嘅中发,块面好细----典型嘅巴掌面,个样望落去都几顺眼
佢着住净色嘅啡色连衣中裙,白色尖头高踭鞋
成个人望上去畀人娇滴滴嘅感觉
余莹同身后嘅黑色房车嘅司机讲咗声,部车就开走咗
照计佢条仔出离行,部车应该係佢条仔嘅
佢行咗过离,对住我微微一笑,然后同Azo讲
-啊颖係学校入面吖?
-嗯.我带妳入去啦.
-今次真係唔该晒啊.我哩个做家姐嘅真係......
-唔好咁讲啦~佢知道妳离接佢实好开心.
-嗯!麻烦晒喇!
佢地好似准备行入学校,不过就遗忘咗企係隔离嘅我
-啊哥...
我扯一扯Azo衫尾,望住佢,好似係度问梗"咁我点吖?"咁样
-我带人入去做D嘢吖!妳翻去先啦!
-我又要去!!唔知点解我冲口而出弹咗句好细路仔嘅话出离
-妳听话啦!夜D我再畀电话妳.
-点解我唔去得窝?
企係隔离嘅余莹有D唔好意思咁望住我地
-（莹)...er...祖凝吖,不如你同我讲啊颖边个班,我自己揾啦
-（Azo)得喇~我带妳去啦!
Azo望一望仲係好硬颈嘅我,就转身同余莹入咗去学校
佢竟然就咁头都唔回就走咗,反而余莹就有D唔好意思咁另后离望一望我
咁大个囡第一次畀人dum低係条街度,真係好鱼好冇面
我都唔想夹硬痴住Azo,佢做咩我都要理,仲要咁唔要面係要跟埋去
从来都未见过咁样嘅我,一个越离越唔似自己嘅我
然而,令我最伤心嘅係Azo为咗余莹先会咁做
曾经以为,哩几个月离我地经历过嘅一D嘢,同埋佢嘅一句"啊妹"会令我係佢心里面有一D位置
但係佢望住余莹嘅眼神,渐渐离我而去嘅背影话畀我知,
哩D一切一切,对于佢曾经深爱过嘅人离讲,都只係好渺小... 出完个啦？仲有无啊...
好好睇啊...
继续发埋落去啦... 恏長恏長....
我要繼續睇啊```` 有~~大把~！！！
系我冇时间来发而已~！！ Part21
一起出走感觉多好
但天黑黑哪里也去不到
拥抱可这样暖 你使我领会到
这一对流浪汉 被忘掉也好
飞天更加好
像飞鹰飞到最远的古堡
我不想记大个 也不要变大个
我躲进幻角全日拍拖
难道竟是错
跟住,我冇翻到屋K,直接去咗大佬Miu间bar度
-诗甜,咁好离探大佬吖!
-哇~~~~~~~~~冇离一排,旺咗好多窝!爆晒棚咁!
-饮D咩吖?随便叫啦!
-百利甜加苏打水啦~
-睇妳~~~~一放学就饮酒!
-有乜所谓窝!度数咁低~~哩段时间日日唔係饮水就饮果汁,饮到寡晒!係呢~~~听baby仔讲话你唔止做老细,仲学埋调酒窝~
-哎~~~~~见冇嘢做咪咩都学吓咯!
-大佬,我真係好鬼服你架!话收就收,E+打理吓酒bar,清清闲闲咁几好吖!
-哈~~~~~讲真E+係开心咗好多,唔洗理埋晒D无谓嘢.过翻D正常D嘅生活.
大佬Miu好感慨咁讲完,索咗啖烟,吐出白色嘅雾,然后消散係酒bar迷离嘅空气中.
我希望佢真係揾倒真正宁静嘅生活啦.同时我都明白到,一个出离行咗十几年嘅人,想修心养性,不问世事真係好难
好可能大佬係经营哩间bar嘅时候,已经遇过好多以前有过节嘅人上离踩场
不过佢唔想我地担心,至唔同我地讲姐
-大佬吖,其实呢..E+你唔理事啦,如果我有D嘢想问嘅话...你会唔会答我架?
