追女仔故仔系列--北京路专卖店!
我叫啊KEN,我既生活就系每日拼命三郎甘做,,夜晚就疯狂甘去蒲,成班损友玩到好癫,虽然去蒲会识到好多女仔,但我知道自己系放唔到感情落去的...所以,我都系相信缘份可遇不可求......今年行花街第一日,我落班,又约唔到人,好闷,一个人行左去北京路想衬下热闹,但真系好鬼多人!无奈我就行入某间专卖店系甘易睇下衫,睇岩左件(MODEL身上既衫),我稳唔到件衫放响边,.但又无SALES得闲招呼我(呢晚生意好好),终于有个女SALES行过来啦!
她帮我稳果件衫,点知稳极都稳唔到,我话甘算啦,我要MODEL身上果件,她话甘唔好既,先生你等等我一定稳到比你,于是她入左仓去稳,等左一阵,她终于拿左件衫出来啦,点知行到半路比个店长叫住要她去收银,我话你顺便帮我拿去前台啦,她话唔好意思啊你等等,因为好鬼多人排队埋单,于是我坐左响张凳度等,她收下银,又望下我,笑笑,我地眼望望,我开始留意呢个女仔,她都几可爱架,她脸圆圆,眼大大,搽左少少眼影, 唔笑果时似个公仔甘,觉得她D头发好似芭比里面既公主造型甘,有个客买既衫可能部机度唔知道价钱挂,她要稳个好似叫"christine"既同事问,她系甘叫"叮叮,叮叮啊!"但果个同事好似听唔到喔~!个客又催...
"叮厶鬼吖,出前一叮都比你叮到无水拉!姐姐仔,你好唔掂喔!"个男拖住条女,把口特别衰.
她急啦,又行唔开,个样好无辜噢......(有D心疼添)
帮她稳左个同事来,终于到我埋单啦,她好细心甘将件衫折好,放左落个袋度,我伸手去拿,她唔放手,我呆左...
"先生,我将张小票放落个袋度!"望望我,她笑啦......
啊!莫非她写左自己电话比我?~!!!
冲出人堆,飞快甘攞左张小票出来一睇,咩都无...拎转头,她又望住我笑啦!...傻仔啊!
呢一次系我第一次见她...
过年果段时间,我个心都唔响我度,我心思思想去识果个女仔......
2月28日:约左个损友出来倾计,讲到我想识果个女仔,朋友就教我:递张纸仔问她拿电话,然后问她有无呢款衫?如果有就写反比我,哗!写纸仔?甘鬼老土既旧桥,仲边有人用?......好!我去试下先
3月1日,一早就写好左张纸仔,内容大概系"觉得你好得意,甘可爱既女仔我点可以唔识,想同你做个朋友仔"(我改过几次,好似写稿)呢一晚行去北京路她间铺果阵,个心卟卟甘跳好紧张,拿住张纸仔,觉得自己好似做紧无间道线人甘样....
一路上我谂紧她收左张纸仔之后会有咩反应:
1.随手丢左落地,话无呢款喔------好鬼绝啊!
2."阿边个同事,你帮我招呼呢位客人啦"-------高招兼无面比
3."我地无喔,你去其他店睇下啦"-------.......
4.扮唔知,将纸揸埋一旧,吃左------哗!唔系挂!
总之,我无谂过会顺利PASS......
3月1日晚:心口得个"勇"字,諗都無諗就行左入去她間店,但唔見她喔...好失望,可能無緣份..都系走啦......一擰轉頭.見到她一個同事望住我笑,又望住另一邊(之前成日借D易去她间店及她,她個女同事認得我噢!)我望過去,就見到她抱住一堆衫行左出來啦!surprise!!!好鬼突然!噢...喔...点算.......傻更更行左過去她面前,,她抱住堆衫,望到我啦,望住我啦!...她d眼神好似知到我系來穩她既...
"Hi~!你認唔認得我啊..."
"吓...認得...唔..咩事..."
"我...我有幾只款既衫想你帮我稳下,有既话写返比我好无阿?"递左張纸仔比她
"哦..." 她收左張纸仔...
"吓------"她個頭DUM低左一陣,望到我写D野...
又用D好迷惘既眼神望住我..."......"
(*_*)系窝...人地返紧工架,唔好阻住人地做野...
"寫左比你啦,我走啦,bye-bye!"
"噢......"她有D不知所措甘一直望住我离开...
行左出去,先記得無問到她既電話，好蠢啊!~~!!!~~*_*
3月1日晚:
她當時系著住一件黃色格仔T恤。扎住条辫仔，搽左好浅既粉底，抹左蓝色既眼影,她有长长既眼捷毛!...
