|
- 帖子
- 21
- 威望
- 56 点
- 广潮币
- 331 元
|
[搜店] 广州外贸成衣集锦，欢迎大家一齐添加
相信外贸货有唔少朋友都知道！更有者喺经常扫货，外贸货点解会收到青睐呢？原因喺D款够特别，唔会通街有，虽然当时D外贸成衣好多都系OUTLET货，但系价钱同质量都好好，甚至有D当季嘅款式，因为有少少唔起眼嘅暇疵，就要倾销，所以真系觉得物超所值！但系，呢几年太多所谓嘅“外贸成衣”店充斥广州街头，而且有浑水摸鱼之势——好多都系A货，甚至系流嘢。不过话虽如此·····但亦有着不少好嘢畀大家淘宝，只要细心就会发现一些好得嘎靓货等着大家发现！
下面就同大家分享喺广州值得去睇睇卖外贸货嘎集散地，欢迎大家一齐发表分享！分享你常去或知道的淘宝地。
华乐路：
“外贸成衣”店始祖，而且系广州零售外贸成衣最集中嘅地方，有间要上几个楼级嘅店铺，冇乜装修，里面长期摆到好似货仓咁，不过却系好多中意外贸成衣嘅人事都会出没嘅地点，而且每次去都会见到有外国人帮衬，所以D都算OK，最重要系货源充足，更新都几快，不过呢两年D货色逐渐差咗好多，特别系低价位嘅货更加有好多都系流流哋，不过质量相对于其他店铺都算几好，特别系男装。女装嘅裤类都几值得买。另外有间叫XX仓嘅（唔多记得系仓定行啦）格调同呢间差不多，不过经常会有“卜死你”嘅OUTLET货买，大家不妨去碰下有咩好货。总之华乐路成由头到尾，总共有不下十间成衣店，而且仲有好几间几有特色嘅小店铺，款式好适合D靓靓OL。
淘金：
真系一个要淘先有金嘅地方，呢几年响横街窄巷开多咗好多店铺，有D仲开到上楼上，其中都有好几间专买成衣嘅，具体位置同店名唔多记得啦，因为觉得价钱相对偏贵，所以好少行。不过听我朋友话有间响楼上嘅店D货唔错，不过一直都冇机会去，希望大家可以话我知边间啦。
文明路：
呢两年先开始兴旺起身嘅购物旺地，而且最近仲开多咗几条好似银座咁嘅巷仔，而路面街铺有几间买成衣嘅店铺，不过D货一睇就知假，除左偶然会有D类似”卜死你“同”佐丹奴“嘅OUTLET货之外，其他货色大家心照啦，不过有间开响发廊旁边嘅店仔D货质量都几好，细心D都会俾你发现好嘢嘎，仲有几间开得时间比较耐嘅店铺，D货色同华乐路好相似，都可以睇下嘅。
小北路：
系一个经常见到黑鬼出没嘅地方，有两三间成衣店啦，不过价钱都好高，前排有几间临时铺，D货倾销，简直贱卖，外面卖百几，果度卖几十蚊，几抵，最怀念有间专卖针织嘅，D货好特别，可惜当时以为佢话准备走佬系吹水，而且冇带够银两，先买咗三间，但系D款式同质量都好好，起码未见过外面有得买，家阵唸番都觉得好可惜……
老鼠街：
其实我唔多想提呢个地方，因为我觉得家阵老鼠街已经全部变质，卖街货多过水货，更加唔好讲正货啦！一般都系D师奶级人物出现嘅地方！不过作为以前嘅代表地方，不得不提下啦！
大笪地：
一个好师奶嘅地方，不过却长年人头涌涌。其中街尾有两间店经常可以有D惊喜，最重要系价钱诱人！而附近有间买牛仔裤嘅，老板好识做生意，如果你有时间，同佢吹下水，佢会翻箱倒柜搵D正嘢俾你嘎！
荔湾广场：
地铺。有好多间“潮人”店，比较适合IN一代，款式都几好，价钱有少少贵，百几两百左右，比之前提嘅几个地方相同货色，偏贵D。不过胜在够集中。本人比较中意淘一间专买牛仔裤嘅店，以前店面较细，家阵大咗好多，不过价钱都相应贵咗，但系D款式都好特别，都几值得买嘎！
均益路：
过了东百往右走,单行道一直扫落去都有好多间外贸店！不过喺开头几间同尾尾几间多靓货，价钱都可以接受，质量都唔错，款式都几新！中间嘎店铺货就嘛嘛啦！但你有心去淘都可以揾到“平、靓、正”嘎货品嘎！都算系广州比较早期买外贸成衣嘅地方，以前主要有几间以买波鞋同牛仔裤为主嘅店铺，而家逐渐增多咗几间，不过D货都开始好参差，记得接近3路车总站嘅一间专买小朋友衫、内裤、睡衣嘅店，因为D内裤质量好好，特别系女士不妨可以去淘下，经常有雅方D底衫裤买，甚至仲有见过圣娜莎嘅货添！
龙津路：
有几间街铺，D货杂乱无章，全部都系A货或流嘢，可能旧城区啦，所以款式都偏老气，比较适合中年人事购买
前进路：
铺头分布比较分散，而且风格各异，但系本人认为货色马马，有D太过另类，如果中意着板仔衫裤嘅年轻人，不妨留意下一间缩咗少少去路面嘅店铺，而其他货款式好一般，冇特色，不值一提！
站西路：
冇咩好讲啦····应该好多人都知道！但呢家开始冇咩靓货，而且都喺要批发，不过过年过节都好唔少靓货抛售出来！呢段时间可以多去睇睇！拣到唔少好嘢嘎·····平时就只有几间有好嘢零售，而且位置都几入下！具体唔识讲喺边·····有兴趣大家可以去揾揾。
暂时唸到咁多，以后再继续补充，希望各位可以多多提点下，补充下！
以上转至gzvia |
|