-都知妳个S妹丁冇咁好死噶喇!想问D咩吖?
-嘻嘻~~~~~~~~大佬你识唔识Toxic吖?
-咪住!妳唔係惹倒Toxic啊嘛?
大佬有D紧张咁问
-你同我定啦!我E+好少惹事噶喇!只不过想问吓佢D嘢姐.
-Toxic咪係XX嗰十五个堂嘅堂主咯.E+嗰一带佢坐大,D0靓多到澳门,泰国都有....
-大佬....其实我唔係想知E D嘢吖!姐係咁嘅,我见佢好似好撑我个F咁,但我个F又唔出离玩噶窝,冇理由会识Toxic架,你知唔知哩几年佢有冇落令要保D咩人咁吖?
-（沉思中...)照计Toxic撑嘅人都係帮佢出声入死嘅兄弟离噶窝......哦!!我记得喇!!应该係十几年前,Toxic嗰时先二十岁,岩岩係黑场有多少人识.有次佢得罪咗东区D人,就走咗去澳门避风头.过咗半年个势定咗D之后,佢揾人接佢老婆过澳门.点知原来有人係只船度做手脚想整沉佢.当时船上只有一部救生艇.有一对夫妇见倒Toxic个老婆大咗肚就将个位让畀佢坐先,仲交咗自己四五岁大嘅仔畀佢照顾住先.后离嗰部艇赶唔切翻转头救人,嗰对夫妇沉船死咗.后离Toxic就係黑道落令,或以后哩个0靓仔佢撑,边个搞佢就姐係同佢过唔去,不过唔知当年嗰个0靓仔係咪妳个F.
Azo曾经讲过佢四岁嗰年啊爸啊妈就沉船过咗身,原来佢地救咗Toxic嘅老婆同未出世嘅BB.
怪唔知Toxic咁撑Azo啦...
-仲有呢~~~~大佬有冇听过有个女叫余莹嘅,同咗个男出离行架,你知唔知个男.......
噔.噔.噔...噔..（手机响)
-我有电话入!等阵先!.....喂?啊细吖?揾我咩事吖?....细??....撞鬼妳咩,讲大声D啦!...吓!!?唔係啊嘛!咁大件事?妳E+係边吖?....好啦!我即刻过离!!!
-（Miu)咩事吖?
-啊细嗰边有D麻烦,我E+过去睇吓!
-我同妳去啦!!
-唔洗喇!你唔好再理翻D捞搞嘢喇.我搞得掂噶!!
-咁我揾人车妳去啦!
-唔!!咁我行喇~~~~~~~~啊!大佬,借包烟离洗吓先!!
---------------------------------------
啊细E+畀一个叫Sucy嘅女捉住咗吖!嗰个女就係我上次係Disco帮啊细界嗰个男以前条女离噶!
啊细同咗嗰个男之后,Sucy想食回头草,去揾翻个男!点知个男就话咗自己同啊细D嘢畀佢知!岂有此理!嗰个咁嘅人渣!!有冇理到啊细嘅安全架!
而Sucy又问嗰个男D F,咁岩问正嗰晚同我有过节嗰几个女,嗰几个女仲唔将我点界佢以前条仔嘅嘢讲晒畀佢知咩!!
今晚啊细係KTV嘅时候,畀几个女带咗去揾Sucy,点知啊细D脾气同我一样咁火,讲唔够两句,佢就郁手,点知佢一个畀九个女Gum住离打!
E+Sucy指定要我一个人过去,佢先肯收手.
我E+最担心嘅就係啊细究竟伤成点,同埋......如果我再去打交嘅,Azo一定会好唔中意噶...
不过!朋友有事我冇可能唔理噶!
都係救咗啊细先算数.
离到一个好陌生嘅地方,因为哩度根本係佢地地头,E+夜妈妈,咩都睇唔倒,只係知道E个係一个弃置咗嘅篮球场
啊细畀两个女gum住,企係最前面嗰个应该就係Sucy,金毛铃一个...
嗰个女用对好妖嘅眼打量住我
-妳就係evil Sea啊嘛?界我条仔嗰个啊~
唔係挂~~~~~~~~~哩个名係初二岩岩出离玩嘅时候D人帮我改噶窝!几年都冇人叫过,佢点知架!!