反緊屋企既時候就系度諗她會唔會复我...觉得做专卖店既女仔都应该好open下,不過她會系一個點樣既人呢,她D性格系點样?系一个简单专一既女仔定系一个玩弄感情既蒲女?又或者系...gay,唔會挂!?----系點樣我都唔介意！
反到屋企,训悟着,...听MP3...XBF...fiona既歌...又望望时间：十一点几啦,55555衰左啦...人地都唔想識我...唔好諗啦......正系我down緊既時候...手机有信息喔:
"你好,我系ViVi!!你今日同我講咩啊?唔好意思,今日悟舒服，完全听悟到你讲咩啊..."
系她,系她啊!系她发短信比我啦!依家mp3只歌系糖不甩，fiona...fiona...突然好鐘意fiona!
3月1日既晚上...
ViVi:"系啦我同事話你上次來穩我同Yuki既?我地都無上班!"
Me:"Yuki系煙幕來咋,其實只系想識你...你可愛D"
(Yuki系ViVi另一個同事,只系傾過幾句,唔熟，Yuki几靚女架,果种類型應多几多男仔追...我鐘意ViVi)
ViVi:" 我同Yuki好F架!梗系一樣甘得啦!系啦!Yuki話有幾次都系北京路見到你喔"
Me:"系咩...記唔記得第一次見你果陣,我排左好耐隊先埋到單啊,果陣你好似差D收少錢喔,"
ViVi:"系咩?哈哈哈哈哈哈!個情形系點架"
Me:"你咯,系甘吶叮叮,叮叮,我前邊個男就話,叮咩野啊,叮极都無人應"
......記得果晚就系甘樣同ViVi互發手訊......手機都玩到無晒電......
三月2...公司好多野做
三月3-4,公司春茗,比老细片低左,然后又断片...已经唔记得系边度训醒
三月五
好想见下ViVi,中午既吃饭时间,打的去北京路!但唔见她返工啊,好失望!慌失失甘转左个圈,想走果阵又拧转头望下ViVi有无出现,个头拧返过来果时,见到YUKI企左响我面前! (Yuki系ViVi个同事兼F,几靓女架),
YUKI望住我,我又望住YUKI!
"你系YUKI?你好...HI"明知故问!又唔知讲厶好...
"你稳ViVi啊?距返夜班,一个钟后会返来架啦!"讲完YUKI,miu住个嘴,侧住个头望我,甘岩呢个时候,她D头发dum左落来,遮住她半边脸 (系得喔,好多男仔沟你啦!)
...一个钟后?!我要返工啦...唯有夜晚再来啦,
收工!去北京路,行行行~~无无聊行兜左几粒钟,等ViVi差唔多落班时间就行入去稳她,
"HIHI,你来左啊,"ViVi真系夜班喔!YUKI落左班了.
"无啊,岩收工,咪来帮衬下你咯" ......
"收工啦,无货卖啦!"
"你有无节目啊??"
"要返屋企啊!我好眼训噢"
"甘我送你返去吖"
"吓~!?哦...你送我去车站就得架啦..."
哗,我太直接啦,甘快话要送人返屋企...
时间过得好快啊,一路上讲下笑下,就到左车站了!
"系啦,你住边架?"
"唔话你知!"话甘快,她部车到站咯!
ViVi要上车啦,她行左几步又拧转身同我讲:
"下次你送我返屋企果阵,咪知咯!"
啊......
ViVi响部车度挥手同我讲BYE BYE噢...
望住部车,挥手,傻笑,
离开个车站既时候,仲傻笑ING...
傻仔......竟然无望真ViVi系上边部车走既...... 三月六
Part 1:罗密欧!?西门庆!?
迎宾对面上二楼果间餐厅内:
KEN(唔冼讲了)
H君:损友之一,蒲场花心大少既后起之秀,未算得上大师级,但识女仔经验胜在够丰富,连捞妹都沟唔少,已经超越左我!
C君:斋佬一名,去蒲玩到磨烂席都沟唔到女,唯一既长处系......
我地台对面系班学生妹,听到有个女仔话:"朱丽叶话一阵来"
C君望住我:"喂,ken ken,朱丽叶喔!"
我:"有代沟架,你甘留意人地妹妹仔做厶"
"朱丽叶"来左,哗,好得...
C君只系及左一眼::"叼,她都叫朱丽叶,甘我咪罗密欧"
呢个时候:一直唔出声既H君讲左距最经典既果句台词:
"呢个世界甘多潘金莲,我宁肯愿做西门庆,都唔做罗密欧啊!"
我:"甘又系,潘金莲又靓又姣,西门庆风流多情,罗密欧甘专一,到头来都系为朱小姐,瓜左!
"但西门庆后来比武松打死左喔!!!"
"依家仲边有武松啊!傻仔KEN"
甘~~又~~系~!!! part 2 :D女
吃完饭,H君建议去唱K,甘就去附近果间Xway!
由中六地铁站附近开始,H君不停甘打电话约女......
