Love@A,B——懒闲咖啡日记
Love@A——懒闲咖啡日记“我已经决定左去日本。听日就走。”Amanda企系门口，对住我讲。但系巨对眼，无望我。其实，讲真，我吾觉得巨有需要对我交代。直到今日，我地相识已经三年，但系，巨吾系我的边个，我更加吾系巨的边个。真系好好笑。我地相识的时候，巨岩失恋，我果时就系苦恋，好自然，见面之后就甘嗒着。巨靓。靓得好离谱果种。我系个广告创意人，拍片拣model的时候真系见到吾少靓女，但系，好似Amanda甘靓的真系model都少有。
见面的二十四个钟之内，我就用自己的身体去丈量过巨的身材。一样甘完美。巨知道我有女朋友。所以我知道，巨系我颈上留的吻痕系故意的。尼个吻痕，将我同前女友的关系急速推向分手。相反的系，尼个吻痕，亦无将我同Amanda推埋一齐。好奇怪呵？三年来，两个人就系见面的第一次，然后，连手都无再拖过。虽然，第一次结束之后的果个早上，Amanda讲过，叫我同巨一齐。而我都拒绝得好坦白。果时我知道Amanda好嬲，因为我要求来多一次的时候，巨拒绝，哪怕我已经就来要[color=red]内容敏感被屏蔽[/color]巨，巨都死拒绝。可能，我的第一次拒绝就系我地无一齐的理由，巨抗拒我的尼次就系我地无再有第二次的原因。
我知道巨提过会去日本的。具体做咩，我无问。吾系吾想知，但系作为男人，你必须知道有d咩你可以问，有d咩适合沉默。尤其情场如战场，几时进几时退，吾可以心里无数。
我放低手头本书，问巨：“我听日本来要ot的，但系送你去机场的时间仲系有的，几点机？”Amanda突然抬头，用力甘望住我对眼。果种眼神，吾知点形容，反正，令我好吾舒服。“我来讲比你知，吾系要你送我。你可吾可以比我觉得你care我？！可唔可以比我觉得你care我啊？！”
我无再望巨。吾系吾敢。只系觉得，尼个问题吾系问题，吾需要回答的。
“我有件事想你帮忙。”我已经听得出巨把声，有d震。
我望住巨对脚——因为吾知可以望巨边度——“讲啦，我会帮。”
“因为我地全家都过去日本，所以我屋企的cafe shop要顶手比人。你甘中意饮咖啡，可吾可以帮我尼个忙，接手巨落来？钱吾系问题，我知道你无，所以，算系我请你去做老板。间铺的名，随你去改。你果时吾系话想要有自己的cafe place的咩？”
“但系，我有工……”“尼个吾系理由，我吾想听，你已经答应左帮我的，你系吾系要反口？”“……”
对住女人，我永远都系心软的。而且，系Amanda一个甘样的女人。
尼间cafe shop，我去过。其实我好明白Amanda点解要我顶手。吾系，系请我去左老板先岩。
我地就系果度相识的。对于巨蟹座的人来讲，有乜野重要得过回忆。所以，我真系无办法拒绝。而且，我确实想有自己的意见cafe place。
“打工请人都有个试用期啦，不如我煮杯咖啡比你饮，如果你觉得好饮的，我地就成交。如果你觉得吾掂的，甘我听日就继续返去公司ot，尼个忙，我都唔会帮啦。”“你吾觉得自己多余的咩，如果要试味就可以免啦，印象中你之前半杯咖啡都未煮过，可能会好饮咩？你要拒绝就直接d啊，吾使甘样讲嘎。”“ok，ok，其实系我想你做尼个cafe place的第一个顾客，我想将我的第一次比你，甘样讲请问Amanda姐姐是否接受呢？”
今日，总算见到Amanda笑啦。巨笑的时候，真系好靓，不自觉，我又断片啦……
由我屋企打车去cafe shop，都吾使几耐。其实就算行过去都吾使半个钟，所以打车过去真系好快就到的。但系我真系好希望个司机会兜路。因为，好少同Amanda坐得甘近。我好中意巨身上淡淡的Gucci Envy。虽然，我知道我身上的Gio会同巨的Envy撞得好犀利，但系，我enjoy，因为两只味，都系我自己选的……
好快，落车，来到cafe place。吾大，十几个位，简朴的欧式设计，大体上我满意，当然，好多detail位我会执执巨。不过尼个其实都吾系现实的重点啦，我要尽快补课学煮咖啡先系最严峻的问题。宜家，我就企系咖啡机前面，为一个女人煮我人生第一杯咖啡。
到底有几鸡手鸭脚，吾形容啦。反正，成个过程我就只系记得，我系counter的时候，Amanda一直都系望住我，定定甘。
当我放低杯咖啡系Amanda面前的时候，巨第二次笑啦：“乜你甘嘎，自己中意饮Cappuccino，就连第一次煮比人地饮的都系Cappuccino，而且按你自己的讲法，你睇你几无诚意啊，就系甘撩个nick字上去，真系啊。”我地第一次果晚的灯光，同宜家真系好似。灯光唔够的时候，猪扒可以变女神。但系Amanda本来就系女神，灯光唔够只会引人犯罪。有冲动，好多好多的冲动，但系，系尼个special moment，我只系想巨能够慢慢饮尼杯咖啡。
巨用个羹慢慢甘食表面的奶泡——系我教巨甘样饮Cappuccino的，好细路，但系，甘样饮自觉最正宗——然后，巨用羹搅左几下，无落糖就甘饮——因为，我都从来唔会再另外加糖。
“你吾系好怕苦的咩？”“你平时都吾落啦，想试下你平时饮的系乜野味道。”“甘你饮到系乜野味道呢？”“秘密。”Amanda放低个杯，企左起身。“尼度系你嘎啦，你打算同巨起个乜野名呢？”“嗯，就叫懒闲咖啡咯。”Amanda今晚第三次笑啦，而且仲笑得好大声，好开心：“真系似晒你啊，哈哈，甘ok啦，我会记住尼个懒闲咖啡的。”
我都回返个笑容，无再讲其他。
其实，Amanda，我更加希望你记得，Cappuccino，就系我心目中的你。得意的奶泡，好多的牛奶，清淡的咖啡，连饮法都坚持住一种细路甘的任性。我系个细路。你都系…… PARTB，就睇下你地噶反映如何先发啦~！！！ 暫塒無咩吣機看娿。..!!!!!!!!!!!!!! *嘻嘻.