-唔洗咁畀面窝,个名铺咗尘好耐!!
-睇妳都算有义气,一个人离都够胆死!!
佢冷笑咗一声.我不屑咁望咗佢一眼,索咗啖烟,望住D雾飘吓飘吓咁.
其实平时我係唔食烟噶!不过哩D时候担住支烟通常都可以免去D不必要嘅麻烦.特别係有D人见倒女仔食烟就觉得哩D人唔好虾.
-喂!!sucy姐同妳讲梗嘢吖!妳聋架!
唔知边条0靓妹好串咁鄂高头一路用手指督住我膊头一路大大声咁讲
最憎人手指督督噶喇!!
-手痕啊妳!!?
我一手扯佢只手过离,一支烟瘌落去
-啊~~~~~~~~~~~!!!!痴线架妳!
嗰个女即时大嗌
-Sucy姐啊哇~妳D0靓点出离NO架!?郁D就鬼实咁嘈.
-妳唔好唔记得妳个F係哩边吖!
佢扯住啊细D头发讲.啊细嘅眼角鱼咗一大挞,只手又损晒
我望真D,佢同我打咗个眼色,意思係叫我郁手先.
我一步步行过去,睇得出Sucy猜度梗我下一部想做咩,但佢仲扮到好镇定咁
一行到过去,我就即刻扯开佢打起上离,咁样啊细对付D"失豆窿"都易好多
通常D人觉得女仔打交好肉酸,讲梗嘅实係Sucy哩种,阴阴湿湿咁.带住只有勾嘅戒指係咁刮
虽然佢应咗我几拳,不过冇几耐我就畀佢嗰只铁勾搞到嘴角,额头同手都损晒
仲有我上次自己用铁钉界过嘅右手臂畀佢一撞即时痛到拿命
不过我仲係强忍住冇嗌到出离
我地两个对佢地九个唔係办法,加上啊细又受咗伤,我又畀只癫婆挂到损晒,咁落去迟早畀佢玩残
E+仲有几个唔够打走去拿架撑离
我一脚扫落准备用铁通欧我嘅嗰个嘢度,跟手抢埋支通,
用埋最后嘅力过去扶起啊细,飞咗支通落Sucy只脚度,趁佢未起得身之前拉住啊细博晒命咁跑!!
----------------------------------------------------
-诗,诗甜,我唔得喇...停一阵先啦!
-妳冇嘢啊嘛?佢地应该追唔倒离哩度噶喇!我扶妳过嗰边坐低先啦!
-诗甜,Sorry吖!拖埋妳落水...
-傻啦!我地不嬲都唔计哩D嘢噶啦!睇妳只手损晒喇~阴公~~~~~
讲吓讲吓,啊细就喊咗起身
-做咩吖?係咪好痛吖?唔好喊啦...
-唔係啊...我係觉得自己好蠢,明知身边有人对自己咁好唔识得珍惜,出去识埋晒D唔三唔四嘅男....
啊细讲嘅身边嗰个好男仔係baby仔吖.
我地成班一齐玩嘅人都知道Baby仔对啊细係点.
不过啊细一直话当佢兄弟,所以一路逃避.佢地两个甚至係对方面前乱咁识人.可能係互相激梗大家挂
人通常都要係自己最落魄嘅时候先会捻起对自己最好嘅人
我都叹咗一口气挨住身后嘅石墙
哩度周围嘅黑猛猛同冷冰冰令我捻起Azo温暖嘅笑容
E+嘅我地一定係处于唔同嘅世界
我岩岩先同人打完交,成身伤痕累累,D衫都烂埋
而佢可能带完余莹去学校之后,又同佢做係某间coffee shop度天南地北咁倾计
我一次又一次咁望吓周围嘅黑暗同闻吓手上伤痕嘅血腥味
又捻吓Azo所处嘅嗰个充满希望嘅世界
我係生存係黑夜,而佢係生存係白昼
有人话两个唔同世界嘅人係埋一齐,彼此之间就多咗一个世界
如果真係咁就好喇,我可以拥有埋Azo嗰个光明嘅世界,但係,佢又会愿意进入我哩个只有斗争同颓废嘅世界咩?