唔系唔接就CUT线,有D仲停埋机。.........
ViVi,我好想约你，你，返紧工吗？
带左距地去ViVi间专卖店，ViVi埋紧单，她见到我啦，但个样好似好愕然，个嘴郁左下，想讲野，又唔想讲甘，个头DUM低左......ViVi抬返起头果时我见到她既表情好苦,我唔识得点样形容...
一个男仔从我身边行过，我有留意到，距好刻意甘望下我，距，好似都系店员
算啦,她返紧工,我仲要带左两个男来......
"果条女......"H君手指指....
"走啦走啦,无阻人地做野"一手拉一个,两条麻粒佬比我拖走左......
到喇,我地三条男人包左间MINI房.开拖.
"ken ken,我今晚要片低你!"乱讲野既C君
"系咪想同老细萝假?"(比我片低左,第日反唔到工)
H君呢?望下距,仲玩紧手机......叼
同C君撕杀得昏天暗地既时候,H君电话响,距出左去...
返来既时候多左个女仔......
着左件类似私家侦探甘既外套,头发无染但拉直左.
化左妆,20--22甘既样,个样但仲有D似妹妹仔未大透,貌似几得甘喔,
H君介绍,但知道既系她个花名...先叫距D女
我望住距...喂!搞咩啊衰仔
距低头,双手掩面... 我好无奈
H君一坐低,就同C君密计,D女就坐左响我同H君既中间.
凭我同H君多年互片既经验我知道,有阴谋!
密计完,H君拉左C君去厕所.
......
我问D女:"你,H君个F?"
"系啊,系距旧爱啊"
.............................
过左好耐,两条死仔返返来了,继续片!
K歌,酒,色钟,男人大哎,女仔笑......
"靓仔,我要同你倾计!"唔知几时,D女挨左埋来我旁边,我好鬼唔自然!
D女自己点左支,拿左一支,放左落我口度,点着左
D女果种既系一种带橙味既...
唔记得倾左D厶,有野无野吹一大轮......
"喂喂喂!我要唱呢只啊!帮我点吖靓仔"D女双手已经箍住我只手了...
"我同你合唱吖!"
D女个头仲挨埋落我脖头度,但就望住H君果边...
我知道,D女甘做,貌似稳我来激H君......
H君目无表情,更加当做咩都睇唔到,令我觉得距想将D女推比我"照顾"......
哎...贱人H.
D女更加痴我...
"我都未知你叫咩名,你好似好怕羞喔"
呢种情况,我系唔知点做好!
然后...
C君同H君唱紧"劲歌金曲"......
我就同D女系另一边色钟紧,我有D刻意甘同D女保持距离.
女仔热情...男仔冷漠...HDK
D女,何必甘做呢...
H君,何必甘无情呢...
D女初初系稳我过桥,后来好似对我产生左兴趣,完全唔理H君.
我...越系同D女玩得忘我,就越想住ViVi...
点解,点解ViVi头先见到我果时表情甘苦,她系咪唔开心,仲有,果个男仔望我既眼神...
好挂住ViVi,好挂住距!恨不得即刻跑去她间店度稳距!
我要见ViVi~!!!
"唔玩住啦!我要出去一阵!"
"你去边啊?我同你一齐去啦"D女要跟埋来
"我...我去买烟!"
落到楼下...
"你买咩烟啊"
"520,你帮我稳下好无?"
"哦..."
见D女行左去烟档,我就即刻跑左去北京路果个方向......
Part 3:HDVD
就系Xway到ViVi间店既距离，我煲左两支...夜晚既北京路,好朦胧...广百顶楼既灯光...好迷幻...
点解呢种感觉甘似以前？！以前...
知道自己开始断片既时候...仲谂紧果时识既女仔，她个样，她所讲过既野...头好WING，周围既野转啊，转啊...我系咪醉左？
我有无醉？我无醉架系咪！好多...好多个谂法响我个脑里面乱转......
ViVi...你系一个点样既人？
......
ViVi,做我GF，好唔好？ PART 3：疑 问
带住对ViVi既好多疑问，我好想知道答案,当我去到她间专卖店时，
ViVi系度发紧呆,我好小心甘走埋去ViVi身边...
“你今日做咩无晒心机甘既？”
"......"
ViVi DUM低左个头...miu住个嘴。
“好DOWN啊...唔开心啊..."ViVi讲得好细声，好细声,轻轻抬高左个头望下我...然后又DUM低左个头...折衫......
我企左去ViVi旁边,同她一齐玩折衫......
“ViVi兄，嘻嘻!”一个女仔响我面前飘过，貌似又是她同事...
"你傻左咩！" ViVi抢左我折紧果件衫，自己折...
"甘你讲我知，为咩唔开心呢？ViVi..."
"哦...散左咯~!"