*5錯5錯.
*繼續發.
*支持.~~~~~~ Love@B——懒闲咖啡日记
Amanda走左。我无送巨机。因为我就甘趴系懒闲咖啡里面训到着晒。尼一个last night，我地乜都无做过。成晚都系度不停甘煮cappuccino，不停甘系每一杯cappuccino的奶泡上面乱撩乱画。印象中乜都撩过，唯独有d大家都知道的字眼或者符号，重来未出现过。或者我真系饮得太多咖啡，多到，咖啡吾再有提神的作用，就甘趴系度训着左。Amanda几时走，我吾知。但系，巨留系小小空间里面的混和左咖啡香味的envy香水令我肯定我吾系发梦。
睇下个钟，Amanda应该已经离开左尼个国度啦。不过，我都吾系觉得好down。甘讲啦，感觉，好似我同巨有左一个爱情结晶甘，好安心。安心到，我根本都懒得去稳巨可能留比我的message，就甘洗洗个面就行左出懒闲咖啡。今日，好多野要做。准确讲，未来的一个月，好多野做。
首先，返公司辞职——我当然知道公司唔会放人的，所以就要左三个月的悠长假期，带薪果只喔，真系理想啊，哈哈哈哈——尼个系我计算之内，三个月，足够我知道到底系坚持落去定系返去继续做廉价文工；然后，去银行提晒全副身家出来——吾好听我讲得甘巴闭，其实连20k都吾够……做野成六七年啦阴功……再跟住，就系去吾同的cafe shop！无错，偷师啊，嘻嘻，既然乜都吾识，梗系自己去饮去试最实际。比一个月时间自己咯，每日都去试，然后每晚都返去练。
讲真，我自己真系好清楚，单凭我尼一个月的恶补，好难煮到令人满意的咖啡的。不过我好sure我可以做落去，因为从答应Amanda做尼件事开始，我就已经知道我吾系卖咖啡的。肯定有人话，废话，cofe shop都系卖情调卖taste卖feeling的诸如此类。我都唔怕坦白讲，我甘样做，一样系衰。我自己的idea，未必可以保证懒闲咖啡做到落去。但系，又讲返转头，我本来就无当巨系盘生意。
简直比我返工仲忙的状态中，过左一个月。即系，懒闲咖啡都真系就甘样懒闲左一个月。总算，基本的咖啡都识煮啦，仲有d玩下花式的都识啦。钱都洗得差吾多啦，添置小小摆设，入多次咖啡豆保证安全库存，就到最后一件事啦：请人。
我只系系懒闲的门口小公告牌旁边贴左张纸：急聘服务生。但系，似乎我真系高估左d人对尼个地方的感觉，我晚晚系度恶补，真系难得撞个人入来。撞入来的见到得我一个麻甩佬系度围住部咖啡机鸡毛乱飞甘，基本都系即刻掉头走。虽然我已经准备好巨开声问的时候就潇洒答句“休业中”，但系连讲都吾使讲多少都令我有d泄气的。
难得今晚，门口个风铃又响起清脆的铃音。我都懒得抬头，费时搞到自己甘无face，直接开声先：“吾好意思啊，休业中喔。”“请问……系吾系请人啊？”嗯？居然有人来interview？？？我马上从counter后面转左出来。
一个好后生的短发大眼女仔企系门口，有d尴尬有d怕丑甘，不过，巨对眼，令我印象好深刻：好有神采，好清澈，系淡淡的灯光下面，对眼好似一对流星，好靓——单系尼对眼，就已经值得同巨倾倾。男仔睇女仔，吾系睇样就系睇胸，所以就经常犯错误。宜家我要为我盘生意请个人，梗系要睇清楚啦，睇眼最实际啦，而且尼个女仔都吾丑，中偏上甘啦。