係佢身边嘅时候,我觉得一切都变得好明朗,仿佛所有唔好嘅事都冇咩大不了
我嘅温纯同可爱嘅一面,只係属于佢一个,亦都只有佢可以延续咁嘅一面
然而面对住E+嘅自己,一个残忍同肮脏嘅自己,我点可以相信我嘅生命里都曾经有过白昼
魔鬼有咗爱,就变得特别脆弱
係面上不断滴落离嘅,已经分唔清係汗水,泪水,定係血.
Part22
太美丽爱情 快乐有限
但下雨的天空中
仍然享受蔚蓝
让妳安躺在臂弯
让雨点完成夜晚
我未曾 期望快感变成习惯
凌晨三点几,我同啊细终于翻到屋K,嗰个山卡拉地方,我地揾路出翻去都行咗个几钟
翻到屋K,直程成个散晒,郁都郁唔倒
因为啊细伤得太犀利,唔敢翻屋K,惊畀屋K人见倒,所以就离咗我屋K训
到第二朝我醒嘅时候,已经係上午11点几
我成朝冇翻学,唔知啊哥会唔会担心
不过捻真D,佢寻日都可以DUM低我唔理,我都唔会重要得去边
我冇嬲佢,反而有D发自己闷气
我冲咗个凉,洗埋头,好努力咁洗去D血迹---不过都係好明显见倒身上离度鱼一哒嗰度损一哒
啊细话今日唔会翻学,下昼去医院睇吓先,同埋哩两日要留係我屋K住住先,等D伤好翻D再算
我已经决定咗今日下昼要翻学,虽然知唔会受到咩好对待,不过都要帮啊细请个假
同埋......
---------------------------------------
-企係度!!!
我行梗翻课室嘅时候,听倒一把好严厉嘅声
-陈主任...
-妳成朝做咩离啊!妳冇以为我唔知妳旷课啊!仲有,同咩人打交闹事啊!搞成咁先翻学!!!
-主任,我想同专二（3)班叶小小（啊细)请一日假!讲完!係咁!!
-秦诗甜!妳E+连主任都唔放在眼内架啦!
-又咩啊主任...
-妳哩个假我唔批!!
-咩话!?点解啊?
-叶小小肯定同妳一样出去撩事斗非搞到唔翻学!总之我唔接受任何理由!佢今日无论如何扑都要扑翻离!!!如果唔係我就当佢自动退学!
-有冇搞错吖!妳有冇人性架!人地E+伤到鬼咁仲叫人翻离!!!
-秦诗甜同学!妳岩先话咩话!
-我话妳冇人性吖!妳要踢佢出学校咪踢埋我出去咯!
-妳古学校好稀罕妳地E D学生啊!?我E+畀个机会妳!妳同我企係校祖石像隔离悔过!我未叫妳妳唔准离开!
-妳都唔係傻架~?叫我对住樽石像!妳以为妳地校祖好靓仔咩!
-妳以为我真係唔敢踢妳出学校咩!妳哩种学生出到去仲有学校收咩!?我E+畀个机会妳!妳唔要咪怪我唔客气!
讲完,陈主任就翘住手嬲爆爆咁走咗!
要我企係度!?露天架!鬼咁大风,唔冻死都望住校祖呕死啦.
仲有最重要嘅係哩度对上去三楼,正正係Azo个课室.我先唔会咁蠢出丑至死吖!!!
我走!!!
噔.噔...噔.....
-喂?...哥啊?
-曳学生!!
-咩啊!!
-妳望上离!
我一望上去,原来Azo已经係佢地课室个窗度望住我,仲一路听手机一路扁嘴
-妳做咩整到周身伤晒吖?
-寻日啊细有事,我去咗帮手吖!不过唔係我撩人地打架!!!
-唔,我信妳.痛唔痛吖?我落离揾妳啊!
-唔好吖!好肉酸啊损到.而且陈主任罚我企,我捻住走喇!