（我有机会啦?）
"我琴日短你,你又唔复我..."
"甘就算其它人稳我,我都无心情复架啦..."
ViVi哩左去一个少人见位置（MODEL后面），望望我,又继续(扮)折衫...
收到...当然系哩埋过去?...
"甘你唔开心系为左男仔定系女仔啊？"
“你无野丫嘛,梗系为男仔啦!”
"你又唔复我,甘快唔睬我拉?"
“甘我同紧条仔一齐点复你啊！"
"唔系散左咩?"
"散左果个系出面既,仲有一个...系店里面既..."好细声既ViVi
OH...我都好DOWN.....好迷....
。。。。。。
"你店里条仔系咪果个啊"就系头先望我果个男仔
“唔系！系另外一个...”
"甘距系咪LIKE你架"
ViVi无出声...
哎~？OH!...WHY??啊...
有客,ViVi走左过去...
我呆左一阵，先记返起,果次又走来ViVi间店,见唔到ViVi,就问她个女同事
她果种会意既表情,就好似:呵呵,ViVi又有男仔稳你了。
ViVi有BF,我一早预左既...
但有2个，或者3个，我又真系估唔到...
系咪真架!?
“ViVi,ViVi...”
"吓，咩啊？"
"其实我都唔差架,你稳悟到人陪你果阵，咪稳下我咯"
“哦...到时先算啦...”
“甘我打电话比你”
"发短讯比我啦...我手机接电话要钱,发短讯吾洗钱啊！"
我漫无目的甘在北京路游荡，不知不觉又行入龙藏街,为左等ViVi落班，在士多煲烟既地方.....
终于识到ViVi之后，以为会有一个好既开始...
"其实我都唔差架,你稳悟到人陪你果阵，咪稳下我咯"......点解我讲出D甘轻挑既说话
...D女果种烟...橙味好甜，但夹住烟味,又变得好苦...
自从见到ViVi之后,就成日流连在呢条路，北京路，从前麻木地经过好多次，但从来无依家对我甘吸引过，之前既果种期待，行入ViVi间店想见下她，但悟见她返工,在北京路游荡几粒钟，都系悟见她返工...终于识到ViVi之后，以为有一个好既开始...但到此为止啦,如果我决定放弃的话......ViVi可能有几个BF，或者好多追求者...依家18-21左右既女他仔,系咪多数都甘样呢？同时拖住几条仔？我表妹一拖几,几时唔钟意果个咯,咪讲分手咯,不过，有时都会比男仔先讲分手，但有甘多选择，她唔会好伤......
初中, 第一个女朋友,她一拖二,我去等她落课,我一直暗恋果个女仔(知道我钟意她)行出来,见到我，望一望我,唔出声，DUM低头行开左,她应该知我等紧边个，当时悟在乎，后来真系后悔到傻，因为我钟意既系她,而唔钟意距地班果个女...直到初三,上学期我放学唔记得拎书包,她来我地班补习,坐左我个位,我返到去唔见,她问我"你稳咩啊",然后她眼定定望实我几秒...再将我要稳既野比返我...
第二日,我唔见她,问人先知道,她已经移民去左香港...
游魂左一阵,先记得返去唱K果度...
"靓仔,我返来啦!!!"扮到好HAPPY甘...其实心里面系思乐冰加芝华士...
"喂,你去左边啊!!!头先又撇甩我!"
"哦...见到条友阿嘛...距争我数,咪稳距咯"
"自队三杯先批准你讲野！"
队咪队咯...队左...
"你甘乖既，距地都无叫你队"
2 MAN一边偷笑......
玩我,！哼，队返你，捉住D女狂玩色盅...直到我地几个都有D醉意...
散场咯...！
"有缘再见啦靓女"
＂下次悟比撇甩我架＂D女对我讲，望一望Ｈ君，好似话中有话．．．
我问D女拿电话,她拿左手机出来,她手机里面,有她同依家BF张相...
OH...女仔...你心里面，到底念边个?
“我要去我老婆度，一阵你送她返屋企”H君对我讲
你你你，呢个贱人（吕奇把声）
"帮你映返张相啦,凈系影你咋,"D女同H君讲，H君好快摆好左POSS
“KEN,望过来丫！”......闪
H君要去他条女度 我个心响ViVi度，我想去她个车站...结果，Ｃ君送D女......
越来越唔明白女仔的心...女仔...你心里面，到底念边个?
呢一晚，唔知点解，在返屋企既途中．．．我带住耳机，打开手机
既MP3,
重复听住Fiona只歌,
XBF......
没有说过第一个是你
但我最怕下一个是你
但这秒我正式得不到你
。。。。。。
若碰上你是一个运气
大概我已用光了运气 未完待续.......... mg48: ..
