A组:车仔无论实力同金钱都系其他三队冇办法比较嘅,出线冇问题
罗马同波尔多两队风格相似,主场优势明显,双方相互对战将成为出线关键
克鲁日唔具备出线嘅实力
预计出线: 车仔 罗马
B组:国米最近势头强横,加上神奇教练摩连奴带队,望今年有重大特破
不来梅最近几年都有参加欧联赛事,累积唔少经验,加上主场优势明显,出线机会几大
彭拿典内高斯同阿诺索西斯两队实力比较上面两队相差太大,出线危险
预计出线 : 国米 不来梅
C组:西甲巨人巴塞可以话抽到个上上签,实力远超其他三队,只要稳定发挥,一定出线
士钸亭整体实力唔错,不过有个好致命嘅弱点就系遇弱不强.虽然好期待距同巴塞嘅精彩比赛,但系与其他两队谈唔上有优势
萨克达已经连续3年入欧联32强,并且成绩越打越好,有望今年杀入16强
瑞士嘅巴塞尔人脚方面与其他三队相差较远.出线无望
预计出线: 巴塞 萨克达
D组:一个真正超级嘅死亡之组,实力平均到可怕.边队都唔咁讲自己会出线
利物浦系有名嘅"淘汰赛专家"不过小组赛成绩就嘛嘛,加上双线作战,对手唔弱,唔超水平发挥嘅话出线危险
PSV系欧联嘅常客,整体实力强大,后防比较稳固,只要稳定发挥出线问题唔大
法国球队主场犀利勿庸置疑,马赛更系其中嘅佼佼者,如果主场可以打出气势出线机会将大大增加
马竞攻击力好强,但防守方面都好弱..比较唔稳定,人员年轻.欠缺经验
预计出线:PSV 马赛(利物浦)
E组:曼联开季成绩仲算可以,不过组内竟然有两队克星,遇到嘅障碍唔少,不过考虑到整体实力同经验,只要发挥好出线应该唔成问题
维拉里尔整体实力强大,而且对曼联占有心理优势,如果可以好似上年西甲嘅状态,出线机会好大
些路迪虽然系苏格兰系班霸级球队,不过欧洲嚟讲只属三流球队,虽然曾经两平曼联至其出局,但重演机会唔大
丹麦冠军阿尔堡第一次入欧联,成绩已经相当唔错,但因实力问题想出线恐怕要等下年
预计出线: 曼联 维拉里尔
F组:里昂其实已经可以跻身欧洲强队系列喇..加上队内球员整体实力强大,如果主场全取9分千其唔好惊讶
拜仁随住德国国家队嘅下滑而受到好大影响,完全冇晒以往嘅锐气,国内联赛成绩平平,如果唔博命嘅话出线恐怕危险
费伦天拿再次重现欧联赛场,其上年嘅战绩已经令好多人对紫百合嘅睇发发生改观,阔别多年有望再带畁我哋惊喜
布加勒斯特星系欧联常客,整体实力平平,队内球员比较年轻,不过如果借助年轻嘅优势向其他三队发出冲击嘅话结果就难讲喇
预计出线: 里昂 费伦天拿(拜仁)
G组:阿仙奴系欧联系出名嘅海鲜波,乜强队都赢到,但乜弱队都敢输,加上过往小组赛战绩参考,想出线要付出好大努力
波图随住队内优秀球员嘅流出,实力已经明显下降,要想系G组出线并唔系易事
费内巴切整体实力异常强大,队内拥有7名土耳其国脚,推荐...第一黑马!!!
基辅嘅优势只限于主场,冰天雪地边队都冇把握顺利过关,但客场基本可以无视
预计出线: 费内巴切 阿仙奴
H组:皇马嘅实力同名气远高于其他三队,缺少大脑"斯尼即达"嘅情况下如果及时稳到相应替补,出线机会几大
祖云经过电话门事件后首次跻身32强,转入翻唔少旧将,不过实力已经同以前冇办法比较,但借助经验嘅话出线仲系有唔少机会
东欧嘅泽尼特系一直极为神秘嘅球队,球员作风硬朗,技术精细,亦都系黑马之一,放长双眼睇其表演喇
博里索尔属32队最弱一队,首入欧联,经验缺乏,出线比较困难
预计出线: 皇马 泽尼特(祖云)
[ 本帖最后由 心只有你 于 2008-8-29 19:28 编辑 ] |