-妳又试咁啦!
-最多咪畀佢踢出校!!
-唔得吖!!!
-吓?
-妳以后仲想唔想同我一齐翻学放学吖?
-你都有余莹啦~车~
-唔好讲哩D住!妳应承我撑埋落去啦.我係上面陪妳
-点解窝!我都冇错!
-大个囡有好多嘢都要容忍架,妳连书都唔读,係咪唔想见啊哥吖?
--得喇!我企係咯!
--------------------------------
打咗钟之后,全个校园都静晒,得我一个人企係度食西北风
哇~~~~~~~~~好冻吖D风,吹埋D伤口度好似洒咗D盐落去咁,我觉得好似全身都就离撕裂咁
落咗课之后仲衰,D人落离小卖部买经过用D好异样嘅眼光望住我,仲Umm住嘴笑添
仲要畀我见倒上次跳怪舞嗰班师姐
-（A)E~~~~~!?嗰个咪跳舞好"叻~~~~~~~"嗰个女仔!
-（ 係咯~~~~~~~畀人罚企咁折堕吖!
-（A)哈哈~~~~妳睇吓佢快面,损到畀鬼where咁窝~~~~~~
-（ 哎呀~~~~我地都係快D走喇!妳睇吓佢啤住我地几恶死!
-（A)费事畀D不良学生打吖!
短短十分钟课间,我企係度,咩难听嘅说话都听倒晒.D人见我成身伤,又畀人罚企仲会有咩好嘢讲吖!
上咗课冇几分钟,个天突然间黑沉沉,乌云翻滚,冇几耐一粒粒好重嘅雨点就越滴越密
直到淋到我成身湿晒,係十几度嘅空气中,冰冻嘅雨水浸住仲淌梗血嘅伤口
身体上嘅痛混住寒冷不断向我眼睛嘅位置涌,佢地好想化成泪水冲晒出离
我同自己讲:妳唔可以再喊,妳已经喊得太多喇!再喊个天都唔会怜悯妳噶喇!
仲係小学嘅时候,每日放学我都係眼甘甘望住D同学仔拖住爸爸妈妈嘅手好幸福咁翻屋企.
我冇,爸爸妈妈一早係吵交声中离我好远好远,冇一个肯照顾我
我冇,係我畀人抢去冬天嘅外套嘅时候,冇啊哥,冇家姐帮我.再冻嘅冬天都係咁过.E+嘅冰冻又算得D咩...
到咗初一,照顾咗我六年嘅嬷嬤都过埋身,第一次明白係命运面前,所有人都係咁无助
眼泪,根本唔可以为不幸挽留一丝一毫
初二嘅时候,唔係得大家姐帮我,我一早就畀学校嘅同学虾到体无完肤
所以,踏上哩条路都係我心甘情愿
就算畀D女煎完一巴之后好大声咁闹我唔知丑
就算畀阴暗嘅巷仔畀十几个人打到几乎断气
经历完哩一切之后,令我明白到一样嘢,对敌人仁慈,下一个死嘅可能係你
之后,学识咗点样利用自己嘅拳头,学识咗用烟头瘌人,亦都学识咗无情
再难听嘅话我听过,出去玩嘅时候有,翻学嘅时候有,外表坚强嘅我点会畀人睇得出自己心里面嘅介意
不过都好,听过哩D话之后,其他嘅攻击已经近乎麻木
然而,我只係一个女仔
我真係一个女仔咩?
如果唔係遇倒你,我可能已经忘记咗自己原来都係一个女仔
可能到E+仲未知咩叫笑,咩叫爱
咁大个人第一次畀人关心,畀人因为紧我而闹我,
畀人撩嘅时候有人出头,病嘅时候有人揽住,无论几大嘅痛苦,只要你一个微笑我都可以通通忘记
就好似E+忍受住寒冷同疼痛,用几乎睁唔开嘅双眼望住你嘅嗰一方
捻住你曾经讲过嘅嘢,曾经为我做过嘅好少好琐碎嘅事
每一句"早晨",每一句"加油"
同埋嗰句令我又幸福又心痛嘅"啊 妹"
我心中阴暗嘅一面,你可能永远都唔会知道
我要我係你心入面永远都係开心嘅啊妹
AND...