快D齣喇..
mg19: 几好睇啊，几时又有啊———— 有啦有啦~~ 不过系悲剧哦~~ 剩下的３月
剩低落来既３月...我每日都发一条信息比ViVi...
“落好大雨喔,有无帶遮啊?无既话我会拎比你,几夜都会...”
" 好想你第一个稳既人系我,"
"你记唔得啊?我第一次见到你既時候..."
"好耐无见你拉，系咪以为我放弃啦？其实我一直好挂住你咯..."
但ViVi都无复我...三月就甘样結束左.....
四 月
Go on ,Go on ......将呢段日子所有零碎既记忆拼埋一齐，再写埋出來,真系唔容易．．．
直到有一日,D朋友約左我去海猪广场附近某间CLUB度蒲,有女仔去,但距地只会约自己一早睇岩既目标
问我约唔约到女仔,Er...试下约ViVi咯...试下咋...
"ViVi啊,我同朋友听晚去玩，想约埋你，可以带多个女仔來架,到時我來接你啦,好吾好？"
算啦，当系比返D希望自己，但今次ViVi复左我喔!
"吓?...我睇下听日我上咩班先啦,不过可能吾去啦，我男朋友悟钟意我出去玩啊！"
点都好...复多条短信，发埋时间，地点...
到左果晚,ViVi都无复我...
"我真系好想你來架,无论你来吾来...我都留返个位比你..."又发左一条...
全部人到齐晒，ViVi都系无来......
"KEN哥仔,你D女无来啊，唔冼甘愁喔,我介绍女仔比你识" 哎......
ViVi无来,好唔开心啊...系甘想队霖自己...饮...
手机响左...肯定系边条斋佬打来问我响边，有无女....叼...
"喂喂!系咪阿KEN阿?我系ViVi啊,我同个朋友系楼下!"
"哦哦!我即刻落來！"
ViVi~!!!日思夜想既ViVi...突然间出现左！！！
“我以为你吾来拉...”
"你唔系好想见到我咩？"她帶左Yuki來...
ViVi来左拉，但我已经有D wing wing 地...
“你吾洗陪你男朋友咩？”
“咩啊，我想出来玩啊嘛！！！”
介绍完之后，就简好左PARTER,当然我会痴住ViVi...Yuki呢？...Yuki好受欢迎哦...有几个男仔都想撩她...
玩左一阵,Yuki手机系甘响，她无接...
"依,KEN哥!甘靚仔啊今晚"
有个男坐左响我身边，吾熟，见过两三次...
"你系？哦，啊边个的D朋友？上次我地见过?"
"KEN哥,你身边条女...你得手未架?"
"你想点？"
"讲真，你悟得的话，比我上，OK？"
.........
"出得來玩,就当我争你既，我介绍条索女比你识"
我点会吾知他想点？见我同ViVi坐得甘近，但又好似吾系LOVER...呢D人先系拆墙高手...
个男借住D醉意，好厚面皮甘坐埋ViVi隔离，要同ViVi玩...
他好Q贱!!!cheap佬!!!
ViVi答紧他既时候......
"ViVi...你今晚吾陪我，我会好闷咖，你吾会吾睬我架系咪？"
"好啦好啦,陪你玩啦!"ViVi即刻转返来我呢边，无理到果条男人了
如果依家ViVi系我GF,甘几好呢.....
卡里面既灯光，好暧昧...我要睇真D ViVi...
ViVi今日既打扮：好casual,她着左件深蓝色圆领短袖，里面好似系一件粉红色长袖，一条浅蓝色牛仔裤...
今日她无扎辩仔，留住依家好兴果种前边剪齐阴，染左啡色既卷发,好长...偏瘦既ViVi脸圆圆，眼大大,
（事实上真系甘喔）搽左暗蓝色既眼影...,..
"比次机会我拉，好无啊？"
口疾疾...都唔知自己讲紧乜！一直想讲既野，到左有机会讲既时候，忘记晒...
望住ViVi吾出声...
"唔知啊，吾识讲啊!"
唔理,咩都唔理...揽住左ViVi...
越痴越埋...KISS...ViVi咪埋左双眼......
唔理隔离D人点吵都好，我同ViVi好似身在另外一個世界......
吾知过左几耐...就甘样挨住ViVi就好了...训左落她又长又卷既头发里面...ViVi...我已经醉左啦？
她会悟会以为我真系醉到训着左?唔好意思叫醒我,比我一直挨住 ......
"得米啦?KEN哥"头先果条友靠过来细细声问，我无理到距....
我得到左啦？我吾觉得...因为ViVi就甘样五出声比我揽住，我反而有一种失落感...
揽住ViVi既時候，我见到Yuki同几个男仔玩紧，她有D面红红，系米饮多左？其他人呢...各自努力紧一早睇岩既目标...