我招呼个女仔坐低，叫巨介绍下自己的情况：巨叫Bonny，21岁，之前未做过野，有丰富的住家煮咖啡经验。尼d point都好普通，我觉得好关键的point系：“点解会想来尼度做野的？我地尼度可能只有你一个waitress嘎咋，好难懒闲喔，呵呵。”“我要养大我的bb。”讲真，自问，情情爱爱的尼d大场面，之前真系见吾少啦，但系一个甘后生的女仔居然话要自己养大巨的bb，我真系多少有d断片。“哦……甘样，后面的野似乎我吾系太适合问啦。你识煮乜野咖啡呢？”“要吾要我宜家试一下呢？我以前系屋企经常……经常……煮比我男朋友饮的。”“哦……其实，你宜家能够煮的咖啡，同你之前系屋企煮比你男朋友饮的咖啡，已经系完全吾同味道嘎啦，你知吾知？”Bonny似乎有d吾系好明，对眼瞪得更加大。“每个人，系吾同的心情，即使系煮同一杯咖啡，煮出来的味道都系完全吾同的。系果d连锁咖啡店里面，追求规范化，每杯咖啡都要一样的；而对于普通的cafe shop，就系用冲调的果个人的技巧，冲调好多充满个性的咖啡比客人选择；但系，系我尼度，懒闲咖啡，我无任何选择比客人拣，我果时果刻的心情，就系巨地唯一的选择。”
Bonny完全断片……“好啦，吾好讲到甘复杂，试一次就知道啦。我地就用最简单的Expresso做你的试用啦。你宜家就当我系入左来的一个普通客人，麻烦你宜家去煮杯Expresso比我，吾该。”Bonny仲系多少有d不解甘的样，但系都好快手甘去左煮咖啡啦。听住巨系counter后面忙碌的声，我真系有好多关于巨的疑问。不过，尼d系人地的隐私，巨吾讲我就无乜应该问。而且，我有信心系尼杯咖啡里面知道好多答案的。
好快，闻到咖啡香啦，果然系熟手啊，可能比我仲要熟……一杯冒住热气的Expresso放左系我面前。“你自己饮左巨啦。”“啊？吾系老板你饮咩？”“吾饮都大概知道咩味道啦，肯定苦到飞起，吾信你自己试下啦。”“……”Bonny轻轻饮左一淡，睇巨个样，苦到好似饮凉茶。“点解比我平时煮的苦甘多的？吾好意思，我煮过一次啊。”我用手将Bonny按返系张凳上面。“Expresso本来就好苦嘎啦，只不过，宜家的你煮出来的特别苦甘姐。原因好简单的，你头先磨咖啡豆磨左好耐，肯定将d咖啡粉磨得太细啦，你睇下，杯咖啡表面的油剂几黑，明显系萃取过度，所以先搞到甘苦。”“对吾住啊，吾好意思，真系吾好意思……”Bonny一直系度道歉，睇巨甘紧张的样，真系反而搞到我有d吾好意思“吾使甘紧张。其实我无非想话比你知，尼杯Expresso就系你尼一刻的心情。我地尼度卖比客的，就系要尼种甘特别的心情。可能对于大部分识饮咖啡的人来讲，你煮的尼杯Expresso垃圾不如。但系对于某d人来讲，尼杯Expresso就系巨的知己。例如，我知道你的一d私事，了解到一种好特别的苦涩，所以，尼杯Expresso系尼一刻比我的味道，就系我想要的味道，明无？”
Bonny仲系摇头。不过我都吾打算要巨明白d乜野。我自己的尼个point我自己都吾系好明。但系我就系隐约觉得，既然我自己buy尼种甘特别的卖心情的咖啡，尼个世界肯定都唔会少有尼种傻傻地的人。点都好，按常规做，无得做，甘不如按我自己觉得特别的方式做好过啦。
“好啦，你听日就过来上班，三日之后懒闲咖啡就要开嘎啦。”“啊？！你请我？”Bonny好惊喜，惊喜到几乎想喊甘。讲真，住家煮咖啡的经验，对间店的出品系无任何提升作用的，顶多吾使我甘忙的姐。我请Bonny，无非就系三个原因，一系巨对眼我好中意，二系巨有个甘紧要的理由，我甘心软一个人真系无办法拒绝，三系，我真系无乜信心我自己甘的水平可以请到一个比Bonny更专业的服务生。
送到巨去门口的时候，我补充左句：“系啦，记得留长返你的头发，我吾中意短发女仔的，吾想日夜对住系个短发的，记得啊。”Bonny笑笑，跟住就走左啦。年轻的步伐，仲系甘轻快，头先果杯Expresso的甘香，我已经饮到啦。
回头望下，懒闲咖啡四个字就系招牌，好似多少有d空虚。于是，将果张招人的小广告反转，写上“卖心情”三个字，贴埋上去。“Amanda见到，吾知会晤会真系比我激死呢，呵呵。”我都话咯，我系个细路，你都细个细路，尼个懒闲咖啡，就系我地两个细路的细路……
——to be continue—— 狠好睇吖。之後呢
页:
[1]