希望你会慢慢明白
我嘅微笑,我嘅眼泪,我嘅任性,我嘅脾气
全部都因为你
因为一旦失去你
我会觉得失去咗全世界......
Part23
偌大嘅校园里面空无一人,净係听倒无情嘅大雨滴滴嗒嗒嘅声音
我觉得自己好似就离撑唔倒喇......
企咗几耐,淋咗几耐都已经唔记得
身上伤口嘅痛转化成麻痹
前面有个身影冒住雨冲梗过离
跑到离我面前成个怔住咗,瞪大只眼好吃惊咁望住我
係邢均惟...
佢双手扶住我膊头,好紧张咁话
-诗甜吖,妳做乜咁傻吖!!边个罚妳企架!!
-你...你走啦,你淋湿晒喇...
我用有气无力嘅声音讲.密密麻麻嘅雨点好快将邢均惟由头到脚都淋湿晒
-妳!?妳身上点解有咁多伤架!!?
一条条嘅伤痕畀雨水浸到周围都红晒,已经分唔清係痛定係麻
-我带妳走!!唔好再企喇,妳顶唔顺架!!!
讲完,邢均惟就拉住我只手行.
-师兄吖...唔紧要架...我..我支持倒噶...再企多一阵就..就得噶喇.
佢仲係唔听,係咁拉住我行,我根本冇力松开佢嗰只揸得咁实嘅手
-诗甜!!!
係我地后面有一把熟悉嘅声音嗌
係Azo......
佢跑过离拉开邢均围
-（Azo)你做乜啊!!
-（邢)我话你做乜就真啊!你见唔倒佢就离顶唔顺架咩!!
-（Azo)佢肯为自己做过嘅嘢负责,我应该係隔离支持佢架!!你带佢走会累佢畀人退学架!!!
-（邢)你点做佢啊哥架!!畀自己个妹係度淋住雨企几个钟!佢女仔离噶乍!!
Azo听倒佢咁讲,皱住眉望一望我,然后好嬲自己咁咬咗下嘴唇
我知到其实啊哥都唔好过,佢只不过想我去面对自己做过嘅嘢,唔好好似以前咁做错嘢翻到学校咩都唔哩,读唔落去就退学
-（ME)唔好再讲喇....我,我会...会企落去
-（邢)诗甜啊!!
-（Azo)啊哥企係隔离陪妳...
Azo都係成身湿晒,发端不断滴住水.浅棕色嘅双眼畀雨淋到几乎睁唔开
-（邢)你睇吓佢成身都震晒喇!!仲伤得咁紧要!仲企乜鬼吖!
Azo企係我身边淋住雨,冇出到声
係空旷嘅广场上,三个人变咗僵持,令本身冰冻嘅空气进一步降温,落魄嘅大雨依然飘洒住
咁样气氛维持咗冇几耐,一条闪电放出摄人嘅耀眼光芒
然后,我双脚一软,连最后一丝力气都消耗尽,成个身向下坠
Azo即刻另过离几乎係震惊咁叫咗我个名一声
而均惟已经快佢一步抱起咗我,好激气咁回头对住Azo"吼"咗一句
-你睇吓!!!!!
然后就抱住我跑咗出学校,佢个身向前倾,尽量挡住D雨
-诗甜,妳支持住啊!!我知妳好辛苦,不过一定要撑落去啊!!
佢一路跑一路讲
我望上去,朦朦胧胧咁见倒邢均惟嘅面颊不断有雨水滑过
佢嘅双眼同Azo唔同,黑而明亮,散发住锐气
比起Azo,个样好Baby face嘅邢均惟冇咁似师兄,反而好似我同年嘅朋友咁
但E+我发现原来佢都会有好成熟,畀人好有安全感嘅一面
佢企係路边,似乎等梗的士咁,E+落咁大雨,多数的士都有人,佢好焦急咁望住一部部车开过
又望望我
-妳唔会有事架!!我E+带妳去医院!
-我唔去医院...唔去啊......