出来玩，系咪一定要灌醉人地,先可以得到自己鐘意既女仔,又或者,女仔在自己半醉半醒既時候，先会比机会男仔？
但我知,ViVi無醉,她甚至无点饮过酒......
Yuki又要饮了,她已经饮悟少了,因为我痴住ViVi,分开左距地,我......望到果几个男既淫笑?我觉得是淫笑...我一手抢左Yuki杯酒......
"Yuki你陪ViVi啦！等我同距地劈过！"
一人为情所困，內心迷乱既時候，又饮左好多酒，望住飘散既烟圈，感觉好似...
我醉左，我知我系醉左，我自已拿來既......又散场啦系咪?
"喂．KEN,我同ViVi走架啦，你得唔得啊?"
"我...我送你地... " 我望住ViVi...
"做咩啊?"
"想你陪我耐D咯”我拖住ViVi只手，ViVi无反抗......
"唔冼喇...你今晚饮甘多，下次发短讯比我啦，我咪出来陪你咯 "
我坚持，ViVi无话唔比．．．
落楼梯既時候，我拖住ViVi只手唔放，大家都唔出声，
Yuki好识做甘行左去前面...
...我,我想讲咩啊!?,我根本讲唔出任何说话!!!
ViVi手机响，她望左望,无接...
就快行完呢段楼梯了...
“ken啊...唔好甘啦...”ViVi低住个头, 讲得好细声...
最后一級楼梯......我松开左ViVi只手...
ViVi好小心甘，將自己只手抽走左
(原來甘就系放手既感觉，好无奈)
对面马路度企住一個高高地既男仔，望紧过來...
Yuki，她好醒目,即刻转身行返过来,双手Ku住我只手．．．
ViVi行左过去...
ViVi其中一個BF?定系...
他系咩样，唔重要...
"喂Yuki!"
"点啊!"
"今晚有人送啦,甘我地走先咯"
”哦，Yuki我走啦，ByeBye!”
送ViVi走既人唔系我...
我无得反抗，我好乖......比Yuki Ku住 ．．．拉住我走...
拖住ViVi只手既感觉仲未消失...
点解三個人都好默契...
算罢啦,我已经麻木晒...
“得喇，我都要返屋企啦，你送我”Yuki同我讲...
我唔出声......
“喂...哎,努力啦,哥哥仔,ViVi家阵又无话唔比你沟”
Yuki一只手搭落我驳头度，算系为我打气。 结局
1.YUKI
果晚送完YUKI返屋企，YUKI比左她个QQ我，之后我地都是用QQ联络，之后......ViVi同YUKI都无做果间专卖店喇,我都无再稳ViVi啦....
巧合既系,Suki无做专卖店之后,来左我间公司,即是YUKI变左我同事,但我好快就要辞职了，我间咩公司？咪又系果D烂鬼香港电讯公司咯，可以脱离火坑，我不知几开心添阿！难为Suki又要入来火坑......递左辞职信之后，在公司既最后果段日子,吃饭既时候，我都会同YUKI倾下计既，Suki好多兴趣嘎！钟意睇BAND队表演，街舞，反正依家时兴，好潮既野她之前读书果阵都有份参与，但出来做野之后就无玩啦。
呢一日，我约埋YUKI一齐吃饭,倾倾下,突然间,我好认真甘背我在YUKI个博客度睇到她写既日记,的内容：
“今日好伤心,爸爸闹我,于是我就同距嘈,之后好唔开心阿,..結果去用头撞衣柜度门,又用头撞牆...发觉撞衣柜唔痛，但撞牆就痛死!”
“下!你讲咩啊？”
“点解阿点解阿!？你点知嘎！”
“睇左，你写既日记。”
Suki谂左一阵，先记返起：
“妖，真系衰嘎，UP晒人地D鱼野出来！”
“甘你写得搞笑阿嘛！”
“系咩?好耐之前既事喇,你甘都睇到我写D野阿?哈哈?”
“系阿,你果时写D野好傻,好鬼傻！”
“妖，你偷睇人地D野!”
“你摆左上去都预左人睇架啦...”
“你系咪想追ViVi啊，我帮你约她出来喇！”YUKI忽然间问我。
“几挂住她咯，唔知她呢排点阿？”
“打电话比她喇！”
“唔好喇...”
“妖！打喇，我叫你打就系喇”
“好拉，多谢你啊！”
第二日，我打左个电话比ViVi，话想约她出来，出乎意料既系,ViVi好爽快甘应成左。
2.Kuby
我要埋最后既年假,我稳左其中一日既时间,约左之前唱K识果个D女出来倾计，因为我觉得,我既经历,多少都与她有D相似，我应该点做，
或者她可以帮到我。
呢一晚，同她约左在文明路一间吧度坐低...D女,她有个好好听既中文名,但唔方便透露,她个英文名叫KUBY。
第二次见KUBY，我地既话题当然离唔开我个朋友H君...KUBY同我讲左她同H君以前既事.......