-咁样点得架!!妳成身都伤晒,仲捻咗咁耐雨,岩先争D晕低吖!!
-唔好去医院啦......
-咁......咁我送妳翻屋企
我中午嗰时畀咗条短信baby仔,叫佢去我屋K睇吓啊细,E+佢地应该好好咁倾梗,如果我翻去,佢地一定会好紧张咁挂住理我噶喇.都係唔好阻住佢地
-我都唔想翻屋K...
-妳傻咗咩!妳E+咁一定要尽快揾个地方换咗D衫,帮D伤口消毒架!
-得噶喇,妳放低我啦,等我自己去D F屋K得噶喇
-去我嗰度啦!
-----------------------------------------------
-（邢)嗱!冲个热水凉,换咗哩D衫去啦!
邢均惟拿咗件好大吓嘅白色卫衣同裤畀我
-（ME)师兄啊,会唔会唔係咁好吖......你D屋企人呢?
-佢地去晒旅游啊!快啦!因住D伤口发炎吖!妳一阵开稀D滴露沐浴露离洗吓啦,可能有D瘌瘌地,不过杀菌架!
-......
-放心啦!你信唔过我吖?
-唔係啊!不过......觉得麻烦咗你咯.
-傻啦,中意得妳梗係要畀妳麻烦噶啦!!
-......吓...
-定窝~~係妳未应承同我一齐之前我唔会乱离嘅.
冲干净个身,换过D衫之后,成个人都暖咗同舒服咗好多
-好立克~~~~!衬热饮啦!!
-唔该.
-妳坐过离哩边啦,我帮妳搽药水.
-吓......唔洗啦,我自己离得喇!
-快D啦!
邢均惟用支棉签好细力好细力咁点係我手上嘅伤痕度,仲一路搽一路抬头望吓我,睇吓我有冇觉痛咁
-妳痛嘅话就出声啦.
-唔痛吖.
-我都未见过D女仔好似妳咁搽药水都唔嗌瘌嘅
-（笑)真係冇咩嘢吖嘛,少少伤姐,你又唔係唔知我嘅.
-我就係中意妳咁坚强咯...
-......
呤...呤呤呤....呤呤呤呤.....
-我去开门先.
-邢均惟!你有冇搞错啊!打你电话又唔听!你带咗诗甜去边吖!!!
我听倒Azo把声,即刻望过去!
古唔倒Azo揾到上离邢均惟屋K.佢仲係成身都湿晒,有D狼狈,睇离应该係係学校赶离嘅
佢扶住门,喘住气,用D质问嘅眼光望住邢均惟
邢均惟另转身望住我,Azo都随住佢嘅眼光转移,望咗过离我嗰度
佢见倒我身上嗰见好阔嘅白卫衣,同玻璃茶几上嘅药箱
又望吓邢均惟
突然苦笑住,点点头话
-好啦...睇离我紧张都係多余,你帮我照顾佢啦.
讲完,佢湿透嘅背影好快离开咗我嘅视线
-啊哥!!!
我企起身嗌.但係已经太迟,佢听唔倒.
-----------------------
到咗午夜六点几,邢均惟见倒我似乎真係冇咩事,先至应承送我翻屋K
佢仲坚持要执D药水同消炎药畀我带翻屋企用,E+係个厅度执梗嘢,而我就行咗出阳台,终于忍唔住打咗个电话畀Azo
-啊妹!!?妳点啊??
-冇事喇.好翻好多喇
-Sorry吖.
-你讲咩吖?
-我捻我可能做错咗,明知妳咁,仲要妳坚持企落去.
-唔关你事架,係我自己要企之嘛,你都讲得岩嘅.我唔企嘅话唔单止自己衰,仲会累到啊细都畀人退学架.
-妳E+係边吖?
-仲係师兄屋K,佢一阵送我翻去
-都好嘅,有佢睇住妳.
-其实......我更加想今日抱我走嗰个係你...
-.......
-呃......唔,我翻屋K喇.
-哦,bye bye
-bye bye.
....
-诗甜!!!!?
-吓?
-我想见妳啊!!
-....吓...?
-我好想见妳啊!!!