她忘记唔到旧爱,又未能够完全接受依家个男朋友,
最记得她讲过既一句说话：
“如果你觉得捉唔住一样野，你就要学会点样去放手，放手既过程系好痛苦，但点样痛苦都要叫自己去接受。”
KUBY继续讲:
“好担心，唔知道，距到底钟唔钟意自己？根本唔知道距系度谂紧咩，唔知道距下一步会做D咩？有一日，你发觉，你身边既人，竟然系
甘陌生，到最后伤心既人,只会是你自己......到最后...我只净低一样担心...就系距几时会同我讲分手...当时，我罐醉左自己，挨左响个F度
，不停甘喊，但我在心里面同自己讲，我要忘记距......点知，再见返面之后，发觉自己都系忘记唔到他，虽然最近识左个男朋友，果晚，他
约我唱K......”
我记得喇，于是就出现左果晚在北京路唱K既情景......
我唔知讲咩好，只好望住距，用最同情，最关心既眼神望住KUBY。
“你想电我啊！？”
“妖，我关心你皆，”
“再同我饮晒距！”KUBY倒左一杯酒，要我饮晒！
“唔好啦，唔饮得啦我......”
“你上次撇哩我！我记得架！”
......饮晒！
“我依家再罚你，落去同我买包烟，要橙味果只！”
“上次咪罚左咯？”
“加倍啊，你地D男人都系甘衰架啦！”
买左烟返上来既时候，我见到KUBY响度讲紧电话，一个倾得唔系甘开心既电话......
她望一望我，做左个叫我帮她点烟既手势，我帮她点左支烟，然后就坐左系她旁边......我地挨得好埋，我只手就放在KUBY条腰后面，
随时都可以缆住她，但我无更过分既动作，但我地可以感觉到对方既体温，或者甘样，先可以增加我地之间既信任。
我知道，我地都系寂寞既人......无论依家拖住边一个只手，唔可以同钟意既人一齐，个心里面，都系寂寞。
男仔知唔知，原来女仔系甘受伤害，
我心里边想到既系......
唔好随便，玩弄感情。
KUBY其实都只是一个单纯直接既女仔,几可爱,几多野讲!有她在你身边,你永远唔会觉得闷。
只系,我唔知道,她心里面,到底隐藏住几多唔开心同烦恼? 但以她既性格,唔会轻易表露出来, 我地倾左好耐......
同KUBY倾完之后，我有左我既决定，我，想约埋ViVi出来，开开心心玩一日。 六月，结局
3.GoodBye，ViVi
到左同ViVi约定既果一日，时间，地点，心里面再重复一次，我好早已经去左约定既地点......
回忆起呢一段日子，当我递左纸仔比VIVI,我好记得她唔知点算既表情,有D惊喜又有D迷惘......之后她发短讯比我,我好开心,以为有一段开心既恋情会开始...点知,世上既一切唔会按你的意愿,去发生...但如果，如果我再着紧D,会不会ViVi就属于我？她有BF但又唔会拒绝我稳她,会出来见我,有时又好似当左我是她BF,有时我会谂，就算她一拖二我都唔介意......
算啦，我,唔再妄想啦。但,每一次见到她,只会更喜欢她......
ViVi迟左少少先出现，她今日着左件白色带少少粉红色既Tee 贴身低腰既深蓝色牛仔裤,仲衬埋一只粉红色，好Q既卡通表，拉直左D阴，遮住左她个额头......
当然，啡色既卷发，淡蓝色既眼影，长长既眼睫毛，是ViVi既特色
“要我等左甘耐，有咩补偿啊？”
“你等左好耐咩？你想要咩补偿啊！”
“我想拖你只手仔咯！”
“比只手仔你拖咯！”
ViVi甘样讲，又伸左她只手出来，当我想拖住既时候，她又缩埋喇！
“你就想喇！哈哈哈”
ViVi今日好似一个细路仔......
第一次，好自然地，拖住左ViVi。
“去边吖！？”
我地两个都无目的想去边，所以一于所有既地方，都去晒！呢一日既早上，去左行撞元坊，上下九，一德路，最后仲埋扮信徒入左石室教堂，
我：“去完教堂。系咪应该去拜下神啊？”
ViVi:“傻啦你！”
同VIVI一齐，我变得好似个细路仔一样,我地行左好耐,都唔觉得累...
ViVi唔系果种攻于心计既女仔，她系一个经常需要有拖拍先会开心既女仔,如果唔系,她就成日会慌失失,成日做错野架,
中午既时候，我地约埋Suki出来,我地三个一齐吃饭,如果以后可以经常甘样，就好啦......
之后,陪距地去顶好简下D女仔野。
ViVi有一个坏习惯：大头虾!成日唔记得拿返自己D野,岩岩在顶好买既耳环啦，吃完饭起身又唔记得拿手机喇！
“呢个咪好过你依家果个咯，不如换呢个啦？”Suki讲笑甘对ViVi讲。
“好啊，考虑下！哈哈！”ViVi又好似讲笑甘答左Suki，ViVi好钟意笑......
‘ViVi，可唔可以，做我女朋友’呢句说话，我一直想讲,从见到ViVi之后想讲，今日都想讲，但已经讲唔出口，我知道就算讲出口，都收唔到ViVi肯定既答复。
唔想做第三者，亦唔想做第二位。
送左Suki上车之后，我同ViVi又行左一阵，又返到北京路果附近...
行左入一条街里面，条街好静...我地稳左一位置，坐低在，突然间ViVi成个人静晒落来，她既情绪，会随住环境而改变。
ViVi饮汽水，我饮啤酒......
“Ken阿，走咯，我要返屋企啦...”
“唔好啦,倾阵计先喇”
ViVi:“哦...”
对面士多摆住既DVD上面有《转角遇上爱》。
我：“我地似唔似小猪同大S阿？”
ViVi:“唔似！你无小猪甘靓仔！”
我：“车，你够无大S甘可爱咯！”
我：“小猪同大S都唔衬....同小S衬D,有无睇过小猪同小S果只MTV皆?”
ViVi:“我觉得同小s更加吾衬喔 !”
我：“同大S就好似姐弟恋!”
ViVi:“小s个样甘老 !”
“无计啦...如果系姐妹,都系家姐靓D架...”
ViVi:“哈哈哈哈! 你甘讲 ``~ 我妹听到一定嬲吖 !”
“你指SUKI啊!?"
ViVi:“nono!唔系啵！系我个亲妹吖!我同suki似样咩 ?”
我：“亲生架?正啊!似你吗?”
ViVi:“细我几年!”
我：“我都系觉得家姐会靓过妹咯!我识过甘多对姐妹都系甘!!你睇下人地2R!好明显个家姐靓D”
ViVi:“系阿!卫兰 ``!!”
“ViVi,你今日好靓......”
ViVi:“系咩，多谢！”
“可唔可以，介绍你个妹妹比我识...”
ViVi:“吓！？点解啊？”
“如果唔可以同家姐一齐，识左她个妹都好咯...”我系度自言自语，根本就是自我安慰，越讲越细声，都最后，连我自己都听唔清楚.....
ViVi，她开始唔出声喇，只系默默地听住我讲，连我自己都唔知道我讲紧咩，既说话......
突然间,ViVi眼定定，望住我。
呢个过程,变得好长好长......初中我暗恋果个女仔,在我地最后见面果一日，她望我既眼神......而果个女仔个样，已经离我越来越远.......在我面前既人，又变返ViVi......突然间，一瞬间,就只得瞬间,我好似见到VIVI以后个样,她变左样，无染发,头发拉直左,无画眼影，但眼睫毛仲系甘长,ViVi变得...变得似一个好乖既女仔，她结左婚啦？
呢一刻，想望真下ViVi，我避开左ViVi既眼神，只系好执着甘拖住她只手......
无信心加入三角恋里面,系唔想有更多既烦恼？唔系！系我自己好惊，好惊等我深深爱上ViVi之后，失去她既人，是我。
“ViVi，可唔可以，做我女朋友”
呢句说话，上次对ViVi讲过一次，今日想讲，但已经讲唔出口，我知道就算讲出口，都收唔到ViVi肯定既答复。
送ViVi去车站...最后，锡左ViVi一啖，只系锡她个额头,锡左落她前面D头发度......
“BYE-BYE！”ViVi上左车之后，向我轻轻挥下手，她终始都系甘可爱......
问自己系好爱ViVi咩,就算自己话系,但有咩根据? 我地识左唔耐,我地从来未正式开始过,但,我真系好想同ViVi一齐。
ViVi, 我知道,终有一日,你会从我既记忆里面,变得模糊,以后,我会唔会忘记左你喇? 但在呢一刻,我真系唔想去忘记你 呢几个月唔算长，我记得，未识到ViVi果阵，打的去北京路，及下她在唔在间店度，点知唔见ViVi，返去果阵又截唔到的士，要等公交！以前得一个钟吃饭时间，所以搞到迟到要补钟......真系傻。
夜喇，个天开始暗落来喇......
ViVi，我想记住你,记住你既笑容,你卷发既颜色,你长既眼睫毛,浅蓝色既眼影......
可能只是短时间，但我曾经真的，喜欢你，
好想有一个好似你既女朋友......
以后,会唔会再见到你呢？但依家，讲唔出口既说话,只好在心里面,对你讲:
再见啦,ViVi。
-----------Ending 狠好睇吖
在發啦 :hb 完啦？
页:
[1]